Емайл: bobomatovu@rferl.org
Иш берувчи билан меҳнат шартномасини тузмаган муҳожирлар Россиядан чиқариб юборилади. Яқин орада қабул қилиниши кутилаётган бу қонун лойиҳасига кўра, жазо чоралари Евросиё иқтисодий иттифоққа (ЕАЭС) аъзо бўлган давлат ватандошларига тегишлидир.
Москвада, маҳаллий полиция маълумотларига кўра, бир неча марта судланган шахснинг ҳужумига учраган таксичи-муҳожир ўз ҳамкасбларини эҳтиёт бўлишга чақирди. Куни кеча йўловчи ҳужумига учраган Абдулҳаким касалхонага ётқизилгач, жағидан, елкасидан, қўлидан ва бўйнидан пичоқлангани аниқланди. 26 яшар Абдулҳаким Давидов 7 йилдан буён Россия пойтахтида таксичилик қилиб келади.
“Москва вилоятининг Подолск шаҳрида кўчада қолган тошкентлик Алишернинг яқинларини қидираяпмиз.” Озодликка бу илтимос билан мурожаат қилган самарқандлик Жўрабек ичкиликка берилиб, “бомж” бўлиб кетган Алишернинг аҳволи кундан-кунга оғирлашиб бораётганини маълум қилди.
Россия пойтахти полицияси Янги Москва туманида 1 феврал куни содир бўлган даҳшатли автоҳалокатда 9 кишининг ўлими юзасидан жиноят иши очди. Нобуд бўлган ва жароҳатланган йўловчилар Ўзбекистон, Қирғизистон ва Тожикистон ватандошларидир. Улар орасида бир россиялик ҳам бор. Полиция аварияда уч ўзбекистонлик меҳнат муҳожири нобуд бўлгани, яна иккиси реанимацияга тушганини тасдиқлади.
Ўзбекистонлик ҳаво гимнастлари, Sky Angels гуруҳи иштирокчилари Кристианна Воробьёва ва Рустэм Османовлар Монакода бўлиб ўтган энг нуфузли халқаро цирк фестивалида олий соврин – “Олтин масхарабоз”ни қўлга киритди. Циркчилар “Оскари”ни олган Кристианна ва Рустэм Озодлик билан суҳбатда яқин орада бу номер Ўзбекистонда ҳам намойиш этилиши мумкинлигини маълум қилди.
Санкт-Петербургнинг “Пулково” паркида 29 январ куни топилган 10 ойлик гўдакнинг онаси 22 яшар Ўзбекистон ватандоши экани аниқланди. Полиция маст ҳолатда бўлиб фарзандини совуқда қолдириб кетган бу аёлга нисбатан жиноий иш очилгани, бола тергов якунига қадар шифохонада қолишини билдирмоқда.
Sankt-Peterburgning Pushkinskiy tuman politsiya bo‘limida 28 yanvarga o‘tar kechasi 39 yashar o‘zbek muhojiri o‘ldirilishi yuzasidan jinoy ish ochildi. Jinoyatda boshqa odamni o‘ldirganlikda ayblanib, politsiyaga keltirilgan retsidivist jinoyatchi ayblanmoqda.
Санкт-Петербургнинг Пушкинский туман полиция бўлимида 28 январга ўтар кечаси 39 яшар ўзбек муҳожири ўлдирилиши юзасидан жиной иш очилди. Жиноятда бошқа одамни ўлдирганликда айбланиб, полицияга келтирилган рецидивист жиноятчи айбланмоқда.
Инсон ҳуқуқлари бўйича Европа суди ўзбек продюсери Мирсобир Ҳамидқориевни Ўзбекистонга бериб юборган Россия ҳукуматини 19 минг 500 евро жаримага тортди. Суд қарорига кўра, Россияда сиёсий бошпана сўраган тошкентлик Москвадан махсус хизматлар томонидан ўғирланиб, Россия ҳукумати ёрдамида Тошкентга олиб чиқилган.
Москванинг Вихино туманидаги уйлардан биридаги чиқиндихонада топилган жасад 32 ёшли ўзбекистонлик фаррошга тегишли экани аниқланди. Калтаклаб ўлдирилган бу йигит билан бирга ишлаган муҳожирлар қотилликка мигрантларнинг алоқаси бўлиши мумкинлигини тахмин қилмоқда.
Москвада ўзи энагалик қилаётган қизалоқни ўлдиргани учун судланган ўзбекистонлик Гулчеҳра Бобоқулова суд ҳукми кучга кириши муносабати билан мажбурий руҳий даволанишга психиатрия клиникасига жўнатилди. Гулчеҳра ётқизилган руҳий касалхона Қозон шаҳрида жойлашгани маълум бўлди.
Россиянинг Иркутск шаҳри Хорижликларни сақлаш марказида ушлаб турилган 38 ёшли навойилик Махсудбек Бобоқулов Ўзбекистонга экстрадиция қилинди. Маҳбуснинг рафиқаси Валентина Махсудбекнинг бериб юборилишида улар томонидан ёлланган адвокатларнинг қўли борлигини тахмин қилмоқда.
Россиянинг Красноярск шаҳрида меҳнат муҳожири бўлган юртдошларини талон-торож қилиб кетганликда айбланаётган ўзбекистонлик эр-хотин Россия ва Ўзбекистонда қидирувга берилди. Жабрдийда муҳожирлар бу масалада шикоят қилиб Президентнинг виртуал қабулхонасига мурожаат қилган
“Звезда” телеканали биносида тозалаш ишларини олиб бораётган ўзбекистонлик 28 яшар ишчи томдан қулаб тушиб, нобуд бўлди. Яна бир меҳнат муҳожирининг “Москва-Сити”даги иморатдан селфи-суратга тушаётганда қулагани айтилмоқда.
Россиянинг Ханти-Манси автоном округида жойлашган Хорижликларни вақтинчалик сақлаш марказида 1,5 йилдан буён қолаётган асли сурхондарёлик Зарифбек Баширов Ўзбекистон ва Россия ҳукуматларига уни озодликка чиқаришни сўраб видеомурожаат қилди.
Ўтган йилнинг августида Владимир шаҳридаги савдо марказидан 9 миллион рубль ўғирлаб кетганликда айбланаётган икки ўзбекистонликдан бири Москвада қўлга олинди. Полиция хабарига кўра, федерал қидирувда бўлган 23 яшар ўзбек муҳожири Россияга қайтиб кирганида ҳибсга олинган.
Украина томонидан қочқин сифатида тан олинган ўзбекистонлик Мурод Каримов, Россияда қочқин мақомини ололмаганидан кейин Украинага чиқиб кетаётганида йўқолди. Яқинларининг Озодликка билдиришича, Ўзбекистонда диний айбловлар билан қидирувда бўлган Мурод Каримов янги йил арафасида Россия чегарачилари томонидан тўхтатиб қолинган бўлиши мумкин.
Якшанба, 15 январга ўтар кечаси Россиянинг Саратов вилояти Петровский туманида содир бўлган автоҳалокатда 7 меҳнат муҳожири, жумладан 2 ўзбекистонлик нобуд бўлди. Катта юк машинаси билан юзма-юз тўқнашиб кетган минивэнда кетаётган мигрантлар паспортларига кирди-чиқди муҳрини уриб, чегарадан қайтаётгани маълум бўлди. Youtube тармоғида ҳодиса жойидан олинган видеокадрлар пайдо бўлди.
Муҳожирларнинг сифатсиз меҳнати Россия тараққиётига тўсқинлик қилади. Бу фикрни Москвада якунланган Гайдар иқтисодий-молиявий форумида овоза қилган Россия вице-премьери Ольга Голодец мигрантлар меҳнатидан воз кечиш вақти етиб қелганини билдирди.
Россиянинг Иркутск шаҳри Хорижликларни сақлаш марказида ушлаб турилган 38 ёшли навойилик Махсудбек Бобоқулов Ўзбекистон томонидан “ваҳҳобийлик” ва “давлат тўнтаришига уринишда” айбланиб, халқаро қидирувга берилган. Ўзбекистонга депортация хавфи остида қолаётган Махсудбек Россиядан сиёсий бошпана сўрагани ва давлат Бош прокуратурасига мурожаат қилганини Озодликка сўзлаб берди.
Давомини ўқинг
