тел: +420 2 2112 2397 Skype: assadrskype
Email: sadriddin61@gmail.com Facebook: Sadriddin Ashurov
Buxoroning bir yil oldin buzilgan “Dilkusho” dehqon bozoridagi do‘kon egalariga hokimiyat shu kungacha na tovon puli, na yangi do‘kon berdi. Biznesi barbod etilgan tadbirkorlarning Ozodlikka aytishicha, prokuratura va prezidentga qilingan murojaatlar natijasiz qolmoqda. Buxoro shahar hokimi Ozodlik bilan suhbatda bu muammoga tezda yechim topilajagini va’da qildi.
Бухоронинг бир йил олдин бузилган “Дилкушо” деҳқон бозоридаги дўкон эгаларига ҳокимият шу кунгача на товон пули, на янги дўкон берди. Бизнеси барбод этилган тадбиркорларнинг Озодликка айтишича, прокуратура ва президентга қилинган мурожаатлар натижасиз қолмоқда. Бухоро шаҳар ҳокими Озодлик билан суҳбатда бу муаммога тезда ечим топилажагини ваъда қилди.
Qashqadaryo viloyati diagnostika markazining qariyb 30 nafar shifokor va hamshirasi 5 fevral kuni viloyat hokimiga arz qilib bordi. Ular markaz faoliyat yuritayotgan ikki binodan birining olib qo‘yilganiga qarshi norozilik bildirdilar. Bu haqda Ozodlikka xabar bergan shifokorlarning aytishicha, hokimlikka zudlik bilan chaqirtirilgan militsiya va MXX xodimlari shifokorlarni hokimlik binosiga kiritmagan.
Қашқадарё вилояти диагностика марказининг қарийб 30 нафар шифокор ва ҳамшираси 5 февраль куни вилоят ҳокимига арз қилиб борди. Улар марказ фаолият юритаётган икки бинодан бирининг олиб қўйилганига қарши норозилик билдирдилар. Бу ҳақда Озодликка хабар берган шифокорларнинг айтишича, ҳокимликка зудлик билан чақиртирилган милиция ва МХХ ходимлари шифокорларни ҳокимлик биносига киритмаган.
Farg‘ona viloyatining Bag‘dod tumanida yashagan tadbirkorning yoqib yuborilgan va bo‘laklarga bo‘linib kanalga tashlangan jasadi bir haftadan buyon qidirilmoqda. Bu haqda Ozodlikka ma’lumot bergan huquq tizimi mulozimiga ko‘ra, qasos qurboni bo‘lgani aytilayotgan tadbirkorni o‘ldirishda gumonlanayotgan besh kishi hibsga olingan.
Фарғона вилоятининг Бағдод туманида яшаган тадбиркорнинг ёқиб юборилган ва бўлакларга бўлиниб каналга ташланган жасади бир ҳафтадан буён қидирилмоқда. Бу ҳақда Озодликка маълумот берган ҳуқуқ тизими мулозимига кўра, қасос қурбони бўлгани айтилаëтган тадбиркорни ўлдиришда гумонланаëтган беш киши ҳибсга олинган.
Namangan viloyatidan qo‘ng‘iroq qilgan tinglovchi, gazda yuradigan avtomobillarga qo‘yilgan “kapron” ballonlar, garchi ishlash muddati tugamagan bo‘lsa ham yoppasiga majburan almashtirilayotganidan, bu oddiy xalqning emas, balki qaysidir bir manfaatdor amaldorning xohishi bilan amalga oshirilayotganidan shikoyat qildi.
Наманган вилоятидан қўнғироқ қилган тингловчи, газда юрадиган автомобилларга қўйилган “капрон” баллонлар, гарчи ишлаш муддати тугамаган бўлса ҳам ёппасига мажбуран алмаштирилаётганидан, бу оддий халқнинг эмас, балки қайсидир бир манфаатдор амалдорнинг хоҳиши билан амалга оширилаётганидан шикоят қилди.
Farg‘ona viloyatining Rishton tumanidan bo‘lgan taniqli bloger va tadbirkor Dilshod Boltaboev(Dima Qayum)ning bozor ichkarisida xayriya mablag‘lari hisobiga qurgan “Xalq kutubxonasi” binosi buzilishdan asrab qolindi.
Фарғона вилоятининг Риштон туманидан бўлган таниқли блогер ва тадбиркор Дилшод Болтабоев(Дима Қаюм)нинг бозор ичкарисида хайрия маблағлари ҳисобига қурган “Халқ кутубхонаси” биноси бузилишдан асраб қолинди.
O‘zbekiston prezidenti Shavkat Mirziyoev borishi ehtimoli bo‘lgan joylardagi obodonlashtirish ishlariga o‘qituvchi va tibbiyot xodimlarini jalb qilinyapti. Buxoro viloyatining Olot tumanida o‘qituvchilar zovurlarni tozalashga majburlanayotgan bo‘lsa, Andijon shahrida o‘qituvchi bilan tibbiyot hamshiralari ko‘chalarni tozalamoqda. Uch kun oldin esa O‘zbekiston Xalq ta’limi vaziri o‘qituvchilarni darsdan tashqari ishlarga jalb qilinishiga qarshi emasligini aytgan edi.
Ўзбекистон президенти Шавкат Мирзиёев бориши эҳтимоли бўлган жойлардаги ободонлаштириш ишларига ўқитувчи ва тиббиёт ходимларини жалб қилиняпти. Бухоро вилоятининг Олот туманида ўқитувчилар зовурларни тозалашга мажбурланаётган бўлса, Андижон шаҳрида ўқитувчи билан тиббиёт ҳамширалари кўчаларни тозаламоқда. Уч кун олдин эса Ўзбекистон Халқ таълими вазири ўқитувчиларни дарсдан ташқари ишларга жалб қилинишига қарши эмаслигини айтган эди.
O‘zbekiston Xalq ta’limi vaziri Ulug‘bek Inoyatov o‘qituvchilarni faqat darsga kirib ta’lim bermasdan, boshqa jamoatchilik ishlarini ham bajarishga da’vat etdi. Vazir olib borilayotgan islohotlarni uyma-uy yurib mahallaga tushuntirish ishlarini olib borishni muallimlarning fidoyiligi, dedi. Vazirning bu gapidan ensasi qotgan o‘qituvchilar esa, Ulug‘ubek Inoyatov ularning ahvolidan umuman bexabarligi haqida aytmoqdalar.
Ўзбекистон Халқ таълими вазири Улуғбек Иноятов ўқитувчиларни фақат дарсга кириб таълим бермасдан, бошқа жамоатчилик ишларини ҳам бажаришга даъват этди. Вазир олиб борилаётган ислоҳотларни уйма-уй юриб маҳаллага тушунтириш ишларини олиб боришни муаллимларнинг фидойилиги, деди. Вазирнинг бу гапидан энсаси қотган ўқитувчилар эса, Улуғубек Иноятов уларнинг аҳволидан умуман бехабарлиги ҳақида айтмоқдалар.
Jizzax viloyatining Do‘stlik tumanida yashaydigan tadbirkor Mahmud Tugalov Mirzacho‘l tumanidagi “Qo‘shrabot gullari” firmasiga 100 million so‘m to‘lab, 34 bosh qoramol olish uchun shartnoma tuzgani, ammo firma rahbari ularni aldab ketganidan shikoyat qildi.
Andijon viloyatida psixotrop preparatlarga ehtiyoji bor bemorlar, dorixonalardan bu dorini topishning imkoni bo‘lmay qolayotgani haqida Ozodlikka arz qildi. Bemorlarning aytishlaricha, apteka sotuvchilari buning sababini psixotrop dorilar juda kam kelayotgani bilan izohlagan. “Dori-darmon” kompaniyasining mulozimlari psixotrop dorilar ta’minotida uzilishlar bo‘layotganini tasdiqladi.
Жиззах вилоятининг Дўстлик туманида яшайдиган тадбиркор Маҳмуд Тугалов Мирзачўл туманидаги “Қўшработ гуллари” фирмасига 100 миллион сўм тўлаб, 34 бош қорамол олиш учун шартнома тузгани, аммо фирма раҳбари уларни алдаб кетганидан шикоят қилди.
Андижон вилоятида психотроп препаратларга эҳтиёжи бор беморлар, дорихоналардан бу дорини топишнинг имкони бўлмай қолаётгани ҳақида Озодликка арз қилди. Беморларнинг айтишларича, аптека сотувчилари бунинг сабабини психотроп дорилар жуда кам келаётгани билан изоҳлаган. “Дори-дармон” компаниясининг мулозимлари психотроп дорилар таъминотида узилишлар бўлаётганини тасдиқлади.
O‘zbekiston marhum prezidenti Islom Karimovning jiyani, Jamshid Karimovdan amakisi haqida olingan intervyularni kitob shaklida chop etish taraddudida bo‘lgan Norvegiyada yashayotgan o‘zbekistonlik jurnalist Ulug‘bek Bakirning aytishicha, bu suhbatlarda sobiq prezident hayot yo‘lining hali jamoatchilikka oshkor bo‘lmagan tafsilotlari o‘rin olgan
Ўзбекистон марҳум президенти Ислом Каримовнинг жияни, Жамшид Каримовдан амакиси ҳақида олинган интервьюларни китоб шаклида чоп этиш тараддудида бўлган Норвегияда яшаётган ўзбекистонлик журналист Улуғбек Бакирнинг айтишича, бу суҳбатларда собиқ президент ҳаёт йўлининг ҳали жамоатчиликка ошкор бўлмаган тафсилотлари ўрин олган.
Давомини ўқинг
