тел: +420 2 2112 3387 mobile:+420 605 562 270 (шошилинч хабарлар) twitter: khurmatb skype: khurmatskype facebook:Khurmat Babadjanov
Ўзбекистонга импорт қилинаëтган маҳсулотлар учун белгиланган бож тўловлари икки бараварга қимматлаши ортидан Тошкент ва мамлакатнинг бошқа шаҳарларидаги йирик бозорларга мол келиши, савдогарларнинг айтишича, деярли тўхтаб қолган. Оқибатда Тошкентнинг "Абу Саҳий", "Ўрикзор" бозорларида кийим-кечак, пойафзал, қурилиш ва саноат моллари тақчиллиги сезила бошлади, савдогарлар эса, асосан, қолдиқ товарларини сотиш билан банд.
Ishga tushirilganidan ikki oy o‘tib-o‘tmay¸ Toshkentdagi o‘nga yaqin bankomat ishdan chiqa boshlagan. Bankomatlarning haftasiga ikki-uch kun ishlab, qolgan kunlari “texnik sababga ko‘ra" ishlamay qolayotganini izohlagan "Qishloq qurilish banki" xizmatchisi bunga havo haroratining sovishi sababchi bo‘lganini bildirdi.
Ишга туширилганидан икки ой ўтиб-ўтмай¸ Тошкентдаги ўнга яқин банкомат ишдан чиқа бошлаган. Банкоматларнинг ҳафтасига икки-уч кун ишлаб, қолган кунлари “техник сабабга кўра" ишламай қолаëтганини изоҳлаган "Қишлоқ қурилиш банки" хизматчиси бунга ҳаво ҳароратининг совиши сабабчи бўлганини билдирди.
Andijonda shahar hokimining Chevrolet Captiva xizmat mashinasi ishtirokida 8 oktabr kuni ro‘y bergan yirik yo‘l-transport hodisasi oqibatida kamida ikki kishi jarohatlandi. Guvohlarning Ozodlikka aytishicha, shahar hokimi Dilshod Rahmatullaevning Chevrolet Captiva avtomobili qarshi tomondan kelayotan Chevrolet Cobalt mashinasi bilan to‘qnashgan.
Андижонда шаҳар ҳокимининг Chevrolet Captiva хизмат машинаси иштирокида 8 октябрь куни рўй берган йирик йўл-транспорт ҳодисаси оқибатида камида икки киши жароҳатланди. Гувоҳларнинг Озодликка айтишича, шаҳар ҳокими Дилшод Раҳматуллаевнинг Chevrolet Captiva автомобили қарши томондан келаётан Chevrolet Cobalt машинаси билан тўқнашган.
6 oktabr kuni 1- sonli Toshkent yuridik kolleji talabasi 2 kursdoshini pichoqladi. Talabalardan biri voqea joyida jon berdi. Pichoqlangan yana bir talaba Toshkentdagi shoshilinch tibbiy yordam ilmiy markazining jonlantirish bo‘limiga yotqizildi. Militsiya ikki kursdoshini pichoqlagan kollej talabasini qidirmoqda. Chilonzor tuman prokuraturasi Jinoyat kodeksining 97-moddasi 1-qismi, ya’ni qasddan odam o‘ldirish bandi bo‘yicha jinoyat ishi ochdi.
6 октбярь куни 1- сонли Тошкент юридик коллежи талабаси 2 курсдошини пичоқлади. Талабалардан бири воқеа жойида жон берди. Пичоқланган яна бир талаба Тошкентдаги шошилинч тиббий ёрдам илмий марказининг жонлантириш бўлимига ётқизилди. Милиция икки курсдошини пичоқлаган коллеж талабасини қидирмоқда. Чилонзор туман прокуратураси Жиноят кодексининг 97-моддаси 1-қисми, яъни қасддан одам ўлдириш банди бўйича жиноят иши очди.
5 oktabr kuni ertalab Andijon shahrining Dexqonobod mahallasida 59 yashar ota jahl ustida qizi va nevarasini pichoqlab o‘ldirdi va o‘z joniga qasd qildi. Fojia ro‘y bergan xonadon qo‘shnilaridan birining Ozodlikka aytishicha, qotillikka oilada pul ustida kelib chiqqan janjal sabab bo‘lgan.Andijon prokuraturasi O‘zbekiston Jinoyat kodeksining 98-moddasi - "Qasddan odam o‘ldirish" bandi bo‘yicha ish ochib, hodisani tergov qilmoqda.
5 октябрь куни эрталаб Андижон шаҳрининг Дехқонобод маҳалласида 59 яшар ота жаҳл устида қизи ва неварасини пичоқлаб ўлдирди ва ўз жонига қасд қилди. Фожиа рўй берган хонадон қўшниларидан бирининг Озодликка айтишича, қотилликка оилада пул устида келиб чиққан жанжал сабаб бўлган.Андижон прокуратураси Ўзбекистон Жиноят кодексининг 98-моддаси - "Қасддан одам ўлдириш" банди бўйича иш очиб, ҳодисани тергов қилмоқда.
O‘zbekistonlik jurnalist Solijon Abdurahmonov 9 yilu 4 oylik qamoq ortidan 4 oktyabr kuni Qarshi shahridagi Shayxali qamoqxonasidan ozod etildi. Bu haqda Ezgulik inson huquqlari tashkiloti Ozodlikka ma’lum qildi. 67 yoshli jurnalist 2008 yilda giyohvand moddalari iste’mol qilish aybi bilan 10 yilga qamalgan edi.
Ўзбекистонлик журналист Солижон Абдураҳмонов 9 йилу 4 ойлик қамоқ ортидан 4 октябр куни Қарши шаҳридаги Шайхали қамоқхонасидан озод этилди. Бу ҳақда Эзгулик инсон ҳуқуқлари ташкилоти Озодликка маълум қилди. 67 ёшли журналист 2008 йилда гиёҳванд моддалари савдосида айбланиб, 10 йилга қамалган эди.
O‘tgan hafta Toshkentda xufyona tarzda hibsga olingan 44 yoshli mustaqil jurnalist Bobomurod Abdullaev O‘zbekiston jinoyat kodeksining 159-moddasi, ya’ni mamlakat konstitutsiyaviy tuzumiga tajovuz qilishda ayblanmoqda. 3 oktabr kuni Turkiyaning Istanbul shahrida o‘tkazilgan matbuot anjumanida O‘zbekiston Xalq harakati rahbari Muhammad Solih Bobomurod Abdullaev Usmon Haqnazarov tahallusi ostida maqolalar e’lon qilib kelgan jurnalist ekani va aynan shuning uchun u qamoqqa olinganini aytdi.
Ўтган ҳафта Тошкентда хуфёна тарзда ҳибсга олинган 44 ёшли мустақил журналист Бобомурод Абдуллаев Ўзбекистон жиноят кодексининг 159-моддаси, яъни мамлакат конституциявий тузумига тажовуз қилишда айбланмоқда. 3 октябр куни Туркиянинг Истанбул шаҳрида ўтказилган матбуот анжуманида Ўзбекистон Халқ ҳаракати раҳбари Муҳаммад Солиҳ Бобомурод Абдуллаев Усмон Ҳақназаров таҳаллуси остида мақолалар эълон қилиб келган журналист экани ва айнан шунинг учун у қамоққа олинганини айтди.
Jurnalist Bobomurod Abdullaev Toshkentdagi Gvardeyskiy, deb nom chiqargan Milliy Xavfszlik Xizmatining erto‘lasida so‘roq qilinmoqda. Jurnalist nimada ayblanayotgani ma’lum emas. Bobomurod Abdullaevni ustidan ilk mahkama 1 oktabr kuni Yunusobod tumani sudida bo‘lishi kutilmoqda. Advokati Munojon Parpievaga shanba kuni Abdullaev bilan uchrashishga ruxsat berilmadi.
Журналист Бобомурод Абдуллаев Тошкентдаги Гвардейский, деб ном чиқарган Миллий Хавфсзлик Хизматининг ертўласида сўроқ қилинмоқда. Журналист нимада айбланаётгани маълум эмас. Бобомурод Абдуллаевни устидан илк маҳкама 1 октябр куни Юнусобод тумани судида бўлиши кутилмоқда. Адвокати Муножон Парпиевага шанба куни Абдуллаев билан учрашишга рухсат берилмади.
Bir necha yigit boshqa bir yigitni geylikda ayblab jazolayotgani aks etgan video 29 sentabr kuni ijtimoiy tarmoqlarda tarqaldi. Ozodlik videoda aks etgan voqea 2 oy avval Farg‘ona shahrining Qirguli mavzesida sodir bo‘lganini aniqladi. Farg‘ona viloyat huquq-tartibot organlaridan birining mulozimi mazkur voqea yuzasidan jinoyat ishi ochilib, zo‘ravonlikni uyushtirgan va amalga oshirgan 4 shaxs qo‘lga olinganini Ozodlikka ma’lum qildi.
Бир неча йигит бошқа бир йигитни гейликда айблаб жазолаётгани акс этган видео 29 сентябр куни ижтимоий тармоқларда тарқалди. Озодлик видеода акс этган воқеа 2 ой аввал Фарғона шаҳрининг Қиргули мавзесида содир бўлганини аниқлади. Фарғона вилоят ҳуқуқ-тартибот органларидан бирининг мулозими мазкур воқеа юзасидан жиноят иши очилиб, зўравонликни уюштирган ва амалга оширган 4 шахс қўлга олинганини Озодликка маълум қилди.
O‘zbekistonlik ona o‘g‘lining o‘limida shifokorlarni ayblamoqda. Toshkent shahrida yashovchi Nodira opa Ozodlik bilan suhbatda Toshkent Tibbiyot Akademiyasi shifoxonasida vrachlarining mas’uliyatsizligi oqibatida 16 yoshli o‘g‘li nobud bo‘lganini aytdi. Toshkent shahar prokuraturasi va O‘zbekiston sog‘liqni saqlash vazirligining maxsus komissiyasi mazkur holat bo‘yicha surishtiruv boshlagan.
Ўзбекистонлик она ўғлининг ўлимида шифокорларни айбламоқда. Тошкент шаҳрида яшовчи Нодира опа Озодлик билан суҳбатда Тошкент Тиббиёт Академияси шифохонасида врачларининг масъулиятсизлиги оқибатида 16 ёшли ўғли нобуд бўлганини айтди. Тошкент шаҳар прокуратураси ва Ўзбекистон соғлиқни сақлаш вазирлигининг махсус комиссияси мазкур ҳолат бўйича суриштирув бошлаган.
O‘zbekistonda kuch ishlatar idoralar, jumladan militsiya va prokuratura xodimlari paxtaga safarbar etildi. O‘zbekiston ichki ishlar vazirligi, Bosh prokuraturaning markaziy idoralari xodimlaridan tortib viloyat va tumanlardagi bo‘limlari uch kun avval majburan paxtaga haydalgan. Lekin, O‘zbekiston Milliy xavfsizlik xodimlarining paxtaga chiqarilgani haqda Ozodlik ma’lumotga ega emas. Bank xodimlaridan esa, 5 nafardan terimchi yollash "so‘raldi".
Давомини ўқинг
