тел: +420 2 2112 3387 mobile:+420 605 562 270 (шошилинч хабарлар) twitter: khurmatb skype: khurmatskype facebook:Khurmat Babadjanov
Ўзбекистонда куч ишлатар идоралар, жумладан милиция ва прокуратура ходимлари пахтага сафарбар этилди. Ўзбекистон ички ишлар вазирлиги, Бош прокуратуранинг марказий идоралари ходимларидан тортиб вилоят ва туманлардаги бўлимлари уч кун аввал мажбуран пахтага ҳайдалган. Лекин, Ўзбекистон Миллий хавфсизлик ходимларининг пахтага чиқарилгани ҳақда Озодлик маълумотга эга эмас. Банк ходимларидан эса, 5 нафардан теримчи ёллаш "сўралди".
Andijonda maktab o‘quvchilarining ota-onalari paxtaga chiqishga majburlanmoqda. Ozodlik ega bo‘lgan ma’lumotga ko‘ra, Andijon hokimi har bir maktab direktoriga elliktadan terimchi topishni tayinlagan. Aholini terimga borishga ko‘ndirolmagan direktorlar esa o‘quvchilarning ota-onalariga “paxtaga chiqasan”, deya bosim o‘tkazmoqda. Viloyat hokimligi mulozimi maktab direktorlariga 50 nafardan terimchi topish haqida topshiriq berilganini tasdiqladi.
Андижонда мактаб ўқувчиларининг ота-оналари пахтага чиқишга мажбурланмоқда. Озодлик эга бўлган маълумотга кўра, Андижон ҳокими ҳар бир мактаб директорига элликтадан теримчи топишни тайинлаган. Аҳолини теримга боришга кўндиролмаган директорлар эса ўқувчиларнинг ота-оналарига “пахтага чиқасан”, дея босим ўтказмоқда. Вилоят ҳокимлиги мулозими мактаб директорларига 50 нафардан теримчи топиш ҳақида топшириқ берилганини тасдиқлади.
Andijon viloyati hokimi Shuhratbek Abdurahmonov 22 sentabr kuni viloyat hokimligida o‘tkazilgan majlisda maktab va kollej o‘qituvchilari, o‘quvchi va talabalari hamda tibbiyot xodimlarining dala mehnatiga jalb etilishi jinoyat ekani, bunday xol aniqlangan taqdirda xodimlarni dalaga chiqargan rahbarlar nafaqat lavozimidan ayrilishi, balki jinoiy javobgarlikka tortilishi haqda ogohlantirdi.
Андижон вилояти ҳокими Шуҳратбек Абдураҳмонов 22 сентябр куни вилоят ҳокимлигида ўтказилган мажлисда мактаб ва коллеж ўқитувчилари, ўқувчи ва талабалари ҳамда тиббиёт ходимларининг дала меҳнатига жалб этилиши жиноят экани, бундай хол аниқланган тақдирда ходимларни далага чиқарган раҳбарлар нафақат лавозимидан айрилиши, балки жиноий жавобгарликка тортилиши ҳақда огоҳлантирди.
Qashqadaryo viloyatidagi Muborak gazni qayta ishlash zavodida 20 sentabr kuni ro‘y bergan portlash oqibatida o‘lgan va jarohatlanganlarning barchasi¸ voqea guvohlarining Ozodlikka aytishicha, montaj-ta’mirlash ishlari olib borayotgan ishchilardir. Portlashga texnika xavfsizligi qoidalariga rioya qilinmagani sabab bo‘lgani taxmin etilmoqda.
Қашқадарё вилоятидаги Муборак газни қайта ишлаш заводида 20 сентябрь куни рўй берган портлаш оқибатида ўлган ва жароҳатланганларнинг барчаси¸ воқеа гувоҳларининг Озодликка айтишича, монтаж-таъмирлаш ишлари олиб бораётган ишчилардир. Портлашга техника хавфсизлиги қоидаларига риоя қилинмагани сабаб бўлгани тахмин этилмоқда.
O‘zbekiston prezidenti Shavkat Mirziyoev 18 sentabr kuni BMT Bosh Assambleyasining 72- sessiyasida qatnashish uchun Nyu-York shahriga rossiyalik biznesmen Alisher Usmonovning uchog‘ida uchib ketgani ehtimolini avvaliga Bi-Bi-Si O‘zbek xizmati ilgari surgan edi. O‘zbekiston hukumati transport tizimidagi Ozodlik manbasi mamlakat prezidenti Usmonovning samolyotida uchib ketganini tasdiqladi. Bu holat ijtimoiy tarmoqlarda munozaraga sabab bo‘ldi.
Ўзбекистон президенти Шавкат Мирзиёев 18 сентябрь куни БМТ Бош Ассамблеясининг 72- сессиясида қатнашиш учун Нью-Йорк шаҳрига россиялик бизнесмен Алишер Усмоновнинг учоғида учиб кетгани эҳтимолини аввалига Би-Би-Си Ўзбек хизмати илгари сурган эди. Ўзбекистон ҳукумати транспорт тизимидаги Озодлик манбаси мамлакат президенти Усмоновнинг самолётида учиб кетганини тасдиқлади. Бу ҳолат ижтимоий тармоқларда мунозарага сабаб бўлди.
Andijon shahrida yashovchi 58 yoshli Muzaffar Umrzoqov maktabda farrosh bo‘lib ishlaydigan rafiqasi o‘rniga paxtaga chiqqan paytda dalada jon berdi. Voqea guvohlarining Ozodlikka aytishicha, Umrzoqov tergan paxtasini pritsepga olib borayotgan mahal yurak xurujidan o‘lgan. Marhumga shu kuni kechqurun janoza o‘qilib, zudlikda dafn etilgan.
Андижон шаҳрида яшовчи 58 ёшли Музаффар Умрзоқов мактабда фаррош бўлиб ишлайдиган рафиқаси ўрнига пахтага чиққан пайтда далада жон берди. Воқеа гувоҳларининг Озодликка айтишича, Умрзоқов терган пахтасини прицепга олиб бораётган маҳал юрак хуружидан ўлган. Марҳумга шу куни кечқурун жаноза ўқилиб, зудликда дафн этилган.
16 sentabr kuni Toshkent shahrida 4 metrlik lavash tayyorlandi. "Rekord palov" tayyorlangan “O‘zbegim” festivalidan bir hafta o‘tib o‘tkazilgan bu tadbir ham odamlarning ur-yiqitiga sabab bo‘ldi. Ijtimoiy tarmoqda tarqalgan videoda tadbir tashkilotchilari olmonga qarata “hammaga yetadi, uyaltirmanglar, sal orqaroq turinglar”, - deyotganini ko‘rish mumkin.
16 сентябр куни Тошкент шаҳрида 4 метрлик лавош тайёрланди. "Рекорд палов" тайёрланган “Ўзбегим” фестивалидан бир ҳафта ўтиб ўтказилган бу тадбир ҳам одамларнинг ур-йиқитига сабаб бўлди. Ижтимоий тармоқда тарқалган видеода тадбир ташкилотчилари олмонга қарата “ҳаммага етади, уялтирманглар, сал орқароқ туринглар”, - деётганини кўриш мумкин.
Andijondagi xususiy asfalt shirkatlari viloyat hokimi ularni Jalaquduq tumanidagi harbiy qismga asfalt yetkazishga majburlaganini aytishmoqda. Shirkat egalaridan birining Ozodlikka aytishicha, viloyat hokimi ularni 12 sentabr kuni to‘plab, har biriga 200 tonnadan asfaltni harbiy qismga jo‘natishni tayinlagan, transport harajatini ham ular zimmasiga yuklagan. Hokimlik mulozimi Ozodlikka, asfalt shirkatlaridan yordam so‘ralganining sababi viloyatdagi qurilishlar uchun byudjetdan ajratiladigan mablag‘ yetmay qolganligida ekanini aytdi.
Андижондаги хусусий асфалт ширкатлари вилоят ҳокими уларни Жалақудуқ туманидаги ҳарбий қисмга асфалт етказишга мажбурлаганини айтишмоқда. Ширкат эгаларидан бирининг Озодликка айтишича, вилоят ҳокими уларни 12 сентябр куни тўплаб, ҳар бирига 200 тоннадан асфалтни ҳарбий қисмга жўнатишни тайинлаган, транспорт ҳаражатини ҳам улар зиммасига юклаган. Ҳокимлик мулозими Озодликка, асфалт ширкатларидан ёрдам сўралганининг сабаби вилоятдаги қурилишлар учун бюджетдан ажратиладиган маблағ етмай қолганлигида эканини айтди.
Sirdaryo viloyat, Sayxunobod tuman hokimi Nosirjon Egamberdievdan kaltak egan maktab direktorlaridan biri qonunsizlik va mushtumzo‘rlik tuman hokimligidagi majlislarda doimiy ekanini aytdi. Sayxunobod tuman hokimi tumandagi maktablarning direktorlarini yig‘ib, ularni bir qatorga tergan holda kaltaklagani tasvirlangan video 12 sentabr kuni Inernetda tarqaldi va tarmoqda qizg‘in muhokama qilinmoqda.
Сирдарё вилоят, Сайхунобод туман ҳокими Носиржон Эгамбердиевдан калтак еган мактаб директорларидан бири қонунсизлик ва муштумзўрлик туман ҳокимлигидаги мажлисларда доимий эканини айтди. Сайхунобод туман ҳокими тумандаги мактабларнинг директорларини йиғиб, уларни бир қаторга терган ҳолда калтаклагани тасвирланган видео 12 сентябр куни Инернетда тарқалди ва тармоқда қизғин муҳокама қилинмоқда.
O‘zbekistonda konvertatsiya ochilganidan bir hafta o‘tib, tobora ko‘proq odamlarning undan hafsalasi pir bo‘lmoqda. Sababi banklardan rasmiy kursda naqd valyuta sotib olib bo‘lmayapti. Jismoniy shaxslarga xorijiy valyutalarni sotish tijorat banklarining konversion bo‘limlarida pul mablag‘larini xalqaro to‘lov kartalariga o‘tkazish orqali amalga oshirilmoqda. Konversion kartalardan esa, O‘zbekiston ichida pul yechib olish imkonsiz.
Ўзбекистонда конвертация очилганидан бир ҳафта ўтиб, тобора кўпроқ одамларнинг ундан ҳафсаласи пир бўлмоқда. Сабаби банклардан расмий курсда нақд валюта сотиб олиб бўлмаяпти. Жисмоний шахсларга хорижий валюталарни сотиш тижорат банкларининг конверсион бўлимларида пул маблағларини халқаро тўлов карталарига ўтказиш орқали амалга оширилмоқда. Конверсион карталардан эса, Ўзбекистон ичида пул ечиб олиш имконсиз.
O‘zbekistonliklar ijtimoiy tarmoqlarda “O‘zbegim” festivalida tayyorlangan rekord palov ustida boshlanib ketgan ur-yiqitni qoralamoqda. 8 sentabr kuni Toshkentning Sayilgoh ko‘chasida dunyodagi eng katta deb aytilayotgan qariyb 8 tonnalik palov damlanib, odamlarga tarqatila boshlagach, uni atrofida yig‘ilgan olomon orasida ur-yiqit yuzaga keldi. Tashkilotchilar tartibsizliklar bois tekin oshni tarqatishni to‘xtatishga majbur bo‘ldilar.
Давомини ўқинг
