тел: +420 2 2112 2397 Skype: assadrskype
Email: sadriddin61@gmail.com Facebook: Sadriddin Ashurov
O‘zbekiston prezidenti Shavkat Mirziyoevning farmoni bilan 1-apreldan propiskasiz shaxslarning poytaxtdan ko‘chmas mulk sotib olishiga qo‘yilgan taqiq bekor qilinadi, propiskasiz shaxslarning Toshkentda ishga joylashish mumkin bo‘ladi. Biroq, Ozodlik suhbatlashgan poytaxt pasport bo‘limlari mulozimlari bu farmonni ijro etish haqida aniq bir ma’lumotga ega emasliklarini aytdi.
Ўзбекистон президенти Шавкат Мирзиёевнинг фармони билан 1-апрелдан пропискасиз шахсларнинг пойтахтдан кўчмас мулк сотиб олишига қўйилган тақиқ бекор қилинади, пропискасиз шахсларнинг Тошкентда ишга жойлашиш мумкин бўлади. Бироқ, Озодлик суҳбатлашган пойтахт паспорт бўлимлари мулозимлари бу фармонни ижро этиш ҳақида аниқ бир маълумотга эга эмасликларини айтди.
Qozog‘istonda avtobus halokatida vafot etgan 52 o‘zbekistonlikning 14 nafari Farg‘ona viloyatining Toshloq tumanidan ekanligi aniqlandi. Toshloqlik pensionerlardan birining OzodMikrofonga aytishicha, qahraton qishda muhojirlik qismatini tanlab, qarindosh-urug‘laridan yo‘lkiraga qarz olib, Rossiya tomon ketayotganlarning hammasi ishsiz bo‘lgan.
Қозоғистонда автобус ҳалокатида вафот этган 52 ўзбекистонликнинг 14 нафари Фарғона вилоятининг Тошлоқ туманидан эканлиги аниқланди. Тошлоқлик пенсионерлардан бирининг ОзодМикрофонга айтишича, қаҳратон қишда муҳожирлик қисматини танлаб, қариндош-уруғларидан йўлкирага қарз олиб, Россия томон кетаётганларнинг ҳаммаси ишсиз бўлган.
Samarqand viloyati Paxtachi tumanidagi Qoraqo‘tan oltin konida tosh bosib halok bo‘lgan g‘ayriqonuniy oltin izlovchi yigitning o‘limi haqidagi Ozodlik xabaridan so‘ng, Favqulodda vaziyatlar vazirligining viloyat boshqarmasi xodimlari voqea joyiga borib vaziyatni o‘rgangan. FVV xodimining aytishicha, bu voqeada bir kishi o‘lgan va 3 kishi tan jarohati olgan. Ammo, bir-biridan mustaqil norasmiy manbalar 18 yanvar kuni yana bir yigitning jasadi kovlab olinganini aytmoqda.
Самарқанд вилояти Пахтачи туманидаги Қорақўтан олтин конида тош босиб ҳалок бўлган ғайриқонуний олтин изловчи йигитнинг ўлими ҳақидаги Озодлик хабаридан сўнг, Фавқулодда вазиятлар вазирлигининг вилоят бошқармаси ходимлари воқеа жойига бориб вазиятни ўрганган. ФВВ ходимининг айтишича, бу воқеада бир киши ўлган ва 3 киши тан жароҳати олган. Аммо, бир-биридан мустақил норасмий манбалар 18 январь куни яна бир йигитнинг жасади ковлаб олинганини айтмоқда.
Andijon viloyati Izboskan tumani hokimi Akmaljon Jalolov 7- 8 yanvar kunlari xalq deputatlari tuman Kengashining navbatdan tashqari sessiyasini o‘tkazib, o‘tgan yil paxta yoki bug‘doy rejasini bajarmagan fermerlarning yeri davlat zaxirasiga qaytarilganini e’lon qildi.
Андижон вилояти Избоскан тумани ҳокими Акмалжон Жалолов 7- 8 январь кунлари халқ депутатлари туман Кенгашининг навбатдан ташқари сессиясини ўтказиб, ўтган йил пахта ёки буғдой режасини бажармаган фермерларнинг ери давлат захирасига қайтарилганини эълон қилди.
Toshkent shahrida yashaydigan haydovchi, 33 yashar Sanjar Rahimovning Ozodmikrofonga arz qilishicha, uni Sirdaryo viloyatining yo‘l harakati xavfsizligi inspektori ichgan holatda mashina boshqarishda gumonlab, narkologiya dispanseriga tekshirishga olib borgan. Haydovchining so‘zlariga ko‘ra, u ichmagan bo‘lsa ham, lekin apparat uni ichgan deb chiqarib bergan.
16 yanvar kuni Navoiy kon-metallurgiya kombinatiga qarashli Qoraqo‘tan oltin konining Paxtachi tumanidagi tashlandiq shaxtasida g‘ayriqonuniy oltin qidirish bilan mashg‘ul bo‘lgan bir necha o‘n odamni tosh bosib qoldi, kamida 1 kishi halok bo‘ldi.
Тошкент шаҳрида яшайдиган ҳайдовчи, 33 яшар Санжар Раҳимовнинг Оzodmikrofonга арз қилишича, уни Сирдарё вилоятининг йўл ҳаракати хавфсизлиги инспектори ичган ҳолатда машина бошқаришда гумонлаб, наркология диспансерига текширишга олиб борган. Ҳайдовчининг сўзларига кўра, у ичмаган бўлса ҳам, лекин аппарат уни ичган деб чиқариб берган.
16 январь куни Навоий кон-металлургия комбинатига қарашли Қорақўтан олтин конининг Пахтачи туманидаги ташландиқ шахтасида ғайриқонуний олтин қидириш билан машғул бўлган бир неча ўн одамни тош босиб қолди, камида 1 киши ҳалок бўлди.
Chirchiq shahrida yashagan to‘rt yashar Nikita Shevchenkoning ota-onasi iddaosiga ko‘ra, o‘g‘li qaynoq choy ichgani oqibatida kasalxonaga olib borilgan, biroq shifokorlarning e’tiborsizligi natijasida u olamdan o‘tgan. Nikita onasining da’vo qilishicha, o‘g‘lini tekshirgan doktor unga kefir ichirishni maslahat berib, uyga javob berib yuborgan va bola uyga kelgach jon bergan. Ayni paytda Nikitaning ota-onasi ayblayotgan doktor ushbu ayblovlarni inkor qildi.
Чирчиқ шаҳрида яшаган тўрт яшар Никита Шевченконинг ота-онаси иддаосига кўра, ўғли қайноқ чой ичгани оқибатида касалхонага олиб борилган, бироқ шифокорларнинг эътиборсизлиги натижасида у оламдан ўтган. Никита онасининг даъво қилишича, ўғлини текширган доктор унга кефир ичиришни маслаҳат бериб, уйга жавоб бериб юборган ва бола уйга келгач жон берган. Айни пайтда Никитанинг ота-онаси айблаётган доктор ушбу айбловларни инкор қилди.
Andijon shahridan qo‘ng‘iroq qilgan tadbirkor ayolning OzodMikrofonga aytishicha, uning Germaniya vatandoshi bo‘lgan qaynog‘asi qazosi yaqinlashayotgan onasi bilan vidolashgani kelgan, lekin, vaqtincha qaydga qo‘ymagani uchun chiqib ketayotganda Toshkent aeroportidagi chegarachilar tomonidan reysdan olib qolingan.
Андижон шаҳридан қўнғироқ қилган тадбиркор аёлнинг OzodMikrofonга айтишича, унинг Германия ватандоши бўлган қайноғаси қазоси яқинлашаётган онаси билан видолашгани келган, лекин, вақтинча қайдга қўймагани учун чиқиб кетаётганда Тошкент аэропортидаги чегарачилар томонидан рейсдан олиб қолинган.
Surxondaryo viloyati Qiziriq tumani “Suvoqova” tashkiloti vodoprovod quvuri bormagan, ichimlik suvni uch-besh kilometr masofadan tashib ichgan mahalliy aholiga besh yuz ming so‘mdan bir million so‘mgacha to‘lov soldi. Tuman Majburiy ijro byurosi odamlarning e’tiroziga qaramasdan bu to‘lovni undirishga kirishdi.
Сурхондарё вилояти Қизириқ тумани “Сувоқова” ташкилоти водопровод қувури бормаган, ичимлик сувни уч-беш километр масофадан ташиб ичган маҳаллий аҳолига беш юз минг сўмдан бир миллион сўмгача тўлов солди. Туман Мажбурий ижро бюроси одамларнинг эътирозига қарамасдан бу тўловни ундиришга киришди.
Andijon viloyatining Andijon tumanida yashaydigan pensioner Sadiroxun So‘piev, umumta’lim maktablari o‘quvchilarining yozgi ta’tilini qish fasliga ko‘chirish taklifi bilan portalga murojaat qilgani, ammo javob ololmagani haqida OzodMikrofon ga gapirdi.
Андижон вилоятининг Андижон туманида яшайдиган пенсионер Садирохун Сўпиев, умумтаълим мактаблари ўқувчиларининг ёзги таътилини қиш фаслига кўчириш таклифи билан порталга мурожаат қилгани, аммо жавоб ололмагани ҳақида OzodMikrofon га гапирди.
Давомини ўқинг
