тел: +420 2 2112 2397 Skype: assadrskype
Email: sadriddin61@gmail.com Facebook: Sadriddin Ashurov
Farg‘ona viloyati Rishton tumanining Qozi Ahror mahallasida istiqomat qilgan oltmish yoshlardagi eru xotin yettinchi yanvarga o‘tar kechasi is gazidan zaharlanib vafot qildi. Bu haqda xabar bergan rishtonlik inson huquqi himoyachisiga ko‘ra, er-xotin pechkada yonib turgan ko‘mirni olib tog‘oraga solib qo‘ygan. Ular bilan doim birga yotadigan nevarasi o‘sha kuni onasining uyida uxlab qolganligi tufayli falokatdan omon qolgan.
Фарғона вилояти Риштон туманининг Қози Аҳрор маҳалласида истиқомат қилган олтмиш ёшлардаги эру хотин еттинчи январга ўтар кечаси ис газидан заҳарланиб вафот қилди. Бу ҳақда хабар берган риштонлик инсон ҳуқуқи ҳимоячисига кўра, эр-хотин печкада ёниб турган кўмирни олиб тоғорага солиб қўйган. Улар билан доим бирга ётадиган невараси ўша куни онасининг уйида ухлаб қолганлиги туфайли фалокатдан омон қолган.
Farg‘ona viloyati Yozyovon tumanidan OzodMikrofon ga qo‘ng‘iroq qilgan 72 yashar Xolmurod hoji, qayta Hajga borishga uzoq yillar navbat kutganini, ammo navbati endi yaqinlashganda ikkinchi marta Hajga borish taqiqlangani haqida qaror chiqqanidan afsusda ekanligini aytadi
Фарғона вилояти Ёзёвон туманидан OzodMikrofon га қўнғироқ қилган 72 яшар Холмурод ҳожи, қайта Ҳажга боришга узоқ йиллар навбат кутганини, аммо навбати энди яқинлашганда иккинчи марта Ҳажга бориш тақиқлангани ҳақида қарор чиққанидан афсусда эканлигини айтади
Farg‘ona viloyat hokimi Shuhrat G‘aniev viloyatdagi chorvachilik fermer xo‘jaliklaridan 100 tasi rahbarini chorvadorlik qilish uchun Qoraqalpog‘istonga majburan yuboryapti.
Фарғона вилоят ҳокими Шуҳрат Ғаниев вилоятдаги чорвачилик фермер хўжаликларидан 100 таси раҳбарини чорвадорлик қилиш учун Қорақалпоғистонга мажбуран юборяпти.
Davlat dasturi asosida Qashqadaryo viloyati Koson tumanining qishloq joylarida qurilgan 38 ta arzon uyning beshtasi hokimlik mulozimlariga tegdi. Kam ta’minlangan muhtoj oilalar ro‘yxatida turmaydigan mulozimlar bu uylarga egalik huquqini qanday qo‘lga kiritgani noma’lum qolmoqda. Koson tumani hokimi yordamchisi arzon uy olganligini Ozodlikka inkor qilmadi, lekin savollarga javob berishdan bosh tortdi.
Давлат дастури асосида Қашқадарё вилояти Косон туманининг қишлоқ жойларида қурилган 38 та арзон уйнинг бештаси ҳокимлик мулозимларига тегди. Кам таъминланган муҳтож оилалар рўйхатида турмайдиган мулозимлар бу уйларга эгалик ҳуқуқини қандай қўлга киритгани номаълум қолмоқда. Косон тумани ҳокими ёрдамчиси арзон уй олганлигини Озодликка инкор қилмади, лекин саволларга жавоб беришдан бош тортди.
Surxondaryo viloyat, Sho‘rchi tuman Davlat sanitariya-epidemiologiya nazorat markazining shifokor va hamshiralari fermer xo‘jaliklari va aholi uylarida qancha go‘ng zaxirasi borligini aniqlashga safarbar qilindi.
Сурхондарё вилоят, Шўрчи туман Давлат санитария-эпидемиология назорат марказининг шифокор ва ҳамширалари фермер хўжаликлари ва аҳоли уйларида қанча гўнг захираси борлигини аниқлашга сафарбар қилинди.
Jizzax viloyatining Do‘stlik tumani tibbiyot birlashmasida ishlaydigan sanitarkalar, ish kunlari hokimlikka chaqirtirilib, hokimning xonasini va shaxsiy kiyimlarini yuvishga majburlanyapti. Bu haqda Ozodlikka arz qilgan sanitarkalarning aytishlaricha, ularga hatto hokimning poyafzallarini tozalab, kremlab qo‘yish ham buyurilgan. Hokimlik mulozimi, sanitarkalar har uch kunda hokimning xonasini tozalashga olib kelinayotganini tasdiqladi.
Жиззах вилоятининг Дўстлик тумани тиббиёт бирлашмасида ишлайдиган санитаркалар, иш кунлари ҳокимликка чақиртирилиб, ҳокимнинг хонасини ва шахсий кийимларини ювишга мажбурланяпти. Бу ҳақда Озодликка арз қилган санитаркаларнинг айтишларича, уларга ҳатто ҳокимнинг пойафзалларини тозалаб, кремлаб қўйиш ҳам буюрилган. Ҳокимлик мулозими, санитаркалар ҳар уч кунда ҳокимнинг хонасини тозалашга олиб келинаётганини тасдиқлади.
Rossiyaning “Zolotaya korona”, “Kontakt” pul uzatish tizimlari bilan shartnoma bog‘lagan O‘zbekistondagi aksariyat banklar xorijdan yuborilgan pul jo‘natmalari berishni 5 yanvargacha to‘xtatdi. O‘zbekistonga pul yuborgan o‘n minglab mehnat muhojirlari oilalari yangi yil arafasida bu sovg‘adan mahrum qoladigan bo‘ldi.
Toshkent shahrining Chilonzor tumanidan qo‘ng‘iroq qilgan tinglovchi, doimiy propiskasi Toshkent shahrida bo‘lgan, lekin ijarada poytaxtning boshqa tumanida istiqomat qiladigan ziyoli qarindoshi propiskasi qo‘yilgan mahalladan dalolatnoma ololmaganidan shikoyat qildi.
Россиянинг “Золотая корона”, “Контакт” пул узатиш тизимлари билан шартнома боғлаган Ўзбекистондаги аксарият банклар хориждан юборилган пул жўнатмалари беришни 5 январгача тўхтатди. Ўзбекистонга пул юборган ўн минглаб меҳнат муҳожирлари оилалари янги йил арафасида бу совғадан маҳрум қоладиган бўлди.
Тошкент шаҳрининг Чилонзор туманидан қўнғироқ қилган тингловчи, доимий пропискаси Тошкент шаҳрида бўлган, лекин ижарада пойтахтнинг бошқа туманида истиқомат қиладиган зиёли қариндоши пропискаси қўйилган маҳалладан далолатнома ололмаганидан шикоят қилди.
Samarqand viloyati Payariq tumanining Xo‘ja Ismoil mahallasida yashaydigan ayol qo‘shnisining 12 yashar qizini vahshiylarcha o‘ldirganlikda gumonlanmoqda. Ozodlikning huquq-tartibot idoralaridan olgan ma’lumotiga ko‘ra, erining qo‘shni xotin bilan ishqiy sarguzashtlari borligini gumon qilgan ayol, qasd olish maqsadida uning qizini o‘ldirib, uyi yaqinidagi dalaga ko‘mib tashlagan. Joriy yilning 10 dekabr kuni bedarak yo‘qolgan qizchaning jasadi 25 dekabr kuni topilgan.
Самарқанд вилояти Пайариқ туманининг Хўжа Исмоил маҳалласида яшайдиган аёл қўшнисининг 12 яшар қизини ваҳшийларча ўлдирганликда гумонланмоқда. Озодликнинг ҳуқуқ-тартибот идораларидан олган маълумотига кўра, эрининг қўшни хотин билан ишқий саргузаштлари борлигини гумон қилган аёл, қасд олиш мақсадида унинг қизини ўлдириб, уйи яқинидаги далага кўмиб ташлаган. Жорий йилнинг 10 декабрь куни бедарак йўқолган қизчанинг жасади 25 декабрь куни топилган.
O‘zbekiston prezidenti Shavkat Mirziyoevning viloyatlar o‘rtasidagi yo‘l-patrul postlari haddan ziyod ko‘pligini tanqid qilgandan so‘ng, Ozodlik olgan ma’lumotlarga ko‘ra, bir qator viloyatlarning ichki yo‘llaridagi ayrim postlar qisqartirildi. Biroq viloyatlar chegarasidagi postlar hanuz ishlab turibdi.
Ўзбекистон президенти Шавкат Мирзиёевнинг вилоятлар ўртасидаги йўл-патрул постлари ҳаддан зиёд кўплигини танқид қилгандан сўнг, Озодлик олган маълумотларга кўра, бир қатор вилоятларнинг ички йўлларидаги айрим постлар қисқартирилди. Бироқ вилоятлар чегарасидаги постлар ҳануз ишлаб турибди.
Давомини ўқинг
