тел: +420 2 2112 2397 Skype: assadrskype
Email: sadriddin61@gmail.com Facebook: Sadriddin Ashurov
Қарши шаҳридан OzodMikrofonга қўнғироқ қилган 43 яшар Жумагул Эминова янги туғилган чақалоғини қараб туриш учун энагага берганлигини, бироқ орадан бир йил ўтганидан сўнг энага унга болани беришдан бош тортаётганидан шикоят қилди.
Cурхондарё вилояти Сариосиё пахта тозалаш корхонаси ўз ишчиларига маошни тўлиқ бермаëтгани ҳақида президент виртуал қабулхонасига шикоят қилганлар таъқибга учрамоқда. Бу ҳақда Озодликка гапирган корхона ишчилари¸ ўзларига "порталчи" деган ном қўйилиб¸ бошқарувдагилар томонидан салбий муносабат кўрсатилаëтганини иддао қилмоқда.
Ўзбекистонлик шифокор-невролог Баҳодир Салимов бугунги ўзбек тиббиёти туб ислоҳотга муҳтож эканлигини ОzodNazarга айтар экан, врачлар олаётган маош тирикчилигига етмаётгани сабабли, улар касаллар қўлига қарашга мажбур бўлаётганини таъкидлади. Шифокор, ниҳоят, улар металлолом солиғидан озод этилганидан хурсандлигини билдирди.
Ўзбекистон президенти Шавкат Мирзиёев мактабгача таълим тизимига бағишлаб ўтказилган видеоселектор йиғилишида бу соҳанинг жиддий ислоҳотларга эҳтиёж эканлиги тўғрисида гапирар экан, боғчаларни сифатли озиқ-овқат билан таъминлаш вазифасини фермер ва тадбиркорлар зиммасига юклади.
OzodNazar эшиттиришида гапирган фарғоналик инсон ҳуқуқи фаоли, ўқитувчи Баҳодирхон Элибоев куннинг уч мавзуси – қишлов, ўртача иш ҳақи ва ташкилотларга мажбурий тўловларга ўз нуқтаи назарини билдирди.
Қорақалпоғистоннинг Хўжайли туманидан қўнғироқ қилган иқтисодчи президент ташрифидан олдин туман аҳолисига табиий газ берилганлиги, аммо давлат раҳбари келиб кетиши билан қайта ўчирилганидан шикоят қилди.
Тошкент вилояти Янгийўл шаҳридан қўнғироқ қилган Зуҳриддин Раҳимов тиббиётнинг ночор аҳволда эканлиги ҳақида OzodMikrofonга гапирди. Инсульт бўлиб қолган акасига чақирилган тез ёрдамни 40 минут кутган Зуҳриддиннинг айтишича, катта бир марказий касалхонада томография, шошилинч ҳолатда зарур бўлган дори-дармон йўқ.
Ўзбекистон президенти Шавкат Мирзиёев 15 декабрь куни Қорақалпоғистонга сафар қилди. Чимбой туманидаги академик лицейни бориб кўрган президент, ҳосил берса ҳам, бермаса ҳам пахта экиш сиёсатидан воз кечиш кераклиги ҳақида гапирди. Президент, шунингдек, бу иқлимда пахта ўрнига фармацевтика плантациялари яратиш ҳақида топшириқ берган.
Тошкент шаҳар ички ишлар бош бошқармасининг ходимлари томонидан ўтказилаётган “Тозалаш-Антитеррор” тадбирида пойтахтга ўз юмуши билан келган вилоятликлар ҳам ушлаб олиб кетилмоқда. Бу ҳақда Озодликка ана шундай тадбир жабрланувчиси бўлган водийлик тадбиркорлардан бири шикоят қилди. Унинг айтишича, қарийб 20 нафар ана шундай “исталмаган меҳмон"лар, ички ишлар бўлимида бармоқ изи олинганидан сўнг қўйиб юборилган.
Сўконғичлиги билан ном чиқарган Андижон шаҳар ҳокими Дилмурод Раҳматуллаев ҳокимликда ўтказилган навбатдаги мажлисида халқ таълими бўлими, соғлиқни сақлаш бошқармаси ва маҳаллаларга қисқа муддат ичида 600 тонна металлолом топшириш вазифасини юклади. Ҳоким ўринбосарига шунча миқдордаги металлоломни ҳар бир мактаб ва соғлиқни сақлаш муассасаларига тақсимлаб чиқишни буюрди.
Андижон вилояти Бўз тумани ҳокими Абдурашид Мамиров ҳокимликдаги йиғилишда боғча, мактаб ва коллеж раҳбарларини “наҳс, тварь, итдан тарқаган, ҳаром” каби сўзлар билан ҳақорат қилди. Бу ҳақда Озодликка йўлланган аудиоёзувда акс этган. Мажлис иштирокчиларидан бирига кўра, боғчаларга тунги навбатчи қўймаган ва йиғилишга кеч қолган мудираларни ҳоким ҳақоратли сўзлар билан сийлаган.
Ўзбекистонда ун, ёғ, гўшт, шакар ва бошқа озиқ – овқат маҳсулотларининг нархлари сўнгги ўттиз кунда 20 фоиздан 70 фоизгача кўтарилди. Озодлик республиканинг пойтахти ва шарқий, жанубий, ғарбий вилоятларидаги нарх-наволар ошишини ўша жойда истиқомат қиладиган респондентлар ёрдамида ўрганди.
Самарқанд вилоятининг Нарпай туманида истиқомат қиладиган автоҳалокат туфайли бир оёқсиз қолган ногирон, 28 яшар Зебинисо Тошеванинг OzodMikrofonга арз қилишича, уй-жойсиз қолгани сабабли, ижарама-ижара яшаб, Тошкент шаҳрининг Бек-Барака бозорида пакет сотиш билан тирикчилик қилмоқда.
Toshkent shahrida yashaydigan Rasulbek Karimovning OzodMikrofonga iddao qilishicha, Xorazm viloyati Qo‘shko‘pir tumani prokuraturasi huzuridagi Soliq, valyutaga oid jinoyatlarga va jinoiy daromadlarni legallashtirishga qarshi kurashish departamenti xodimlari unga va oilasiga tuhmat uyushtirib, uni va dadasini valyutaning noqonuniy oldi-sotdisida ayblagan.
Тошкент шаҳрида яшайдиган Расулбек Каримовнинг OzodMikrofonга иддао қилишича, Хоразм вилояти Қўшкўпир тумани прокуртатураси ҳузуридаги Солиқ, валютага оид жиноятларга ва жиноий даромадларни легаллаштиришга қарши курашиш департаменти ходимлари унга ва оиласига туҳмат уюштириб, уни ва дадасини валютанинг ноқонуний олди-сотдисида айблаган.
Ozodlikka murojaat qilgan toshkentliklarga ko‘ra¸ poytaxtning ayrim tumanlari do‘konlarida buxanka non taqchillashgan. “Toshkent-non” uyushmasi rahbari ayrim non zavodlarida svet o‘chganligi yoki remont ishlari olib borilayotgani sababli, buxanka chiqarish kamaygan bo‘lishi mumkinligini e’tirof etdi¸ ammo muammo ko‘lami katta emasligini ta’kidladi.
Жиззах вилояти Ғаллаорол туманидан қўнғироқ қилган 80 яшар пенсионер Набижон Жўрабоев туман ҳокими малакали мутахассисларни ишдан бўшатиб, унинг ўрнига соҳа мутахассиси бўлмаган шахсларни қўяётганидан OzodMikrofonга арз қилди.
Озодликка мурожаат қилган тошкентликларга кўра¸ пойтахтнинг айрим туманлари дўконларида буханка нон тақчиллашган. “Тошкент-нон” уюшмаси раҳбари айрим нон заводларида свет ўчиши ёки ремонт боис буханка чиқариш камайган бўлиши мумкинлигини эътироф этди¸ аммо муаммо кўлами катта эмаслигини таъкидлади.
Farg‘ona viloyat, Yozyovon tumanidagi 3- umumta’lim maktabining 8-sinfida o‘qiydigan qizning jonsiz tanasi 28 noyabr kuni o‘z uyining to‘siniga osilgan holda topildi. Ozodlikka voqea guvohlaridan kelgan bu xabarni viloyat huquq-tartibot organlaridan birining voqeadan xabardor mulozimi hamda tuman xalq ta’limi bo‘limi mudiri tasdiqladi.
Фарғона вилоят, Ёзёвон туманидаги 3- умумтаълим мактабининг 8-синфида ўқийдиган қизнинг жонсиз танаси 28 ноябрь куни ўз уйининг тўсинига осилган ҳолда топилди. Озодликка воқеа гувоҳларидан келган бу хабарни вилоят ҳуқуқ-тартибот органларидан бирининг воқеадан хабардор мулозими ҳамда туман халқ таълими бўлими мудири тасдиқлади.
Давомини ўқинг
