тел: +420 2 2112 3387 mobile:+420 605 562 270 (шошилинч хабарлар) twitter: khurmatb skype: khurmatskype facebook:Khurmat Babadjanov
Фарғонада 51 ёшли ота 27 ёшли ўз ўғлини, устига бензин қўйиб, ёқиб юборди. Воқеа 19 август куни Фарғонанинг Бағдод тумани, Олчин қишлоғида рўй берди. Ота жиноят жойидан ғойиб бўлган ва кейинчалик ушланиб, ҳибсга олинган. Жабрланувчи ўғил танасининг 70 фоизи куйиб, оғир аҳволда касалхонага ётқизилди. Воқеа гувоҳларининг Озодликка айтишича, ота ва фарзанд ўртасидаги жанжал машина устида чиққан.
O‘zbekistonning Samarqand viloyat, Urgut tumanida Rossiyadan qaytgan o‘nlab mehnat muhojiri taqiqlangan IShID yoki "Islom davlati" diniy ekstremistik guruhiga aloqadorlikda gumonlanib hibsga olingan. Samarqand kuch ishlatar tuzilmalarida ishlovchi mulozim Ozodlikka Rossiyaning Belgorod shahrida ishlab qaytgan 50 ka yaqin dindor ularning sheriklari bergan ko‘rsatmalar asosida IShIDga aloqador deb ko‘rilib, 14 avgust kuni qo‘lga olinganini aytdi.
Ўзбекистоннинг Самарқанд вилоят, Ургут туманида Россиядан қайтган ўнлаб меҳнат муҳожири тақиқланган ИШИД ёки "Ислом давлати" диний экстремистик гуруҳига алоқадорликда гумонланиб ҳибсга олинган. Самарқанд куч ишлатар тузилмаларида ишловчи мулозим Озодликка Россиянинг Белгород шаҳрида ишлаб қайтган 50 ка яқин диндор уларнинг шериклари берган кўрсатмалар асосида ИШИДга алоқадор деб кўрилиб, 14 август куни қўлга олинганини айтди.
Turkiyaning Istanbul shahri Otaturk aeroportida Toshkentga uchishi kerak bo‘lgan o‘nlab yo‘lovchi qo‘lida bileti bo‘lsa ham 4 kundan buyon aeroportda qolayotganliklarini aytishmoqda. “O‘zbekiston havo yo‘llari” shirkati vakili Ozodlik bilan suhbatda uchoqda joy yetishmayotani sabab ayrim yo‘lovchilar vaqtida ucholmay qolganini tasdiqladi. Vakilga ko‘ra, biletida uchish sanasi aniq bo‘lgan yo‘lovchilar mehmonxona bilan ta’minlangan.
Туркиянинг Истанбул шаҳри Отатурк аэропортида Тошкентга учиши керак бўлган ўнлаб йўловчи қўлида билети бўлса ҳам 4 кундан буён аэропортда қолаётганликларини айтишмоқда. “Ўзбекистон ҳаво йўллари” ширкати вакили Озодлик билан суҳбатда учоқда жой етишмаётани сабаб айрим йўловчилар вақтида учолмай қолганини тасдиқлади. Вакилга кўра, билетида учиш санаси аниқ бўлган йўловчилар меҳмонхона билан таъминланган.
Toshkent militsiyasi Zangiota tumanida bir oilaning uch a’zosini pichoqlab o‘ldirgani gumonlanayotgan 38 yoshli M.M. ismli sobiq mahkumni qidirmoqda. 14 avgust kuni noma’lum shaxs Zangiota tumani Nazarbek mahallasining Tarnov daxasida yashovchi 79 yoshli otaxon Ma’ruf Komilovning uyiga qamoqdagi o‘g‘lidan xabar olib kelgan bo‘lib, mehmon bo‘lib qolgan va yarim tunda otaxon, uning 64 yoshli nogiron singlisi Shaxodat va 49 yoshli qizi Sharifani bo‘g‘izlagan.
Тошкент милицияси Зангиота туманида бир оиланинг уч аъзосини пичоқлаб ўлдиргани гумонланаётган 38 ёшли М.М. исмли собиқ маҳкумни қидирмоқда. 14 август куни номаълум шахс Зангиота тумани Назарбек маҳалласининг Тарнов дахасида яшовчи 79 ёшли отахон Маъруф Комиловнинг уйига қамоқдаги ўғлидан хабар олиб келган бўлиб, меҳмон бўлиб қолган ва ярим тунда отахон, унинг 64 ёшли ногирон синглиси Шаходат ва 49 ёшли қизи Шарифани бўғизлаган.
Ozodlik Jizzax shahri markazida militsiya zobiti o‘rta yoshlardagi ayolning sochini ikki qo‘li bilan tortayotgani aks etgan videoni e’lon qilganidan bir kun o‘tib mazkur voqea bo‘yicha shahar prokuraturasi surishtiruv boshlagan. Bu ma’lumotni Ozodlik Jizzax shahar ichki ishlar bo‘limidan oldi.
Озодлик Жиззах шаҳри марказида милиция зобити ўрта ёшлардаги аёлнинг сочини икки қўли билан тортаётгани акс этган видеони эълон қилганидан бир кун ўтиб мазкур воқеа бўйича шаҳар прокуратураси суриштирув бошлаган. Бу маълумотни Озодлик Жиззах шаҳар ички ишлар бўлимидан олди.
O‘zbekistonda josuslikda ayblanib qamalgan O‘zbekiston Mudofaa vazirligi sobiq xodimi Erkin Musaev 11 avgustda ozod etilgan. Bu haqda Parijdagi Markaziy Osiyoda inson huquqlari tashkiloti rahbari Nadejda Otaeva ma’lum qildi. Mudofaa vazirligi Tashqi iqtisodiy aloqalar bosh boshqarmasining sobiq boshlig‘i, podpolkovnik Musaev 2006 yilda davlatga xoinlik qilish va josuslikda ayblanib 15 yilga qamalgandi.
Ўзбекистонда жосусликда айбланиб қамалган Ўзбекистон Мудофаа вазирлиги собиқ ходими Эркин Мусаев 11 августда озод этилган. Бу ҳақда Париждаги Марказий Осиёда инсон ҳуқуқлари ташкилоти раҳбари Надежда Отаева маълум қилди. Мудофаа вазирлиги Ташқи иқтисодий алоқалар бош бошқармасининг собиқ бошлиғи, подполковник Мусаев 2006 йилда давлатга хоинлик қилиш ва жосусликда айбланиб 15 йилга қамалганди.
O‘zbekiston “qora bozori”da dollar kursining tushishi, go‘sht narxining keskin tarzda ko‘tarilishi va benzin taqchilligi shu kunlarda ijtimoiy tarmoqlarda qizg‘in muhokama qilinayotgan mavzularga aylangan. "Qora bozori"da o‘tgan oyda 8500 so‘mgacha sapchib ketgan 1 AQSh dollari 11 avgust kuni 7850 so‘mga tushdi, lahm go‘shtning kilosi esa 40 ming so‘mdan oshdi. Mamlakat bo‘ylab benzin taqchil, haydovchilar uning litrini 4 ming so‘mdan olishga majbur bo‘lmoqda.
Ўзбекистон “қора бозори”да доллар курсининг тушиши, гўшт нархининг кескин тарзда кўтарилиши ва бензин тақчиллиги шу кунларда ижтимоий тармоқларда қизғин муҳокама қилинаётган мавзуларга айланган. "Қора бозори"да ўтган ойда 8500 сўмгача сапчиб кетган 1 АҚШ доллари 11 август куни 7850 сўмга тушди, лаҳм гўштнинг килоси эса 40 минг сўмдан ошди. Мамлакат бўйлаб бензин тақчил, ҳайдовчилар унинг литрини 4 минг сўмдан олишга мажбур бўлмоқда.
O‘zbekistonda 7 yil avval yopilgan “Alp Jamol bank”ning o‘nlab mijozlari shu bank hisoblarida qolgan mablag‘larini haligacha ololmay sarson bo‘lmoqda. Toshkentdagi ismi sir qolishini istagan hususiy shirkat egalaridan biri, Ozodlik bilan suhbatda o‘zi va yana o‘nlab tadbirkorlarning milliardlab so‘m mablag‘lari shu bank hisobida qolib ketgani, ularni qaytarib olish urinishlari esa shu paytgacha natija bermay kelayotganini aytdi.
Ўзбекистонда 7 йил аввал ёпилган “Алп Жамол банк”нинг ўнлаб мижозлари шу банк ҳисобларида қолган маблағларини ҳалигача ололмай сарсон бўлмоқда. Тошкентдаги исми сир қолишини истаган ҳусусий ширкат эгаларидан бири, Озодлик билан суҳбатда ўзи ва яна ўнлаб тадбиркорларнинг миллиардлаб сўм маблағлари шу банк ҳисобида қолиб кетгани, уларни қайтариб олиш уринишлари эса шу пайтгача натижа бермай келаётганини айтди.
Toshkent viloyat, Chinoz tumanida moliyaviy piramida qurib, o‘n minglab odamni aldaganlikda ayblanayotgan Ahmadboy Tursunboev va uning sherigi ekani aytilayotgan 6 shaxs ustidan Jinoyat ishlari bo‘yicha Toshkent viloyat sudida boshlangan mahkama jarayonining 9 avgust kuni bo‘lgan ikkinchi majlisida guvohlarning ko‘rsatmalari tinglandi.
журналист деган, сокколларни олиб, галстукларни тугирлаб, костюмни уттиглаб, сочни тараб утирса булмайдими? Энди уйкудан туриб, шошлиб кийиниб интервью ёзганга ухшайди! Бировга акил ургаткунча узингизни туришингизни каранг ака, бозордаги аравакашларга ухшайди туришингиз:))))))) БОМЖ :))))))
O‘zbekistonda ruhiy kasalliklar shifoxonasida sal kam 11 yil majburiy va yashirin saqlangan jurnalist Jamshid Karimov ozod etiliganidan olti oy o‘tib ham unga pasport berilmayapti. Marhum prezident Islom Karimovning jiyani bo‘lgan Jamshid Karimov Ozodlik bilan suhbatda pasport olishga yordam so‘rab mamlakatni hozirgi prezidenti Shavkat Mirziyoev portaliga yozgan murojaatlari ham javobsiz qolayotganini aytdi.
Ўзбекистонда руҳий касалликлар шифохонасида сал кам 11 йил мажбурий ва яширин сақланган журналист Жамшид Каримов озод этилиганидан олти ой ўтиб ҳам унга паспорт берилмаяпти. Марҳум президент Ислом Каримовнинг жияни бўлган Жамшид Каримов Озодлик билан суҳбатда паспорт олишга ёрдам сўраб мамлакатни ҳозирги президенти Шавкат Мирзиёев порталига ёзган мурожаатлари ҳам жавобсиз қолаётганини айтди.
Toshkent viloyatining Tovoqsoy posyolkasida joylashgan 64/3-sonli jazoni ijro etish muassasasida 70 nafardan ortiq mahbusga noma’lum infektsiya yuqishi oqibatida epidemiologik vaziyat yuzaga kelgan. Ichki ishlar tizimidagi Ozodlik manbasiga ko‘ra, voqea 24 iyul kuni ro‘y bergan. Bemor mahkumlar Toshkent shahridagi 64/18-sonli muassasaga ("Sangorod") keltirilgan. Ulardan 13 nafarining ahvoli og‘ir.
Давомини ўқинг
