тел: +420 2 2112 3387 mobile:+420 605 562 270 (шошилинч хабарлар) twitter: khurmatb skype: khurmatskype facebook:Khurmat Babadjanov
Ўзбекистон Адлия вазирлиги “Ҳьюман райтс уотч” ташкилотининг Тошкентдаги ваколатхонаси фаолиятини текширмоқчи. Бу ҳақда вазирлик ваколатхонага хат жўнатилган.
28 март куни “Немис тўлқини” радиосининг Ўзбекистондаги мухбири Наталья Бушуеванинг уйига тинимсиз қўнғироқлар бўла бошлади. Телефон қилганларнинг бари журналист қиздан уйининг нархи ёки интим хизмат қанча туриши ҳақида сўради.
Ўзбекистонлик инсон ҳуқуқлари ҳимоячиси Тамара Чикунова Франция Республикаси орденига сазовор бўлди. Унга орден топшириш маросими 30 март куни кечқурун Франциянинг Ўзбекистондаги элчихонасида бўлиб ўтади.
2005 йилда дунё бўйича 65 журналист касбий фаолиятини бажараётиб ҳалок бўлди. Бу журналистларнинг 23 нафари Ироқда, 20 таси Осиё, 11 нафари Америка давлатларида қурбон бўлган.
Тошкент Ирригация институтининг собиқ ректори Фаррух Оқназаров Москвада ҳибсга олинди. Сўнгги йилларда профессор Оқназаров Россиянинг Нижний Новгород технология билим юрти ходими бўлиб ишлаётган эди.
“Ҳьюман райтс уотч” (HRW) ташкилоти Европа Иттифоқи ташқи ишлар вазирларига мактуб йўллаб, Ўзбекистонга нисбатан босимларни кучайтиришни сўради.
Ўзбекистон президенти Ислом Каримов Жаҳон банкининг мазкур мамлакатга янги кредитлар бермаслик тўғрисидаги қарорига муносабат билдириб, банкни нохолисликда айблади.
Кенгаш раиси, мамлакат президенти Ислом Каримов бошқарган йиғилишда Марказий Осиё минтақаси ва унинг атрофидаги аҳвол ҳақида фикр алмашилган, мамлакатга таҳдид солаётган хавф-хатарларга қарши кўрилиши лозим бўлган тадбирлар, жумладан, ахборот хавфсизлиги масаласи муҳокама этилган.
Тошкент маҳкамаси саккиз кишини ноқонуний диний оқимига аъзоликда айблаб олти йилгача бўлган муддатга озодликдан махрум этди. Бошқа саккиз киши устидан кечаётган маҳкамада эса айбланувчилар ҳуқуқ-тартибот вакиллари томонидан қийноққа тутилганлари ҳақда гапиришган.
Ўзбекистон Вазирлар Маҳкамасининг чет эл оммавий аxборот воситалари журналистларининг мамлакатда фаолият юритиш қоидалари борасидаги янги қарори мамалакат ичкарисида фаолият юритувчи мустақил журналистларни ҳам хавотирга солган.
Украина кучайиб бораётган халқаро танқидлардан ўзини ҳимоялар экан, депортация қилинган 10 нафар ўзбек фуқароси Ал-Қоидага алоқадор Ўзбекистон Исломий Ҳаракати аъзоси бўлганликларини билдирди.
Тошкентдаги Бухоро яхудийлари диний жамоаси раисининг ўлими дунё яхудийлари орасида хавотир билан қарши олинган. Аврон Ягудеев 22 феврал куни Синагогага кечки ибодат учун чиққанича уйига қайтиб келмаган.
Украина Қримда қўлга олинган 10 нафар Ўзбекистон фуқаросини ўз мамлакатига депортация қилди. Ушбу фуқаролар ўтган ҳафта Украина миграция қонунларини бузганликда гумон этиб, ҳибсга олинган эди. Украинадаги БМТнинг қочқинлар идораси вакиллари Киев ўзбек фуқароларини халқаро қонунларга зид равишда депортация қилди, демоқда. Сабаби, бу фуқаролар ватанларига қайтарилган тақдирда қийноққа солинишлари мумкин.
Андижон воқеалари гувоҳи бўлган ўзбекистонлик инсон ҳуқуқ ҳимоячиси Саиджаҳон Зайнобиддинов етти йилга қамалгани ҳақидаги маълумот яна бир бора тасдиғини топди. Нью Йоркдаги Хьюман Райтс Уотч ташкилоти бу ҳақдаги маълумотни Вашингтондаги Ўзбекистон элчихонасидан олган.
"Вимпелком" Ўзбекистонда катталиги жиҳатдан тўртинчи ўринда турувчи "Buztel" ҳамда иккинчи ўринда турувчи "Unitel" GSM уяли телефон операторига эгалик қилиш учун 270 миллион долларлик шартномни имзолаган. Бу ҳақда "Вимпелком" ширкати вакили Юлия Остроухова маълум қилди.
Серқуёш Ўзбекистоним коалицияси раиси Санжар Умаров катта миқдордаги маблағни ноқонуний йўллар билан ўзлаштиришда айбланиб октябр ойида хибсга олинган эди. Унинг адвокати Виталий Красиловскийга кўра ҳозирда Умаров иши Тошкент шаҳар судига оширилган. "Лекин суд куни ҳали белгиланмаган. Судя ҳужжатлар билан танишиб бўлгач, суд кунини эълон қилса керак", - деди Красиловский.
"Озодлик уйи" ташкилотининг Ўзбекистондаги ваколатхонаси фаолияти Тошкент суди қарори билан олти ойга тўхтатилган. Ўз навбатида "Фридом Хаус" суднинг ушбу қарори юзасидан шикоят аризаси билан юқори турувчи маҳкамага мурожаат этмоқчи. "Икки ойдан кўпроқ вақт давом этган маҳкама ўтган куни якунланди. Шаҳар суди "Фридом Хаус" ташкилоти фаолиятини олти ойга тўхтатиш ҳақида хукм чиқарди. Биз қўйилаётган айбловларни асоссиз деб биламиз ва суд қарори юзадан шикоят аризаси билан мурожаат этамиз", - деди "Озодлик уйи" ташкилотининг Тошкентдаги вакили Бранка Шесто.
Киевда украиналик журналист Георгий Гонгадзени ўлдирганликда айбланаётган уч нафар собиқ милиция ходими устидан маҳкама жараёни бошланди. Украина собиқ президенти Леонид Кучманинг ашаддий танқидчиси бўлган Гонгадзе беш йил аввал ўғирлаб кетилган ва сал ўтиб унинг жасади бошдан жудо этилган холда ўрмонда топилган эди. Ҳозирги ҳукумат Гонгадзени ўлдиришга собиқ президент Кучма буйруқ берган дея, бу юзадан терговни оҳиригача олиб боришни ваъда қилган.
Ўтган хафта Британиянинг Ўзбекистондаги собиқ элчиси Крейг Мюррей Лондон ҳукумати Ўзбекистонда қийноқ остида олинган ахборотлардан фойдаланганини исботловчи ҳужжатларни жамоатчиликка ошкор қилган эди. Ўша ҳужжатлардан бири Ўзбекистон хавфсизлик ҳизмати юборган маълумотлар қийноқ остида олингани борасида элчи огоҳлантирувидир. Яна бири эса қийноқ остида олинган маълумотлардан разведка ҳизматининг фойдаланиши қонунга зид эмаслиги ҳақида Британия ташқи ишлар вазирлигининг жавобидир. Аммо Лондон расмийси буларни инкор этди.
Инсон ҳуқуқларини ҳимоя қилувчи етакчи халқаро ташкилот "Ҳюман Райтс Уотч" Қирғизистон Президенти Қурмонбек Бакиевга очиқ мактуб йўллаб, беш ўзбек қочқинини экстрадиция қилмасликни сўраган. Айтилаётган беш қочқиндан тўрт нафари ҳозир Қирғизистон тергов изоляторида сақланмоқда. Бешинчи қочқин эса Андижондаги тартибсизликлар пайти қамоқхонадан қочган собиқ махбусдир. Ўзбекистон ҳукумати уларни Андижон воқеаларига алоқадор дея, Бишкек ҳукуматидан бешаловини экстрадиция қилишни сўраган.
Давомини ўқинг
