тел: +420 2 2112 3387 mobile:+420 605 562 270 (шошилинч хабарлар) twitter: khurmatb skype: khurmatskype facebook:Khurmat Babadjanov
"Озодлик уйи" ташкилотининг Ўзбекистондаги ваколатхонаси фаолияти Тошкент суди қарори билан олти ойга тўхтатилган. Ўз навбатида "Фридом Хаус" суднинг ушбу қарори юзасидан шикоят аризаси билан юқори турувчи маҳкамага мурожаат этмоқчи. "Икки ойдан кўпроқ вақт давом этган маҳкама ўтган куни якунланди. Шаҳар суди "Фридом Хаус" ташкилоти фаолиятини олти ойга тўхтатиш ҳақида хукм чиқарди. Биз қўйилаётган айбловларни асоссиз деб биламиз ва суд қарори юзадан шикоят аризаси билан мурожаат этамиз", - деди "Озодлик уйи" ташкилотининг Тошкентдаги вакили Бранка Шесто.
Киевда украиналик журналист Георгий Гонгадзени ўлдирганликда айбланаётган уч нафар собиқ милиция ходими устидан маҳкама жараёни бошланди. Украина собиқ президенти Леонид Кучманинг ашаддий танқидчиси бўлган Гонгадзе беш йил аввал ўғирлаб кетилган ва сал ўтиб унинг жасади бошдан жудо этилган холда ўрмонда топилган эди. Ҳозирги ҳукумат Гонгадзени ўлдиришга собиқ президент Кучма буйруқ берган дея, бу юзадан терговни оҳиригача олиб боришни ваъда қилган.
Ўтган хафта Британиянинг Ўзбекистондаги собиқ элчиси Крейг Мюррей Лондон ҳукумати Ўзбекистонда қийноқ остида олинган ахборотлардан фойдаланганини исботловчи ҳужжатларни жамоатчиликка ошкор қилган эди. Ўша ҳужжатлардан бири Ўзбекистон хавфсизлик ҳизмати юборган маълумотлар қийноқ остида олингани борасида элчи огоҳлантирувидир. Яна бири эса қийноқ остида олинган маълумотлардан разведка ҳизматининг фойдаланиши қонунга зид эмаслиги ҳақида Британия ташқи ишлар вазирлигининг жавобидир. Аммо Лондон расмийси буларни инкор этди.
Инсон ҳуқуқларини ҳимоя қилувчи етакчи халқаро ташкилот "Ҳюман Райтс Уотч" Қирғизистон Президенти Қурмонбек Бакиевга очиқ мактуб йўллаб, беш ўзбек қочқинини экстрадиция қилмасликни сўраган. Айтилаётган беш қочқиндан тўрт нафари ҳозир Қирғизистон тергов изоляторида сақланмоқда. Бешинчи қочқин эса Андижондаги тартибсизликлар пайти қамоқхонадан қочган собиқ махбусдир. Ўзбекистон ҳукумати уларни Андижон воқеаларига алоқадор дея, Бишкек ҳукуматидан бешаловини экстрадиция қилишни сўраган.
Маҳкама қора курсисига олиб келинган Асадулло Сарварий 1978 йилда, Афғонистоннинг ўша пайтдаги биринчи коммунист лидери Нур Муҳаммад Таракий маъмуриятида жосуслик хизмати бошлиғи бўлиб ишлаган. Кейинчалик, Совет қўшинлари Афғонистондан кетгач, у 1992 йилда коммунистик ҳукуматга қарши чиққан одамларни хибсга олиш ва қатл этишга буйруқ берганликда айбланиб, қамоққа ташланган эди. Ўшандан бери Сарварий ҳибсда ушлаб турилибди.
Жануб-Шарқий Осиё давлатларида цунами фожиаси қурбонлари хотираланмоқда. Ўтган йил декабр ойида Ҳинд уммонида рўй берган табиий офат оқибатида Индонезия, Ҳиндистон, Тайланд, Шри Ланка, Малдив ороллари ва бошқа давлатларда жами 220 минг одам ҳалок бўлган эди.
Боку шаҳри яқинида "Озарбайжон ҳаво йўллари"га қарашли йўловчи учқич ҳалокатга учраган.
Андижон воқеаларида айбланиб яна 37 одам узоқ муддатларга озодликдан махрум этилди. Бу борадаги суд ҳукми Тошкент ва Тошкент вилояти туманларида ёпиқ эшиклар ортида ўтган маҳкамаларда ўқиб эшиттирилди. Бошқа бир маҳкамада эса 24 собиқ милиция ва ҳарбий ходими ишига масъулиятсизлик айби билан 3 йилгача муддатга қамоқ жазосига тортилган.
Ўзбекистон Ички ишлар вазири Зокиржон Алматов Германиянинг Ҳанновер шаҳридаги махсус шифохонадан ғойиб бўлган.
"Озодлик" радиосининг Тошкент бюроси ёпилиши Ўзбекистонда сўз эркинлигига берилган навбатдаги зарба сифатида кўрилмоқда. Ўзбекистон Ташқи ишлар вазирлиги душанба куни радио раҳбариятига йўллаган мактубида "Озодлик"нинг Тошкентдаги бюроси аккредитациясини узайтришга раддия билдирган ва радио мухбирларини Ўзбекистонда ноқонуний фаолият юритганликда айблаган. "Озодлик" радиоси президенти Жефф Тримбл Ўзбекистон ҳукуматининг радиостанция Тошкент идорасини ёпиш қарорини қаттиқ қоралаб, бу инсон ҳуқуқларига зарбадир ва Ўзбекистондаги сўз эркинлиги билан боғлиқ шундоғам аянчли вазият учун катта зиён бўлади, - деб айтган.
Германияда даволанаётгани айтилган Ўзбекистон Ички ишлар вазири Зокиржон Алматовни жиноий жавобгарликка тортиш борасида Берлин ҳукуматига халқаро босимлар кучаймоқда. Халқаро Амнистия, Хьюман Райтс Уотч ташкилотларининг бу борадаги мурожаатлари ортидан Бирлашган Миллатлар Ташкилотининг Қийноқлар бўйича махсус вакили Манфред Новак Германия ҳукуматини Алматовга нисбатан қийноқлар билан боғлиқ даъволар бўйича жиноий иш қўзғотишга чафирди. Жума куни кечқурун Женевада қилган мурожаатида жаноб Новак Берлин ҳукумати Андижондаги 13 май куни содир этилган хунрезлик билан боғлиқ шикоятлар юзасидан Зокиржон Алматовга жиноий иш қўзғотиши керак, деб таъкидлади.
Уяли телефонлардаги SMS тизими жаҳон бўйлаб арзон ва қулай ахборот алмашиш воситасига айланиб бормоқда. Нафақат оддий сўзлашув, балки сиёсий фаолият, сайловолди тарғибот кампанияларида ҳам SMS кўпчиликка қўл келмоқда.
Халқаро Амнистия инсон ҳуқуқлари ташкилоти Германияда даволанаётган Ўзбекистон Ички ишлар вазири Зокиржон Алматовни сўроқ қилиш, агар халқаро қонунлар тақозо этса уни ҳибсга олиш керак, деган талабнома билан чиқди.
Қароргоҳи Парижда жойлашган “Чегара билмас мухбирлар” ташкилоти Ўзбекистонни Интернет душманлари рўйхатига киритди. Бу рўйхат Интенет муаммолари бўйича Тунисда ўтаётган саммитда эълон қилинди.
АҚШ Давлат департаменти халқаро диний эркинликлар бўйича жорий йилги ҳисоботида саккиз давлатни бу борадаги вазият “алоҳида ташвиш уйғотувчи” мамлакатлар сирасига киритди.
Европа Иттифоқига раислик қилаётган Буюк Британия Ўзбекистондаги инсон ҳуқуқлари вазияти юзасидан ташвиш билдирди. Бу ҳақдаги баёнот ЕИга аъзо 25 давлат ташқи ишлар вазирларининг позициясини ҳам англатади.
Ўзбекистон Бош прокуратураси “Озодлик” радиоси рус хизмати мухбири Андрей Бабицкийни Андижон воқеаларини ёритиш учун Ўзбекистонга ноқонуний келганликда айблади.
Конституцион тизимга қарши фаолиятда айбланиб, ҳибсга олинган журналист Собиржон Ёқубовнинг озод этилишини талаб қилаётганлар сони ортиб бормоқда.
Давомини ўқинг
