Бу йилги қиш нафақат ўз аёзи, балки берилган қурбонлар сони билан ҳам анча йилларгача одамларнинг эсидан чиқмайдиган бўлди. Бу йилги қаттиқ совуқ оқибатида Ўзбекистоннинг вилоят ва туманларида кўплаб қорамолларнинг совуқдан ҳаром ўлгани, аҳоли яшайдиган жойларда асосий иссиқлик манбаи бўлган газ қувурларининг ёрилиб кетгани, ҳаттоки уйлар ичидаги иситиш қувурлари совуққа дош беролмай ишдан чиққани, баъзи жойларда эса одамлар мутлақо иссиқликсиз қолганлари ҳақидаги бир-биридан нохуш ва совуқ хабарлар аҳоли ўртасида доимий муҳокама мавзусига айланди. Бироқ булар қаҳратон қиш етказган талафотларнинг ҳаммаси эмас.