Зеленский - Европанинг энг нуфузли шахси
Политико нашри маълумотларига кўра, Украина президенти Владимир Зеленский 2023 йилда Европадаги энг нуфузли шахс деб тан олинди.
Севастополда бўрон пайтида аквариумда 800 га яқин жонвор ўлди
Аннексия қилинган Севастополда кучли бўрон туфайли Аквариум музейида 800 га яқин жонивор нобуд бўлди.
"Тўққизта аквариумда яшаган саккиз юзга яқин ҳайвонларнинг ҳаммаси нобуд бўлди. Барча жиҳозлар: насослар, вентиляция ишдан чиқди. Бинога катта зарар етказилди", деди Юрий Кравцов, музей директори.
Ҳайвонлар Музей залини сув босиши натижасида нобуд бўлгани айтилди.
Бу эса Сочидаги вазият:
Фронтда режиссёр Олег Сенцов яраланди
Украина Қуролли Кучлари ҳарбий хизматчиси ва таниқли режиссёр Олег Сенцов шу йилнинг сентябр ойида Авдеевкани ҳимоя қилишда давом этаётган ҳужумда иштирок этди. 19 октябр куни Сенцов ўз бошқараётган гуруҳи Авдеевский йўналиши бўйича руслар ҳужумига қарши амалиёт ўтказгани видеосини эълон қилди.
Режиссёрнинг сўзларига кўра, унинг гуруҳи душман хандақларини эгаллаб олишга муваффақ бўлган ва улар дарҳол икки йўналишда ҳужумни давом эттирган. Унинг сўзларига кўра, жанг давомида 13 украин ҳарбийсидан учтаси яраланган. Шу жумладан Сенцовнинг ўзи ҳам.
Бу режиссёрнинг биринчи жароҳати эмас. Сенцов Гуруҳи қамалдан чиқишга муваффақ бўлди.
Қримда туғилган Сенцов 2014 йилнинг мартида Қрим Россия томонидан аннексия қилинишига қарши чиққан эди. Режиссёр 2014 йилнинг майида Қримда қўлга олинганидан кейин, Россия суди уни 20 йилга кесган эди. 5 йилдан кейин Сенцов Россия ва Украина орасида асирлар билан алмашиш доирасида озод этилган эди.
Украина компанияси Россияга авиация учун эҳтиёт қисмлар етказиб берган
Россиянинг Украинага кенг миқёсли бостириб кириши бошланганидан бери “Авиа ФЭД Сервис” компанияси Россия самолётсозлик саноатини камида 650 миллион рубллик эҳтиёт қисмлар билан таъминлади. Бундан ташқари, уларнинг аксарияти - 370 миллиони - "Муҳим ҳикоялар" ва Уюшган жиноятчилик ва коррупция ҳақида хабар бериш лойиҳаси (ОCCРП) ўз терговларида таъкидлаганидек, Украинадан келган.
Журналистлар аниқладиларки, “Авиа ФЭД сервис” 2022 йил февралидан 2023 йил июлигача божхона декларациясига кўра, Харков ФЭД машинасозлик заводи томонидан ишлаб чиқарилган Ан-124 самолётларини таъмирлаш учун қарийб 120 миллион рублга эҳтиёт қисмлар, жойлашув станциялари учун эҳтиёт қисмлар импорт қилган. Ка-32 вертолётлари Киевнинг "Радар" заводида 67 миллиондан ортиқ, Ан-24 ва Ан-12 двигателларини таъмирлаш учун эҳтиёт қисмлар, "Мотор Сич" томонидан ишлаб чиқарилган, Киевдаги "Артем" заводи ва Украинанинг бошқа корхоналари томонидан ишлаб чиқарилган 170 миллион рублга тенг маҳсулотни импорт қилган.
“Авиа ФЭД сервис” Украина қисмларидан ташқари Франция, АҚШ ва Буюк Британиядан ҳам эҳтиёт қисмларни олиб келган.
“Авиа ФЭД сервис” асосчилари Linker компаниясини Бирлашган Араб Амирликларида (БАА) рўйхатдан ўтказишди. Ушбу компаниянинг менежери, терговчилар аниқлаганидек, Черниговда туғилган Андрей Курта. Эгаси эса Украинанинг яна бир фуқароси Алексей Палчик.
“Авиа ФЭД сервис” 2023 йил апрел ойида рўйхатдан ўтган Қирғизистоннинг “Бакайторг1” компанияси орқали Россия авиацияси учун бутловчи қисмларни етказиб берди.
Қирғизистонлик “Бакайторг1” компанияси вакили журналистлар сўровларига жавоб бермади.