Ленинград вилоятида муҳожирларга Украина урушига даъват этувчи баннерлар пайдо бўлди
Ижтимоий тармоқларда эса мана бундай суратлар пайдо бўлди.
Ленинград вилоятида олингани айтилган бу суратларда ўзбек ва тожик тилида Украина урушига бориб, “жуда кўп пул” ва “бепул участка эгаси”га айланиш таклиф этилган.
Лукашенко 14 миллион долларлик янги қароргоҳи борлиги ҳақидаги маълумотни “фитна” деб атади
Қароргоҳ ҳақида BELPOL нашри хабар қилган эди.
Александр Лукашенко беларуслик собиқ кучишлатар ходимлар бирлашмаси (BELPOL) тарқатган маълумотни “фитна” деб атади.
Ўтган ҳафтада BELPOL Лукашенкога қарашли деб кўрилаётган Минск марказидаги қарийб 14,5 млн долларлик янги қароргоҳ ҳақида ҳикоя қилинган суриштирув фильмини эълон қилган эди.
“Зеркало” нашри ёзишича, айни пайтда Лукашенконинг камида 17 та қароргоҳи мавжуд.
2021 йилда Нехта телеграм каналида Лукашенко фойдаланадиган турар-жойлар ва бошқа кўчмас мулк объектлари ҳақида ҳикоя қилувчи "Лукашенко. Олтин кони" филми чиқди. Нехта сўзларига кўра, бу мулкни сақлаш бюджетга “ўнлаб миллион доллар”га тушмоқда.
Текширув муаллифлари Минскдаги Мустақиллик саройини энг ҳашаматли қароргоҳ деб атаган, биргина сарой инфратузилмаси учун 250 миллион доллар сарфланган.
Украина армияси Запороже вилоятида Россия Федерациясининг асосий мудофаа чизиғини ёриб ўтди - ISW
Украина Қуролли Кучларининг зирҳли техникаси Россиянинг Запороже вилояти ғарбидаги мудофаа истеҳкомларининг сўнгги чизиғи орқасида ҳаракат қилмоқда, деб хабар беради Америка урушни ўрганиш институти ISW.
"Қўшинларнинг зирҳли транспорт воситаларини Россиянинг энг кучли мудофаа чизиғига олиб ўтиш ва уларни бузиб ўтиш қобилияти, шунингдек, ушбу техникани назорат қилиш Украинанинг қарши ҳужумидаги муваффақиятнинг муҳим белгисидир" , дейилади мутахассислар ҳисоботида.
Wall Street Journal ҳам Украина қуролли кучлари танкларга қарши тўсиқларни енгиб ўта олганини ёзади. Россия мудофаасидаги ёриқ ҳали ҳам кичик, аммо у нафақат пиёдалар, балки зирҳли транспорт воситаларига ҳам ўтишга имкон беради. Журналистлар қарши ҳужумда қатнашаётган украиналик ҳарбийлар билан суҳбатлар асосида шундай хулосага келишди.
Севастополда Россиянинг Қора денгиз флоти штабига ракета урилди
Севастопол кўрфази ҳудудини тутун қоплади. Денгиз қатнови тўхтатилди.
Портлаш товушлари Черноморское қишлоғида ҳам янграган.
Телеграм каналларда ракеталар Россиянинг Қора денгиз флоти штабига урилганини хабар қилмоқда.