Россия Кураховога "Искандар" билан урди
Кеча тунда босқинчилар Донецк вилоятининг Курахово шаҳрига иккита “Искандар” ракетаси билан урди.
21 киши яралангани хабар қилинди. Турар-жой бинолари бузилган.
Украинада “Россия” ва “Москва”ни кичик ҳарфлар билан ёзишга расман рухсат берилди
Украин тили стандартлари миллий маркази “Россия”, “Россия Федерацияси”, “Россия империяси”, “Москва” ва ушбу тушунчалар билан боғлиқ бошқа бир қатор сўзларни кичик ҳарфлар билан ёзишга рухсат берди. Эндиликда бу тарзда ёзиш “тил меъёрларидан оғишиш” ҳисобланмайди, аммо гап ҳозирча фақат “норасмий тусдаги” матнлар ҳақида бормоқда.
Комиссия қайд этишича, мазкур қарор “украин халқининг Украина давлати мустақиллиги учун қаҳрамонона курашини эътиборга олган ҳолда” қабул қилинган. Аввалроқ Украина ҳукумати раисининг ўринбосари Ирина Верешчук Украин тили стандартлари миллий комиссиясидан “барча украинлар аллақачон қилаётган ишни расмийлаштириб бериш”га чақирган эди.
Бундан олдинроқ Украина Таълим вазири Оксен Лисовой “Россия Федерацияси” катта ҳарфлар билан ёзилиши кераклиги тўғрисидаги хати Украинада жиддий танқидларга сабаб бўлганди.
"Кузда сафарбарлик эълон қилиниши эҳтимоли бор"
Россияда 1 октябрдан бошланадиган кузги муддатли ҳарбий хизмат сафарбарликнинг янги тўлқинига тўғри келиши мумкин, дейди “Идите лесом” жамғармасининг матбуот атташеси Иван Чувиляев. У россияликларга ҳарбий хизматга чақирилмаслик ва Украинадаги урушга бормасликка кўмаклашиб келади.
- Сафарбарлик бўлиши турган гап. Биз аллақачон иккита призивни кўрдик. Биринчисида облавалар, иккинчисида полициянинг чақирилувчилар уйларига ташрифлари ва кишанларда военкоматларга олиб кетиш. Боз устига - мамлакатни тарк этмаслик тўғрисида фавқулодда тақиқлар. Шунга ўхшаш нарсаларни жорий кузги ҳарбий сафарбарлик пайтида ҳам кутиш ҳожати бор. Ушбу жазоловчи чоралар таъсир этмаётгани кўриниб турибди. Кузги сафарбарлик компанияси 18дан 30 ёшгача бўлганлар геноцидига айланиши мумкин, дейди Иван Чувиляев.
Арманистон пойтахти Ереванда уч кундан бери норозилик акциялари давом этмоқда
Митингчилар ҳукуматдан Тоғли Қорабоғ арманларини ҳимоя қилишни талаб қилишмоқда, шунингдек мамлакат бош вазири Никол Пашинянни истеъфо беришга чақиришмоқда.
Тоғли Қорабоғда яшовчи аҳолининг бир қисми эса ўз уйларини тарк этиб, тинчликпарвар кучлар назорати остида эвакуация қилинмоқда.