Зеленский ҳамдардлик билдирди
Украина президенти Владимир Зеленский Украина шарқида ҳалок бўлган халқаро ёрдам гуруҳи ходимларининг оила аъзоларига ҳамдардлик билдирди.
Аввалроқ расмийлар Россия Донецк вилоятида гуманитар ташкилот ходимларининг машинасини нишонга олгани ҳақида хабар берган эди. Натижада Канада фуқароси Энтони Игнат ва Испания фуқароси 32 ёшли Эмма Игуал ҳалок бўлган ва яна икки киши оғир яраланган.
"Бугун Донецк вилоятининг Часив Яр шаҳри яқинида россиялик террорчилар кўнгиллилар машинасини нишонга олди. Канадалик Энтони Ихнат ва испаниялик Эмма Игуал исмли кўнгиллилар вафот этди. Уларнинг оила аъзоларига ҳамдардлик билдираман. Яна икки нафар кўнгилли Днепр касалхонасига етказилди – улар Германия фуқароси Мавик Рубен ва Швеция фуқароси Ёхан Матиас. Ҳозирда уларга зарурий ёрдам кўрсатилмоқда. Россиянинг бу террори Украинага қарши уруш инсон ҳаётини қадрлайдиган ҳамда террор ва ёвузликни тўхтатишни инсониятнинг умумий ахлоқий бурчи деб биладиган ҳар бир киши учун қанчалик яқин эканлигини яна бир бор кўрсатмоқда," деди Владимир Зеленский.
Ёрдам гуруҳининг тўрт нафар кўнгиллиси ўққа тутилган микроавтобус ағдарилиб ёна бошлаганда канадалик Энтони Иҳнат ҳалок бўлган, германиялик кўнгилли Рубен Мавик ва швед кўнгиллиси Ёхан Матиас Тир эса оғир яраланган.
Кўнгиллилар Бахмут чеккасидаги тинч аҳолининг эҳтиёжларини ўрганиш учун кетаётган бўлган, дейилади Ёрдам сари йўл гуруҳининг хабарида.
Украина кучлари Бахмутнинг ғарбий чеккасини эгаллаган ва бу ҳудудда қарши ҳужум амалиётларини давом эттирмоқда.
11 сентябрга ўтар кечаси Белгород осмонида иккита портлаш содир бўлди
Россия Мудофаа вазирлиги ҳамда губернатор Вячеслав Гладков вилоят устида иккита дрон уриб туширилганини, ҳеч ким жабр кўрмаганини маълум қилди.
Дронлардан бирининг бўлаклари хусусий уй яқинидаги йўлга тушган. Бино-иншоотларга зарар етмагани айтилмоқда.
Россия армияси бир кечада икки марта Кривой Рогга ракета зарбаларини берди
Соат 04:00 ларда шаҳарда ҳаво ҳужуми тревогаси янгради. Ҳаво кучлари қўмондонлиги шаҳарга қарата қанотли ракеталар учирилгани ҳақида огоҳлантирди.
Кривой Рог мудофаа кенгаши раҳбари Александр Вилкул телеграмда: “Портлашлар. Ҳеч нимани суратга олмаймиз ва интернетга жойламаймиз”, деб ёзди. Маҳаллий телеграм-каналлар шаҳарда ҲҲМ тизимлари ишлаётгани ҳақида хабар қилди.
Халқаро Атом энергияси агентлиги ЗАЭСга яқин ҳудудда портлаш овозлари эшитилганини билдирди
Халқаро Атом энергияси агентлиги экспертларининг билдиришича, Запорожье атом электр станциясиша яқин ҳудудда портлаш овозлари эшитилган.
2 сентабр, шанба кунидан бошлаб, уч кун давомида ташкилот ходимлари йигирмага яқин портлаш ва кейинги кунларда яна бир нечта портлашларни ҳисоблаганлар. Бироқ, станциянинг ўзига ҳеч қандай зарар етмаган, деди ташкилот вакили Гросси.
Ташкилот экспертларига ҳалигача АЭСнинг айрим блокларига киришга рухсат берилмаган.
Июл ойи бошида Украина президенти Владимир Зеленский Украина разведкаси маълумотларига таяниб, Россия бир нечта энергоблокнинг томларига портловчи моддалар қўйганини маълум қилган эди. Москва бу айбловларни рад этди.
Россия қўшинлари 2022 йил феврал ойининг охирида Энергодар шаҳрини ва унинг яқинида жойлашган Запорожье атом электр станциясини эгаллаб олишган эди.