Ўзбекистон Украинага гуманитар ёрдам жўнатди
Ўзбекистон тадбиркорлари ҳамда нодавлат нотижорат ташкилотлари томонидан йиғилган 10, 5 тонна гуманитар ёрдам Укаринага жўнатилди. Бу ҳақда Украинанинг Ўзбекистондаги элчиси Николай Дорошенко ижтимоий тармоқдаги саҳифасида маълум қилди.
Гуманитар ёрдам аллақачон Лвов вилоятининг Дрогобицкий тумани маъмурияти, Ижтимоий сиёсат бўлими ва Лвов вилояти махсус тиббий ёрдам бўйича кенгашига топширилган.
Россия ва Украинанинг урушдаги йўқотишлари ярим миллионга яқинлашмоқда
Россиянинг умумий йўқотишлари уларнинг ҳисоб-китобларига кўра, 300 мингга яқинлашмоқда
Россия ва Украинанинг умумий йўқотишлари, америкаликларнинг фикрига кўра, ярим миллионга етиши мумкин, ҳалок бўлганлар нисбати 120 мингдан 170 минггача.
Уруш бошидан бери Россия ва Украинанинг умумий йўқотишлари, АҚШ ҳисоб-китобларига кўра, 500 минг кишига етади, Россия эса 120 минггача, Украина эса 70 минг кишини йўқотган. Бу ҳақда Тhe New York Times ёзмоқда.
Газетанинг АҚШ расмий тузилмаларидаги аноним суҳбатдошларига таяниб хабар беришича, Россиянинг умумий йўқотишлари уларнинг ҳисоб-китобларига кўра, 300 мингга яқинлашмоқда: 120 минг киши ҳалок бўлган ва 170-180 минг киши яраланган.
Украина, ушбу ҳисоб-китобларга кўра, 70 минггача аскарини йўқотди ва 100-120 минг нафари яраланди.
The New York Times суҳбатдошларининг эслатишича, бу урушда томонларнинг йўқотишларини санаш жуда қийин ва бу тахминлар нотўғри бўлиши мумкин. Москва ўз йўқотишлари тўғрисида аниқ кам баҳоланган рақамларни келтирмоқда, Киев эса уруш бошида йўқотишлар тўғрисидаги маълумотлар фақат у тугаганидан кейин эълон қилинишини расман эълон қилиб, ўзиникини умуман эълон қилмайди.
Қўшинларнинг умумий сонига келсак, бу ерда, америкаликларнинг фикрига кўра, Россия деярли уч баравар устунликка эга: Украина Қуролли Кучларида - тахминан 500 минг киши, Россия Қуролли Кучларида - 1, 33 миллион. Иккала тахмин ҳам фаол бўлинмалар, заҳиралар ва ҳарбийлаштирилган гуруҳлар ва Вагнер каби ҳуқусий ҳарбий ширкатларни ўз ичига олади.
АҚШ Дания ва Нидерландиядан Украинага Ф-16 қирувчи учоқларини учувчилар тайёрлаш тугаши биланоқ жўнатишни маъқуллади
Қўшма Штатлар Дания ва Нидерландиядан Украинага Ф-16 қирувчи учоқларини учувчилар тайёрлаш тугаши биланоқ жўнатишни маъқуллади.
Давлат котиби Энтони Блинкен Дания ва Голландияга мактуб йўллаб, Қўшма Штатлар Ф-16 самолётларини учувчилар ўқитилгандан сўнг Украинага жўнатиш бўйича сўровларни маъқуллашни тезлаштиришига кафолат берди, дея билдирди АҚШ расмийси.
Яқинда Дания ва Голландия ушбу кафолатларни сўрашган эди. АҚШ ўз иттифоқчиларидан ҳарбий самолётларнинг Украинага ўтказилишини маъқуллаши керак.
"Мен Америка Қўшма Штатларининг Ф-16 қирувчи самолётларини Украинага топширишни ва украиналик учувчиларни малакали Ф-16 инструкторлари томонидан ўқитишни тўлиқ қўллаб-қувватлашини билдириш учун ёзяпман", деди Блинкен икки расмийга йўллаган мактубида.
Керч кўприги қандай портлатилганди: СБУ тафсилотлари
Украинанинг “Новое Время” нашри Украина Хавфсизлик хизмати раҳбарининг махсус хизмат Тамандан Қримгача бўлган кўприкка қандай ҳужум уюштиргани ҳақидаги тафсилотларни эълон қилди.
Василий Малюк Россия томонининг 2022 йил октабр ойида кўприк биринчи марта 21 тонна гексоген билан портлатилгани ҳақидаги хабарларини тасдиқлади, у нишонга жимгина етиб бориши учун ёпишқоқ плёнкага яширилган эди.
СБУ кўприкдаги GPS сканерларини "айланиб ўтди" ва 2022 йил 8 октябр тонгида структуранинг ўртасида портлади.
Малюкнинг сўзларига кўра, яқинда содир этилган ҳужум ҳақиқатан ҳам денгиз дрони ёрдамида амалга оширилган. Ҳозирда бундай дрон олиб юра оладиган портловчи моддалар миқдори СБУ томонидан аллақачон 6850 килограммгача оширилган.