Қирғиз муҳожири: "Майор ҳафтасига бир неча бор келиб-кетарди"
Қирғизистонлик Нурлан Ўрмонов 19 ёшда, у Боткен вилоятининг Қадамжой туманида туғилган ва Россияга ишлаш учун келган: у Краснодардаги заводда ишлаган.
Яқинда Нурлан Краснодар ўлкасида ҳибсга олинган ва қарийб бир ой хорижликлар учун махсус изоляторда ўтирган. У ерда, мигрант йигитнинг сўзларига кўра, уни Россия армияси билан шартнома имзолашга ва Украинадаги урушга боришга мажбурлашган.
Нурлан ва бошқа муҳожирлар яқинда Россиянинг турли минтақаларида хавфсизлик кучлари томонидан ўтказилган оммавий аксилмигрант рейдлари пайтида ушланган.
Полша шарқдаги ҳарбийлари сонини кескин оширди
Вагнерчиларнинг Беларус бўйлаб Польша чегараси томон силжишига жавобан Варшава шарқий чегараларидаги ҳарбий контингентини икки баробарга кўпайтирди.
Польша бош вазири Матеуш Моравецкий бу қарор Вагнер гуруҳи жангариларининг бир қисми Калининградни Беларус билан боғлаб турувчи Сувалк довони томон ҳаракатланаётгани тўғрисида маълумотлар олинганидан кейин қабул қилинганини айтди.
Вагнерчиларнинг Полша чегараси томон силжиши ва Сувалк коридорига интилишини Россия Думасининг хафвсизлик масалаласи бўйича вакили Андрей Картаполов ҳам пропаганда каналларидан бирида тасдиқлаганди.
Евгений Пригожин: "Вагнер" аскарларни урушга ёллашни тўхтатди
Пригожиннинг "Grey Zonе" телеграм канали орқали тарқатилган баёнотида айтилишича, Вагнерга кадрлар етишмаслигини муаммоси мавжуд эмас ва янги ишга қабул қилиш режалаштирилмаяпти.
“Бугун 30 июл. Айни пайтда ишга қабул қилиш марказларининг очилиш вақти ҳали аниқланмаган. Миш-мишлар ва саҳна ортидаги иғволарга йўл қўймаслик учун сизга шуни маълум қиламанки, Вагнер гуруҳи Африкада, шунингдек Беларудаги ўқув марказларида ўз фаолиятини давом эттирмоқда,“ деб ёзди "Путин ошпази".
Илгарироқ, 23-24 июн кунлари "Вагнер" исёнига уринишдан сўнг, ширкатнинг ёлланма аскарларни жалб қилиш марказлари ёпила бошлаганди. Россия шаҳарлари кўчаларидан хусусий ҳарбий компанияга ишга жойлашиш ҳақидаги эълонлар олиб ташланган, Пригожиннинг ўзи эса марказий пропаганда каналларида сазойи қилина бошланганди.
Асирликдан озод қилинган "Азов" командирлари фронтга қайтади.
Уларнинг энди жанговар ҳаракатларда қатнашиши кутилмоқда. Бу ҳақда Украина Миллий гвардияси қўмондони Александр Пивненко “Украйинска правда” газетасига берган интервюсида маълум қилди.
16 июл куни Азов бригадаси қўмондони Денис Прокопенко аллақачон Азов жангчилари билан учрашди. Ташкилотнинг телеграм-каналида у реабилитациядан ўтаётгани ва яқин кунларда ўз хизмат вазифаларини бажаришга киришиши кераклиги ҳақида хабар пайдо бўлди.
2022 йил май ойида Прокопенко Мариуполнинг Азовстал заводида бошқа ҳимоячилари билан бирга асирга олинган эди. Сентябр ойида у 108 Азов ҳарбий хизматчиси ва 107 Украина аскарлари билан бирга украиналик сиёсатчи, Путинга яқинлиги билан танилган Виктор Медведчукга алмаштирилганди.
Россия Туркия ҳукумати билан Прокопенко, шунингдек, бошқа қўмондонлар “ҳарбий ҳаракатлар тугагунига қадар” мамлакатда қолишларига рози бўлди. 2023 йил 8 июлда улар Украинага қайтишди.
Бу ҳолат бир муддатга Путин ва Эрдўғон ўртасидаги муносабатларни бузди.