Зеленский Эрдўғон билан дон ташаббусини қайта тиклаш масаласини муҳокама қилди
Украина президенти Зеленский ва Туркия президенти Эрдўған телефон орқали Қора денгиз дон ташаббусини қайта тиклаш масаласини муҳокама қилишди
“Мен ҳамкасбимга 7 июл куни Истанбулда бўлиб ўтган самарали учрашув ва Туркиянинг Украинанинг НАТОга аъзо бўлиши борасидаги принципиал позицияси учун миннатдорчилик билдирдим. Биз Қора денгиз дон ташаббуси фаолиятини қайта тиклаш бўйича саъй-ҳаракатларни мувофиқлаштирдик. “Дон йўлаги”ни блокдан чиқариш мутлақ устувор вазифадир”, — деб ёзди Зеленский ижтимоий тармоқларда.
Унинг таъкидлашича, Россиянинг ҳаракатлари туфайли "дунё яна озиқ-овқат инқирози ёқасида турибди, Африка ва Осиёнинг кўплаб мамлакатларида бор-йўғи 400 миллиондан ортиқ одамни очликдан ўлдириш хавфи". “Биргаликда биз глобал озиқ-овқат фалокатининг олдини олишимиз керак”, деди Зеленский.
“Бундан ташқари, биз Тинчлик формуласини амалга оширишни муҳокама қилдик. Мен президент Эрдўғондан украиналик маҳбуслар, жумладан, Қрим татарларини қайтаришга кўмаклашишни сўрадим”, — дея президент баёнотидан иқтибос келтиради “Интерфакс-Украина”.
Зеленский: Қрим кўпригини йўқ қилиш доимий мақсадимиз
Украина президенти Владимир Зеленский "Аспен" хавфсизлик форумида видеоалоқа орқали гапирди ва Россия ҳудудини аннексия қилинган Қрим билан боғловчи Қрим кўпригига зарбалар бериш эҳтимоли ҳақида сўзлади.
“Биз учун бу қонундан, халқаро ҳуқуқ ва тегишли меъёрлардан ташқарида қурилган душман иншоотидир. Шунинг учун бу бизнинг мақсадимиз ва тинчлик эмас, уруш олиб келадиган ҳар қандай мақсад зарарсизлантирилиши керак”, — деди Украина президенти.
2018 йилда очилган Қрим кўприги автомобил ва темир йўл участкасига эга бўлиб, украиналик ҳарбийлар ва мустақил экспертлар бу кўприк Украина жанубидаги рус қўшинларини таъминлашнинг асосий йўналишларидан бири эканлигини таъкидламоқда.
Сўнгги 10 ой ичида кўприк икки марта ҳужумга тутилди, бу эса унинг ўтказиш қобилиятини сезиларли даражада пасайтирди. Украина фақат норасмий равишда ушбу операцияларда иштирок этганини тан олди.
Украина президенти Владимир Зеленский 21 июл, жума куни Одесса порти, унинг ғалла заводлари ва унинг атрофидаги ҳудудлар яна бир бор Россия ҳужумлари нишонига айлангани, биргина шу ҳафтанинг ўзида 20 дан ортиқ одам жароҳатланганини таъкидлади.
Зеленский ўзининг тунги видеомурожаатида ҳужумларга “жавоб” бўлишини айтди.
Россия жума куни тўртинчи кун кетма-кет Украина озиқ-овқат экспорти объектларига зарба берди ва Ғарб етакчиларининг фикрича, глобал озиқ-овқат инқирози билан таҳдид қилиб, санкциялардан чиқишга уриниш сифатида Қора денгизда кемаларни эгаллаб олди.
Қўшма Штатлар Қирғизистоннинг тўртта компаниясини санкциялар рўйхатига киритди
Бу ҳақда АҚШ молия вазирлиги сайтида хабар берилди.
Санкциялар RM Design and Development компаниясига нисбатан ыщлланилган. Ушбу компания, АҚШ департаментига кўра, 2022 йил март ойида ташкил этилган ва электрон ва телекоммуникация ускуналари ва бутловчи қисмларни сотиш билан шуғулланади.
“RM Design and Development ташкил топганидан бери Россияга , жумладан, Россия мудофаа корхоналарини электроника билан таъминловчи фирмаларга икки мақсадли маҳсулотларни фаол равишда етказиб бериб келган”, дейилади АҚШ молия вазирлиги расмий хабарида.
Рўйхатга рус ҳарбийларига бутловчи қисмларни сотганликда айбланган "ГТМЕ Технологии", "Прогресс Лидер" ва "Карголайн" ширкатлари ҳам киритилган.
Қирғизистоннинг Вашингтондаги элчихонаси вазият бўйича изоҳ бериш сўровига жавобан мамлакат расмийлари халқаро стандартларга амал қилишини, контрабанда ва бошқа турдаги ноқонуний савдога қарши эканини билдирди.
Жон Кирби: Америка кассетали ўқ-дорилари аллақачон Украинада
Кассетали ўқ-дорилар одатда ўта хавфли қуроллар сифатида тасвирланади. Юздан ортиқ давлатлар ундан фойдаланмасликка келишиб олган. Аммо на АҚШ, на Россия ва на Украина бундай мажбуриятларни ўз зиммаларига олган ва "Кассетли ўқлар тўғрисидаги конвенция"ни имзоламаган. Шунинг учун Вашингтон уларни Украина Қуролли кучларига топширганини айтмоқда.
АҚШ Миллий хавфсизлик кенгашининг стратегик алоқалар бўйича координатори Жон Кирбининг сўзларига кўра, Америка кассетали ўқ-дорилари аллақачон Украинада:
"Биз украиналиклардан бу қурол туридан жуда самарали фойдаланишаётгани ҳақида айрим дастлабки фикр-мулоҳазаларни олдик. Украинлар ўзларининг амалиёт хавфсизлигини бузмасдан, улардан тўғри фойдаланишаётганини айтишим мумкин. Бу қуролдан самарали фойдаланилаётгани сабабли у Россиянинг мудофаа ва ҳимоя тартибларига жиддий таъсир ўтказмоқда.”
Кассетали бомбаларнинг ишлаш принципи қуйидагича: ҳавода йирик бмоба кичикроқ парчаларга ажралади ва улар ерда портлаб, душман аскарларига зарба беради, ускуналар ёки, масалан, рақибнинг учиш-қўниш йўлагини йўқ қилади.
Мутахассислар фикрича, бу турдаги қурол ниҳоятда самарали, лекин унинг камчиликлари ҳам бор: маълум миқдорда ўқ-дорилар портламай қолади ва кейинчалик тинч аҳоли учун хавф туғдиради. Шунинг учун кўплаб давлатлар ундан воз кечишган.
Владимир Путин АҚШдан Украинага кассетали ўқ-дорилар етказиб берилиши ҳақидаги хабарга кескин муносабат билдирди ва жавоб чораларини кўриш билан таҳдид қилди. Халқаро Амнистия ташкилотининг баёнот беришича, кассетали ўқ-дориларнинг Украинага етказилиши тинч аҳолини ҳимоя қилиш бўйича халқаро келишувларга путур етказади. Шу билан бирга, Украина расмийлари илгари кассетали ўқлардан фойдаланилганини инкор этмаган.