Уйи вайрон қилинган украин аёл: "Ҳеч қаёққа бормайман!"
Любовь Дорошенко 66 ёшда, Донецк вилояти Богородичное қишлоғида яшайди. Уруш бошланганида қишлоғидан чиқиб кетмаган аёл ойлаб ертўлада жон сақлаган. Аммо рус армияси қишлоқни эгаллаганидан кейин, Дорошенконинг уйи бутун қишлоқ каби вайронага айланди.
"Қайта тиклаймиз, менимча шундай. Мен жуда хоҳлайман. Уйдан кетмайман, ҳеч қаерга бормайман. Мен шу ерда туғилганман. Ҳеч қаёққа бормайман. Ғалаба бўлади, тинчлик бўлади. Тез орада бўлади деган умиддаман, кутамиз, Худо хоҳласа", дейди украиналик аёл.
Украина Қуролли Кучлари 2022 йилнинг кузида Богородичноени қайтариб олди, аммо у ҳали тикланмаган.
Путинни қўллаган спортчи Европада қоладиган бўлди
Спортчи Елена Исинбаева билан боғлиқ можаро давом этмоқда. Таяниб сакраш бўйича икки карра Олимпия чемпиони, асли волгоградлик Исинбаева Халқаро олимпия қўмитасидаги фаолиятини унга нисбатан ўтказилган текширувдан сўнг давом эттиради.
Исинбаеванинг ўзи ижтимоий тармоқларда июн ойида бошлаган текширув тугаганини маълум қилди.
"Бугун мамнуният билан эълон қилишим мумкинки, 2023 йил сентябрь ойида мен ХОҚдаги халқаро фаолиятимни давом эттираман, чунки ХОҚ мен ҳақимда ҳеч қандай шубҳа қилмайди ва мен ҳеч қандай мақола ва санкцияларга дучор бўлмайман. Дўстлар, сохта мақолалар тарқатаётган ҳар бир кишига маълумот: Мен дунё одамиман, мен ҳар доим шундай бўлганман ва шундай бўлиб қоламан!"- деб ёзди спортчи аёл.
2012 йилда Елена Исинбаева президентлик сайловларида Владимир Путиннинг ишончли вакили бўлган, 2015 йилда Шойгунинг шахсан ўзи унга майор унвонини берган. У Россия Конституциясини ўзгартириш бўйича ишчи гуруҳ аъзоси ҳам бўлган – қабул қилинган тузатишлар Путинга 2036 йилгача ҳокимиятда қолишга имкон берган.
2023 йил февралида Украина Россиянинг мамлакатга кенг кўламли бостириб киришини қўллаб-қувватлагани учун Исинбаевага қарши санкциялар киритди.
Доғистон раҳбари Сергей Меликов Россиядан Испанияга кўчиб ўтганига жавобан Махачқалъадаги стадион номини ўзгартириш зарурлигини маълум қилди ва ҳозирда бу номни олди.
Е.Пригожин: “Вагнер” қўшинлари Украинадаги можарода бошқа қатнашмайди!
Экранларда яна сургун қилинган “Вагнер” хусусий ҳарбий ширкати эгаси, Путиннинг ишонган ошпази Евгений Пригожин пайдо бўлиб қолди.
Евгений Пригожин видеомурожаат йўллаб, Беларусдаги “вагнер” қўшинларига Украинадаги можарода бошқа қатнашмасликларини ҳамда Африкага кетишга тайёргарлик кўришни айтди. Тегишли видеони унинг матбуот хизмати Телеграм каналида жойлади. Бу Пригожиннинг қуролли исёндан кейин илк видеомурожаати бўлди.
“Салом, йигитлар! Беларусга хуш келибсиз! Биз шараф билан курашдик! Сиз Россия учун кўп иш қилдингиз. Жанг майдонида содир бўлаётган воқеалар шармандалик ва биз унда иштирок этмаймиз. Биз ўзимизни чинакам кўрсата оладиган пайтни кутамиз. Шунинг учун ҳам Беларусда бир муддат қолишга қарор қилинди. Биз ривожланишда, ўз устимизда ишлашда давом этишимиз керак. Олдинда бизни янги манзил - Африка кутмоқда. Балки биз ўзимизни ва тажрибамизни шарманда қилишга мажбур бўлмаслигимизга ишонган пайтда яна "махсус ҳарбий операция" (Украина) га қайтармиз", дейди Евгений Пригожин.
Видеодаги ҳақиқатан ҳам Пригожиннинг ўзи эканини дарҳол тасдиқлашнинг имкони йўқ.
Пригожин охирги марта 24 июнь куни Россиядан чиқиб кетаётганда кўриниш берган эди.
Москваликлар Путиндан “муҳожир ови”ни давом эттиришни сўрамоқда
Бу ёзда Россиянинг бир қанча минтақасида меҳнат муҳожирлари ва мусулмонлар билан боғлиқ можаролар содир бўлганди. Масалан, Россия кучишлатар тизими идоралари ходимлари Москва вилоятидаги масжид ва намозхоналарда жума намози вақтида ҳужжатларни текшириш бўйича рейдлар ўтказди.
Намоз пайтида масжидга бостириб кирган хавфсизлик кучлари мусулмонларга ўта қўпол муомала қилишгани кадрлари тармоқларда кенг тарқалди. Москва вилояти мусулмонлари ҳатто Россия президентига полиция зўравонлигидан ҳимоялашини сўраб мурожаат қилишди.
Бунга жавобан москваликлар Путинни хавфсизлик кучларини жазоламасликка, мигрантлар овини давом эттиришга ва мамлакатга мигрантлар оқимини тўхтатишга чақирди.