Украина томон йўл олган олтита испан “Леопард” танки Сантандер портидан чиқиб кетди
Украинага йўл олган олтита Испаниянинг Леопард 2А4 танки ва 20 М114 зирҳли транспортёри 21-апрел, жума куни Испания шимолидаги Сантандер портидан жўнаб кетди.
Рейтерс кадрларида Леопард танклари ва БТРлар Голландия байроғи остидаги Bore Wave юк кемасига юкланганини кўриш мумкин.
Кема Полшага ҳарбий техника етказиб беради, у ердан Украинага ўтказилади.
Мудофаа вазири Маргарита Роблес шу ой бошида Испания Украинага жами 10 та Леопард 2А4 танкини юборишини айтди ва қуролли кучлар қолган тўрттасини таъмирлаётганини қўшимча қилди.
Испания шимоли-шарқидаги Сарагоса шаҳридаги ҳарбий базада укариналик 40 нафар танк экипажи ва 15 нафар механикни ҳам ўқиди.
НАТОнинг бошқа давлатлари, жумладан Германия, Полша ва Португалия Украинага жами 48 та Леопард 2 танкини жўнатишга ваъда берган.
Зеленский Россияга қарши янги санкциялар киритилганини эълон қилди
Кеча Украина президенти Владимир Зеленский «Россия агрессиясига сармоя киритаётгани» айтилган юзлаб компанияларга қарши янги санкциялар ҳақида эълон қилди.
Зеленский ўзининг тунги видеомурожаатида Россия армияси учун қурол ва бутловчи қисмлар ишлаб чиқарувчи 322 компания санкциялар рўйхатига киритилганини билдирди.
Владимир Зеленский, Украина президенти
«Россия атом саноатига қарши глобал чеклов чоралари бошлангани муҳим. Бу саноат тажовузкор давлат буджетини бойитиш билан бир қаторда гўёки »энергетика"номи билан ядровий лойиҳалар амалга оширилаётган бошқа давлатларни ҳам Россияга қарам қилади. Кремль учун ҳар қандай энергия бу қуролдир”, деди Украина президенти Зеленский.
Зеленский «Россияга қарши санкцияларни четлаб ўтишга ёрдам берган, ҳамда Украина эркинлигини йўқ қилишда иштирок этаётган» бир қатор жисмоний ва юридик шахслар ҳам санкциялар рўйхатига киритилганини қўшимча қилди.
Часив Яр аҳолиси шаҳардаги отишмалар кетаётганига қарамай, эвакуациядан бош тортмоқда
Кўнгиллилар Часив Яр шаҳрига гуманитар ёрдам тарқатиш ва аҳолини эвакуация қилиш учун келди.
«Бозорда дала ошхонаси бор. Аскарлар ўша ерда овқатланади. Улардан қолган нарсалар бизга тегади. Шу тариқа кун ўтказяпмиз. Агар улар кетишса, нима қиламиз билмаймиз. Консервадан иборат гуманитар ёрдам етарли эмас. Кимдир шўрва егиси келади. Кунига уч марта дори ичаман шу учун ҳам уч маҳал овқат ейишим керак. Мен ҳеч қаерга бормайман. Танишларим мени таклиф қилишди. Ижарага тўлашга пулим йўқ», дейди маҳаллий турғун Надия.
«Улар бутун умри давомида шу ерда яшаган. Ҳар бир сотиб олган уй жиҳозлари улар учун қадрли. Кетишса, ҳамма нарсадан айрилишларини, қайтадан ҳаёт бошлашлари кераклигини билишади», дейди кўнгиллилардан бири Олександра.
Кўнгиллилар кўп нарсани ўзлари билан олишга рухсат берса ҳам, ҳеч ким эвакуация таклифини қабул қилмади.
Украинанинг Харков шаҳри, унинг атрофидаги туманларга бешта ракета тушди - расмийлар
Россиянинг камида бешта ракетаси Украина шарқидаги Харков шаҳри ва унинг атрофидаги туманларга шанба куни кечки пайт (22-апрел) тушиб, тинч аҳоли уйларига зарар етказди, деди маҳаллий расмийлар.
Вилоят губернатори Олег Синегубовнинг Телеграмда ёзишича, ракеталардан бири Харковдан жанубда жойлашган Котляри қишлоғидаги уйга келиб тушган, иккинчиси эса шаҳарнинг ўзида катта ёнғинга сабаб бўлган.
“Барча ойналар синган: иккитаси бу томондан, иккитаси нариги томондан. Том қисман вайрон бўлди”, деди маҳаллий аҳолидан бири Любов Голошапова Рейтерс агентлигига.
Котлярига берилган зарба натижасида иккита уй жиддий зарар кўрди, бири қўшни уйга тушган ракета портлаши натижасида вайрон бўлди.
“Уй бузилди, панжаралар яксон бўлди, машина ойналари чил-чил бўлди. Ўзингизга қаранг. Худога шукур, тирикмиз, яхшимиз. Бола жуда қўрқиб кетди - биз уни ҳаммомдан зўрға олиб чиқдик. Худога шукур, ҳамма тирик, ростини айтсам, - дейди маҳаллий аҳолидан бири Наталия Плотка.