Украина президенти Владимир Зеленский кутилмаганда Запорожья вилоятидаги жабҳа чизиғига борди
У ерда Киев раҳбари БМТ Атом энергияси агентлиги раҳбари Рафаел Гросси билан учрашиб, Европадаги энг йирик атом электр станциясини ҳимоялаш масаласини муҳокама қилди.
Зеленский Атом энергияси бўйича халқаро агентлик раҳбарига заводда хавфсизликни тиклаш имкони йўқлиги, объект ҳали ҳам Россия назоратида эканлигини айтди.
“Бугун Запорожьедаги рус ракеталари турар-жой биноларига урилган жойга бордим. Оддий уйлар. Афсуски, куйган, қисман вайрон қилинган. Россиянинг бу ақлдан озган зарбасидан ўнлаб одам жароҳат олди. Террорчилар "Смерч" каби фаолкатли ракеталарини қаерга қаратаётганини аниқ билишган. Яқинларини йўқотганларга ҳамдардлик билдираман. 400 дан ортиқ одам ёрдам сўраб мурожаат қилди”, - деди Зеленский.
Зеленский, шунингдек Запорожье вилоятидаги “олд жабҳа”га бориб у ерда жанг қилаётган украин аскарлари билан ҳам учрашган.
Киев раҳбарининг фронт чизиғига ташрифи Германия канцлери Олаф Шолцнинг Германия Украинага ваъда қилган 18 та илғор “Леопард” жанговар танкларини етказиб берганини айтган пайтга тўғри келди.
Генерал Сирский: Мақсадимиз Бахмутда рус босқинчиларини тор-мор қилиш
Украина Бахмут шаҳрини эгаллашга уринаётган рус қўшинларини тор-мор қилишни мақсад қилган, дейди Украина қуруқликдаги кучлари қўмондони Александр Сирский сешанба куни Телеграмда эълон қилинган видеода.
Йирик саноат омборида аскарларга қарата мурожаати Генерал Сирский Россия бир неча ойлик жанглардан сўнг Бахмут ҳудудига диққатини қаратишда давом этаётганини таъкидлайди.
Москва Бахмутни қўлга олишни Украина шарқидаги Донбас саноат ҳудуди устидан тўлиқ назорат ўрнатишга қаратилган саъй-ҳаракатлари учун муҳим деб билади.
Сирский видеода аскарларга мақсад имкон қадар кўпроқ Россия кучларини “йўқ қилиш” ва “аксил-ҳужум ҳаракатларини бошлаш учун шароит яратиш”, дейди.
Генерал чекинишдан кўра Бахмутни ушлаб туриш истагини яна бир бор таъкидлади.
Бахмут урушдан олдин 70 000 га яқин аҳолига эга эди, аммо саккиз ойлик шиддатли жангларда шаҳар деярли вайронага айланди.
Донецк шаҳри чеккасидаги, Украина назоратидаги Мариинка ва Авдиивка шаҳарлари ҳам тинимсиз ҳужумга тутилмоқда.
Авдиивкада Россия ҳужуми оқибатида барча коммунал хизматлар тўхтатилган ва шаҳар ишчилари эвакуация қилинган.
Урушдан олдин 30 мингга яқин аҳолиси бўлган бу шаҳарда фақат 2 мингга яқин тинч аҳоли қолган.
Авдиивка ҳарбий маъмурияти бошлиғи Виталий Барабашнинг айтишича, Россиянинг доимий бомбардимонлари шаҳарчани вайронага айлантирган.
Россия Киев, Днепр ва Херсонни Эронда ишлаб чиқарилган дронлардан ҳужумга тутди
Украина ҳаво ҳужумига қарши мудофаа кучлари уларнинг деярли барчасини уриб туширган. Қурбонлар ҳақида ҳозирча маълумот йўқ. Шарқда эса Бахмут учун жанглар давом этмоқда. Украина Бош штаби Донецк вилоятида бир неча жабҳада сўнгги 24 соат ичида украин кучлари 62 та ҳужумни қайтарганини маълум қилди.
Украина Қуролли кучлари Бош штаби Россия кучлари Украинага жами 15 та “Шаҳед-136” ҳудкуш дронларни учиргани, улардан 14 таси йўқ қилинганини маълум қилди.
“Украинанинг бутун ҳудудида навбатдаги ракета ва ҳаво зарбаларини бериш эҳтимоли юқорилигича қолмоқда”, — дея огоҳлантирди Бош штаб.
Киев шаҳар ҳарбий маъмурияти раҳбари Сергей Попконинг маълум қилишича, Украина пойтахти яқинида бир кечада 12 та дрон уриб туширилган.
Киев мери Виталий Кличко пойтахтнинг Оболон ва Святошин туманларида портлашлар содир бўлганини маълум қилди.
Святошин туманидаги дўконда ёнғин рўй берган ва тезда ўчирилган. Ёнғинга уриб туширилган учувчисиз учоқ қолдиқлари сабаб бўлган.
Россия кучлари Херсонни оғир тўплардан ҳужумга тутган. Бомбалаш оқибатида вилоят касалхонаси биноси вайрон бўлган.
Шарқда эса жанглар давом этмоқда. Украина Бош штаби Донецк вилоятида бир неча жабҳада сўнгги 24 соат ичида украин кучлари 62 та ҳужумни қайтарганини маълум қилди.
Россия кучлари сўнгги ойларда Москванинг асосий нишонига айланган кончилар шаҳри Бахмутга ҳужум қилишда давом этмоқда.
"Дрон овчилари": украин чегарачилари "ҳудкуш дрон"ларни автоматлар ёрдамида уриб тушириш маҳоратини оширмоқда
Россия кучлари бу дронлардан Украина бўйлаб, жумладан турар-жой бинолари ва фуқаролик инфратузилмасига қарши ҳужумлар уюштиришда фойдаланади.
Украина ҳарбийлари эса дронларни уриб туширишда муваффақият қозонмоқда.
“Ўтган йили биринчи бор дронлар ишга туширилганда, биз улар қарши қандай курашишни билмасдик. Аммо бироз машқ ва машғулотлардан сўнг дронларни йўқ қила бошладик. Биз улардан энди қўрқмаймиз”, - Денис исмли украин чегарачиси "Настояшее время" мухбири билан суҳбатда.
Денис яқинда қўлидаги автомати билан дронни уриб туширганини айтади.
“150 метр баландликда учиб кетаётган эди. Отиш масофаси тахминан 200 метрни ташкил этганди”.
Уриб туширилган дронлар украиналик мутахассислар тарфаидан текширилади.
“Шаҳед” камикадзе дрони мана шундай кўринишга эга. Бу “Шаҳед-131”. Ана униси “Шаҳед-136”. Бу дронлар Украинанинг турли минтақаларида уриб туширилган. Украина ҳарбийлари уларнинг ичида нима борлигини текширмоқда”, - дейди Андрей Кузаков, “Настоящее время” мухбири.
Санкцияларга қарамай Эрон ғарб технологиялари асосида шундай қуролларни ясашни уддаламоқда. Дронларнинг баъзи қисмлари ғарбники.
“Аксарият қисмлар Япония, Хитой, АҚШдан олиб келинган. Биз уларни чет эллик ҳамкорларимизга топширдик, Улар бу ускуналарни Эронга экспорт қилишни тақиқласинларки, улар бизга қарши ишлатилмасин”, - дейди исми очиқланишини истамаган украин ҳарбийси.
Чоршанба куни Россия Украина шаҳарларини Эронда ишлаб чиқарилган дронлардан ҳужумга тутди. Киев вилоятида ҳужум оқибатида камида 9 киши нобуд бўлди.
Украина ҳарбийларига кўра, чоршанба куни учирилган 21 та дрондан 16 таси уриб туширилган.