Путиннинг буйруғига қарамай Бахмутга ўқ узилди
Россия Рождество байрами муносабати билан сулҳ эълон қилганига қарамай, шанба куни Бахмут кўчаларида портлаш овозлари эшитилди.
"Ўт очишни тўхтатиш қандай бўлаётганини биласизми? Путин ўт очишни тўхтатди деса, аслида бунинг акси бўлади: Ҳозир ҳечқанақа ўт очишни тўхтатиш режими йўқ. Кеча руслар бизни ўққа тутди. Кечаси бироз тинчроқ ўтди. Бу одатга айланган. Бир куни ўққа тутишса, эртаси куни тинчиб қолишади. Отишмалар қачон бўлишини айтиб бўлмайди, куннинг исталган вақтида авж олиши мумкин", дейди кўнгилли Васил Лиесин.
Украина таклифни рад этганига қарамай, кремль Россия армияси шанба куни Владимир Путин томонидан эълон қилинган 36 соатлик оташкесин режимига амал қилганини, таъкидлади.
Москванинг баёнотида айтилишича, рус қўшинлари Украина кучларининг ҳужумидан кейингина, артиллериядан ўт очган.
Зеленский: Москванинг баёнотларига ишониб бўлмайди
Украина президенти Владимир Зеленский Бахмутга снарядлар тушганини айтиб, Россиянинг ўт очишни тўхтатиш борасидаги чақириғини “кўзбўямачилик” деб атади:
“Дунё Москванинг баёнотларига ишониб бўлмаслигини яна бир бор кўрди. Улар сулҳ ҳақида нималардир деб туриб амалда эса Бахмут ва Украинанинг бошқа позицияларига снарядлар ёғдиришди. Фақат рус босқинчиларини Украина заминидан қувиб чиқариб, Россияни Украина ва Европага босим ўтказиш имкониятидан маҳрум қилибгина ўт очишни тўхтатишга эришиш, хавфсизлик ва тинчликни тиклаш мумкин”.
Рейтерс агентлиги Бахмутга ракета снарядлари тушганини тасдиқлади, бироқ ҳужум манбаини аниқлай олмади.
Жума куни Владмир Путин Рождество муносабати билан ўт очишни 36 соатга тўхтатишга топшириқ берди.
Православ христианлар Рождествони 7 январда нишонлашади.
Украина Киркоров, Пелагея, Лолита, Петросян ва бошқаларга қарши санкция жорий қилди
Украина президенти Владимир Зеленский Миллий хавфсизлик ва мудофаа кенгашининг бир қатор россияликларга нисбатан шахсий санкциялар қўллаш тўғрисидаги фармонни имзолади.
Ҳаммаси бўлиб, санкциялар рўйхатида россиялик санъаткорлар, бошловчилар, шоуменлар ва бошқа оммавий ахборот воситаларининг 119 та исми мавжуд.
Булар Баста (Василий Вакуленко), Пелагея (Телегина), Клава Кока, Михаил Шуфутинский, Ирина Аллегрова ва Сергей Бобунец каби санъаткорлардан ташқари, рўйхатга тарғиботчилар Маргарита Симонян ва Александр Дугин, телебошловчилар Леонид Якубович, Михаил Галустян ва Жанна Бадоева, блогер Амиран Сардаровлардир .
Бу шахсларга нисбатан қўлланилган чора-тадбирлар қаторида активларни музлатиш, тижорат фаолиятини тўлиқ тўхтатиш, хўжалик ва молиявий мажбуриятларнинг бажарилишини тўхтатиб туриш кабилар бор.
Путин эълон қилган "оташкесим"га қарамай Украина шарқида ҳужумлар давом этмоқда
Москва томонидан эълон қилинган ва Киев рад этган бир томонлама оташкесимга қарамай Украина шарқида ҳужамлар давом этмоқда.
Президент Владимир Путин жума куни тушдан бошлаб православ Рождество байрамини нишонлаш учун 36 соатлик оташкесимга буйруқ берганди.
Киев бу ҳафтада катта йўқотишларга учраган ва қўшинларни кучайтириш учун вақтдан ютмоқчи бўлаётган Москва томонидан таклиф қилинган сулҳни рад этган.
Россия Мудофаа вазирлиги қўшинлари жума куни тушдан кейин ўт очишни тўхтатиш режимига риоя қила бошлаганини маълум қилди.
Аммо Донбасс шарқидаги Кременная яқинида жойлашган Украинанинг 80-ҳаво ҳужуми бригадасининг ҳарбий хизматчилари ўт очишни тўхтатиш белгилари йўқлигини айтишди.
"Тушдан кейин ҳам ҳеч нарса ўзгармади, отишмалар давом этмоқда. Улар байрамда тинчланишни хоҳлашди ва бизни ишонади деб ўйлаб чалғитмоқчи бўлишди. Улар 2014 йилдан бери бизни ўққа тута туриб, "оташкесим, ўт очишни тўхтатинг" деб ёлғон гапиришади", - украин аскари.
"Бугунги вазият худди кечаги кун, кечаги кун, ўтган ҳафта ва ўтган ойдагидек. Душман Рождество байрами муносабати билан сулҳ эълон қилган бўлса-да, ҳеч нарса ўзгармади", - деди бўлинма командири Микола.
Россия Православ черкови Рождествони январ ойида нишонлайди. Украинадаги асосий православ черкови кўплаб украиналик диндорлар тақвимларини Рождествони декабрда нишонлаш учун ўзгартирган. Баъзи украиналиклар эса ҳали ҳам январ ойида байрамни нишонлашади.