АҚШ Украинага 3 млрд. долларлик ҳарбий ёрдам пакетини эълон қилди
АҚШ Украинага 3 миллиард долларидан кўпроқ қурол-яроғ ёрдами пакетини эълон қилди.
Оқ уй матбуот котиби Карин Жан-Пьер Оқ уйда ўтказилган матбуот брифингида ҳарбий ёрдам пакетига "Бредли" пиёда аскарларнинг жанговар машиналари, ўзиюрар гаубицалар, миналарга чидамли пистирмалардан ҳимояланган ва бошқариладиган ракета тизимлари ва бошқа жиҳозлар киритилганини айтди.
“Бугун Қўшма Штатлар Украинага уч миллиарддан ортиқ янги ҳарбий ёрдам, жумладан, Украина учун 2, 8 миллиард доллар маблағ ажратилишини эълон қилиш билан Украинанинг ўзини ҳимоя қилиш қобилиятига доимий содиқлигимизни намойиш этади. Мудофаа вазирлигидаги ҳамкасбларим бугун тушдан кейин бу ҳақда батафсил маълумот беришади, аммо пакетга "Бредли" пиёда аскарларининг жанговар машиналари кириши кутилмоқда, биз кеча эълон қилганимиз ўзиюрар гаубицалар, минага чидамли пистирмалардан ҳимояланган транспорт воситалари, ракеталар, ердан ҳавога ракеталар, шунингдек, автомобилларга қарши миналар, ўқ-дорилар киради".
Ёрдамлар ҳаво мудофааси учун муҳим бўлган Sea Sparrow ракеталарини ҳам ўз ичига олади.
Sea Sparrow ракеталари Россиянинг Украинага берган ракета зарбаларини чеклашга ёрдам беради.
АҚШ ва Германия, шунингдек, Россиянинг ракета ва дрон ҳужумларини қайтариш учун "Пэтриот" ракета тизимларини юборишга ваъда берди.
Миллий хавфсизлик матбуот котиби Жон Кирбининг айтишича, бу имкониятлар Украина шарқидаги жанговар жараёнларга мос келади, унинг айтишича, “кўп қишлоқ хўжалиги ерлари, очиқ ерлар”.
Зеленский: Биринчи марта "Бредли"ларни оламиз - айнан шу техника керак эди бизга
АҚШ Киевни биринчи марта "Бредли" жанговар машиналарини беадиган бўлди. Украина президенти Владимир Зеленский жума куни видеомурожаатида Вашингтоннинг бу қарорини олқишлади.
Зеленскийнинг айтишича, расмий эълон унинг ўтган ой Вашингтонга қилган ташрифи аниқ натижалар берганини кўрсатади. Қуроллар 3 миллиард долларлик АҚШнинг янги ёрдамларининг бир қисмидир. Украинага қурол ёрдам пакети жума куни эълон қилинди.
"Биз биринчи марта Бредли зирҳли техникасини оламиз - айнан шу нарса керак", - деди Зеленский АҚШга миннатдорчилик билдириб.
Иттифоқдошларини кўпроқ қурол юбориш учун тинимсиз босим ўтказаётган Зеленский, шунингдек, "Мардер" пиёда жанговар машиналари ва "Пэтриот" ҳаво мудофаа тизимларини юборадиган Германияга миннатдорчилик билдирди.
"Демак, ҳозирда ҳаво ҳужумидан мудофаа тизимлари, кўпроқ зирҳли техникалар, танклар - бу биринчиси - кўпроқ тўп ва снарядлар . . . ва буларнинг барчаси украиналиклар ва барча европаликларни ҳар қандай рус терроридан кўпроқ ҳимоя қилишни англатади. , " деди Зеленский.
Украин расмийлари: Путиннинг "Рождество сулҳи" амалга ошмади
Россия қўшинлари президент Владимир Путин томонидан эълон қилинган “Рождество сулҳига” қарамай, 6 январь куни Украина ҳудудларига ҳужум қилишни тўхтатмади, деди шанба куни Луганск раҳбари Сергей Гайдай.
“Қандай ҳужумга тутилган бўлса, улар ҳам шундай бўлиб қолмоқда, бизнинг позицияларимизга қандай ҳужум қилишга уринишлар бўлса, шундай бўлиб қолаверади, - деди у. "Ўйлайманки, Бош штаб содир этилган отишмалар ва ҳужумлар сонини эълон қилади".
Аввалроқ Владимир Путин православ Рождество байрами муносабати билан бутун жабҳа чизиғи бўйлаб 36 соат давомида ўт очишни тўхтатишга буйруқ берган эди.
Киев ташаббусни қўллаб-қувватлашдан бош тортди ва буни иккиюзламачилик деб атади.
АҚШ: Пригожиннинг мақсади Бахмут яқинидаги конлар бўлиши мумкин
Россия президенти Владимир Путинга яқин бўлган тадбиркор, “Вагнер” ҳарбий ширкати асосчиси Евгений Пригожин Украинанинг Бахмут минтақасидаги туз ва гипс конлари устидан назоратни қўлга киритишдан манфаатдор.
Рейтер агентлигининг Оқ уй вакилига таяниб хабар беришича, “Пригожиннинг Бахмутга интилиши пул мотивлари билан боғлиқ” деб ҳисоблашга асослар бор.
Бахмут ҳудудида, Европадаги энг йирик туз конлари бор. Кон майдони 179 кв.кмни ташкил қилади.
Қўшма Штатлар аввалроқ россиялик ёлланма аскарларни Украинадаги урушни молиялаштириш учун Африкадаги табиий ресурслардан фойдаланганликда айблаган эди. Россия ҳукумати бу айбловларни рад этган.
Вашингтон маълумотларига кўра, урушда қатнашаётган “Вагнер” гуруҳининг 50 минг жангчисидан 4минглан дан ортиғи ҳалок бўлган, 10 минг нафари яраланган.
Мингдан ортиқ ёлланма аскар ўтган йилнинг ноябр ойи охиридан декабр ойи бошигача Бахмут учун бўлган жангларда ҳалок бўлди, дейилади хабарда.
Декабр ойи охирида АҚШ “Вагнер” гуруҳи Украинадаги Россия кучларини қўллаб-қувватлаш учун Шимолий Кореядан қурол-яроғ юборгани ҳақида хабар берган эди,