Линклар

Шошилинч хабар
29 март 2024, Тошкент вақти: 15:22
Москвада қор кураётган ўзбек мигрантлари.
Москвада қор кураётган ўзбек мигрантлари.

Москвада мигрантлар ўзбек, тожик ва қирғиз тилларида рус армиясига қўшилишга тарғиб қилинди. Уруш хроникаси

Урушнинг 292-куни

Аннексия қилинган Мелитопол шаҳрида содир бўлган портлашлар ва ёнғинлар натижасида 200 га яқин россиялик аскар ҳалок бўлди ва яраланди, дея хабар беради Мелитопол мери Иван Федоров.

Россия томонидан аннексия қилинган Қримдаги ҳарбий казармаларда ёнғин чиқди.

Рус террорчилари бир кечанинг ўзида Одесса вилоятига 15 та камикадзе дронлар билан ҳужум уюштирди.

Россия, Украина ва Беларус ҳуқуқ фаоллари Тинчлик учун Нобел мукофоти билан тақдирланди

Европа Кенгаши Украинага 2023-йил учун 18 миллиард евро миқдоридаги ёрдам пакетини келишиб олди.

Британия ташқи ишлар вазири: Украина бўйича тинчлик музокараларидан Россия қайта қуролланиб олиш учун имконият сифатида фойдаланишига йўл қўйиб бўлмайди

The Insider ўтказган журналистик суриштурувда Кремлга алоқадор ва Россия Мудофаа вазирлигидан пудратларни олувчи рус миллиардерлари Искандар Маҳмудов ва Анедрей Бокарев шахсан ҳамда воситачилар ёрдамида Латвияда бизнес қилаётгани аниқланди.

АҚШда нашр этиладиган нуфузли Politico журнали Россия президенти Владимир Путинни “йилнинг омадсиз одами” деб эълон қилди.

6 декабр куни кечқурун рус армияси Херсон, Кривой Рог ва Краматорск инфратузилмасига зарба берди, бир киши ҳалок бўлди ва ярадорлар бор.

АҚШ Украинани Россия ҳудудига зарба беришга ундамайди ва бунга йўл қўймайди ҳам. Бу ҳақида АҚШ давлат котиби Энтони Блинкен баёнот берди.

АҚШ Украинага етказиб бераётган HIMARS ракета тизимларини Россиядаги нишонларга қарши ишлатилмаслиги учун яширинча ўзгартирди.

11:40 12.12.2022

Байден: Украина ҳаводан мудофаа тизимини кучайтириш АҚШнинг биринчи галдаги вазифаси

Украина ҳаводан мудофаа тизимини кучайтириш Киевга ҳарбий ёрдам кўрсатиш жараёнида АҚШ учун биринчи галдаги вазифадир. Бу ҳақда АҚШ президенти Жо Байден Украина президенти Владимир Зеленский билан телефон орқали қилган мулоқоти чоғида билдирди.

Оқ Уйнинг билдиришича, АҚШ президенти Украина энергетика инфратузилмасини қўллаб-қувватлаш учун 53 миллион доллар ажратганини таъкидлади ва келгусида ҳам иқтисодий, гуманитар ёрдам беришда давом этишини ҳамда “агрессия учун барча ҳаражатларни Россия зиммасига юклашга ҳаракат қилиши”ни айтди.

Зеленский телеграм каналида мулоқот чоғида Байденга “Украинага ҳарбий ва молиявий кўмак кўрсатаётгани учун” миннатдорчилик билдирганини айтди.

Зеленский, шунингдек, Киев “Катта еттилик” саммити арафасида Вашингтон билан “ўз позициясини мувофиқлаштириб олгани”ни билдирди. “Катта еттилик” саммити 12 декабрда онлайн форматда ўтади. Зеленскийга кўра, саммит якунлари бўйича “янгиликлар”ни кутиш мумкин.

2022 йилнинг октябридан Россия армияси систематик равишда Украина энерготизимини ракеталар ва дронлар билан бомбардимон қилмоқда. Бунинг оқибатида миллионлаб украин иссиқликсиз ва электрсиз қолмоқда. Украинага ҳаводан мудофаа тизимини етказиб беришни Германия, Британия, АҚШ ва бошқа давлатлар ваъда қилган.

10:37 12.12.2022

Москвада мигрантлар ўзбек, тожик ва қирғиз тилларида рус армиясига қўшилишга тарғиб қилинмоқда

Ички ишлар вазирлиги таркибига кирувчи Москва жанубидаги “Сахарово” миграция маркази жамоат транспортида мигрантларни Россия армиясида хизмат қилишга тарғиб этувчи рекламаларни ўзбек, қирғиз ва тожик тилларида жойлаштирган.

Озодлик радиоси рус хизматининг ёзишича, уларда рус армиясида хизмат ўтаган меҳнат муҳожирларига соддалаштирилган тарзда Россия фуқаролиги берилиши қайд этилган.

Мазкур эълонлар фотосуратлари ижтимоий тармоқларда декабрь ойида пайдо бўлди. “Мосгортранс” матбуот хизмати РБКга бу каби эълонлар жамоат транспортига икки ойдан бери ёпиштириб келинаётганини тасдиқлаган. Хабарда билдирилишича, бу эълонлар учун “Сахарово” миграция маркази буюртма берган.

"Мосгортранс" айни пайтда мазкур эълонлар жамоат транспортидан олиб ташланганини маълум қилди.

Кузда Давлат думаси Россия армияси билан бир йиллик шартнома имзолаган хорижликларга соддалаштирилган тартибда Россия фуқаролигини бериш тўғрисидаги қонунни қабул қилган эди.

Бир неча ой олдин Ўзбекистон, Қирғизистон ва Тожикистоннинг Москвадаги элчихоналари ўз фуқароларини хориж давлатларидаги жанговар ҳаракатларда иштирок этиш жиноят экани тўғрисида огоҳлантирган ва мигрантларни ҳеч қандай ҳарбий амалиётларда иштирок этмасликка чақирган эди.

Бу огоҳлантирувлар Москва мэри Сергей Собянин “Сахарово” марказида мигрантларни ҳарбий хизматга қабул қилиш пункти очилишини эълон қилгани ортидан пайдо бўлди.

19:00 11.12.2022

Россия аннексия қилган ҳудудларда портлаш ва ёнғин содир бўлди

Запороже вилоятининг аннексия қилинган Мелитопол шаҳрида содир бўлган портлашлар ва ёнғинлар натижасида 200 га яқин россиялик аскарлар ҳалок бўлди ва яраланди, дея хабар беради Мелитопол мери Иван Федоров.

Унинг сўзларига кўра, ёнғинлар шаҳарнинг турли ҳудудларидаги рус қўшинларининг базаларида содир бўлган, у бу воқеаларнинг сабабларига фақат ишора қилмоқда. Федоровнинг ўзи рус қўшинлари томонидан босиб олинган шаҳарда эмас ва бирор-бир манбага иқтибос келтирмаган.

Ҳозирча Украина Бош штабидан Мелитополга зарба берилгани ҳақида ҳеч қандай расмий баёнот берилмаган.

Аннексия қилинган Запороже вилоятининг Россия маъмурияти вакили Владимир Рогов Украина томонининг ўққа тутиши натижасида “Привал охотника” дам олиш маркази ёниб кетганини маълум қилганди.

Дастлабки маълумотга кўра, икки киши ҳалок бўлган, ўн киши яраланган.

“Ўт ўчирувчилар ёнғинни ўчириш ва одамларни вайроналар остидан чиқаришга ҳаракат қилмоқда”, — деб ёзди Рогов ўзининг Телеграм-каналида.

Россия томонидан аннексия қилинган Қримдаги ҳарбий казармаларда ҳам ёнғин чиқди

Бу ҳақда Украина телеграм-каналлари, хусусан, Украина Қуролли кучлари хабар берди. Манбага кўра, ёнғин россиялик сафарбар қилинганлар жойлашган бинода содир бўлган.

Кейинчалик рус манбалари икки ўлик ҳақида ёзган, ёнғин сабаби ёнғинга эҳтиётсизлик билан муносабатда бўлиш деб атади.

Уруш шароитида воқеаларни тезкор текшириш имкони йўқ.

18:55 11.12.2022

Британия ташқи ишлар вазири: Украина бўйича тинчлик музокараларидан Россия қайта қуролланиб олиш учун имконият сифатида фойдаланишига йўл қўйиб бўлмайди

Украинадаги ҳар қандай тинчлик музокаралари Россияни қайта қуролланиб олиши учун имконият бўлмаслиги керак, деди Буюк Британия ташқи ишлар вазири Жеймс Клеверли.

У Москва музокараларга виждонан ёндашаётганини кўрсатувчи ҳеч қандай белги кўрмайотганини қўшимча қилди.

Буюк Британия тинчлик музокараларини "тезроқ бўлишини" истайди, бироқ ҳар қандай музокаралар параметрларини Украина белгилаши керак, дея таъкидлади Жеймс Клеверли.

"Ҳар қандай музокаралар реал аҳамиятга эга ва мазмунли бўлиши керак. Музокаралар Россияни қайта қуролланиб, янги аскарларни ёллаши учун имконият бўлмаслиги керак", деди Клеверли Sky News телеканалига берган интервьюсида.

"Владимир Путин бу музокараларга виждонан киришаётганини кўрсатадиган ҳеч нарса кўрмаяпман. Ўта қарама-қарши риторика ҳали ҳам сақланиб турибди", - дея қўшимча қилди у.

Давомини ўқинг

XS
SM
MD
LG