Украина "энг аянчли сценарий"га тайёрланмоқда
Украина Запорожье Атом станциясида рўй бериши мумкин энг аянчли ядровий фалокатга тайёргарлик кўрмоқда.
Мамалакат фавқулодда хизматлари Запорожье вилоятида Европадаги энг катта атом станцияси жойлашган ҳудудда юзага келиши мумкин инқироз учун машқ ўтказмоқда.
Станция жойлашган ҳудуд кетма-кет ҳужумга тутилиши ортидан Чернобилдан ҳам ёмон ядровий фалокат рўй бериши хавфини ўртага чиқарди.
“Албатта, биз хавотирдамиз, бу аниқ. Биз вазиятни кузатяпмиз. Россия армияси 5 августдан бошлаб ўққа тута бошлаганини кўряпмиз. Вазият ҳалокат ёқасига келяпти. Биз бундан жуда хавотирдамиз. Шунинг учун биз бу ердамиз, шунинг учун биз бу гуруҳни ташкил қилдик”, - деди Украина Энергетика вазири Ҳерман Халушенко.
Айни пайтда Қўшма Штатлар, Европа Иттифоқи, Бирлашган Миллатлар Ташкилоти Запорожье атом станциясидаги вазиятдан жиддий хавотирга тушган.
Россия қўшинлари Запорожье атом электр станциясини март ойи бошида, Украинага бостириб кириш бошланганидан кўп ўтмай ишғол қилган.
“Россия армияси атом электр станцияси ва унга қўшни бўлган барча ҳудудлардан чиқиб кетиши, станциядан ҳарбий техникасини ҳам олиб чиқиши керак. Бу ҳеч қандай шартларсиз ва имкон қадар тезроқ қилиниши керак. Украина Атом энергияси бўйича халқаро агентлик томонидан тегишли назорат таъминланиши тарафдори ва Запорожье станциясига қонуний миссия юборилиши зарур”, - деди Украина президенти Владимир Зеленский.
БМТ раҳбари Запорожье АЭСни демилитаризация қилишга чақирди
Европадаги энг йирик атом электр станцияси Россия ва Украина ўртасидаги зиддиятнинг кучайиш марказига айланар экан, Бирлашган Миллатлар Ташкилоти Бош котиби Антониу Гутерриш станцияни зудлик билан демилитаризация қилишга чақирди.
Гутерришнинг бу баёноти Львов Украина президенти Владимир Зеленский ва Туркия президенти Режаб Тойиб Эрдўғон билан учрашган пайтда айтилди.
Музокараларда Запорижье станциясидаги вазият биринчи ўринда турди. Украина томони Россия объектда "провокация" ни режалаштираётганини айтмоқда.
Россия иншоотни ёпиши мумкинлигини айтди. Киевнинг огоҳлантиришича, бу ҳаракат ядровий фалокат хавфини яна ҳам оширади.
Атом электр станциясини тўхтатиш мураккаб операция бўлиб, у ёқилғини қизиб кетишдан ва эришни келтириб чиқаришдан ҳимоя қилиш билан бирга ядровий занжир реакцияларини тўхтатишни талаб қилади.
Зеленский Россияни “ядровий шантажда” айблади. Москва АЭСни демилитаризация қилиш ғоясини рад этган.
АҚШ Запорожье АЭСдаги вазиятдан хавотирда
АҚШ Давлат департаменти матбуот котиби Нед Прайс Россиянинг Украинадаги Запорожье атом электр станциясини ҳарбий мақсадларда фойдаланаётганидан Қўшма Штатлар “қаттиқ хавотир”да эканини айтди .
Прайс Халқаро атом энергияси агентлиги ходимларига АЭСга киришга рухсат берилиши кераклигини таъкидлади.
“Қўшма Штатлар Россиянинг Украинадаги Запорожье атом электр станциясини ҳарбий мақсадларда фойдаланаётганидан қаттиқ хавотирда. Бугун биз президент Зеленский Халқаро Атом агентлиги инспекторларини АЭСда ёки унинг ёнида бўлиш учун Украина ҳудудига таклиф қилганини эшитдик ва биз АЭС ва унинг атрофида демилитаризация зонаси ташкил этиш ҳақидаги чақириқларимизни яна бир бор такрорлаймиз, чунки Россия станция ва унинг атрофидаги ҳудудларда ҳарбий ҳозирликни кучайтиришга интилиши, бу масъулиятсизликнинг энг юқори чўққисидир”, - деди Прайс.
АЭС Россия томонидан бошқариладиган улкан сув омборининг жанубий қирғоғида жойлашган. Украина кучлари эса шимолий қирғоқни назорат қилиб турибди. Охирги кунларда АЭС бир неча марта ўққа тутилган ва бунда икки томон бир-бирини айбламоқда.
“Starbucks”га тегишли қаҳвахоналар тармоғи “Stars Cofee” номи билан қайта очилди
Россияда илгари “Starbucks”га тегишли бўлган кофе дўконлари тармоғи “Stars Cofee” номи билан қайта очилди. “Starbucks” Россиянинг Украинага агрессияси ортидан май ойида Россияни тарк этди.
Россиялик ресторанчи Антон Пинский ва репер Тиматиларга тегишли “Stars Cofee”
Ғарб ширкатларининг мамлакатдан бир неча ойлик кетишидан кейин ребрендингни ўзгартирган компаниялардан бири бўлди. Аммо пойтахт Москвадаги янги қаҳвахоналар тармоғи “Starbucks” муваффақиятини такрорлаши савол остида.
Украинадаги можаро Ғарб корпорацияларининг Россиядан чиқиб кетишига сабаб бўлди. 15 йил ичида “Starbucks” Россияда 2000 кишидан иборат бўлган 130 та дўконни очган эди.
Энди маҳаллий тадбиркорлар бу бўшлиқни тўлдиришга уринмоқда.
Форум