Венгрия Алишер Усмоновни санкциялар рўйхатидан олиб ташлашни сўради
Венгрия Европа Иттифоқидан уч нафар россиялик тадбиркор – Алишер Усмонов, Пётр Авен ва Виктор Рашниковни Европа Иттифоқининг санксиялар рўйхатидан олиб ташлашни сўради, деб ёзади Политиcо газетаси номини ошкор этилмаган европалик дипломатлар ва расмийларга таяниб.
Нашрнинг аниқлик киритишича, ЕИ 15 сентябргача Украинада махсус операция бошланганидан бери санксиялар жорий этилган шахсларга нисбатан ўз чораларини қайта киритиши керак, акс ҳолда улар ўз кучини йўқотади.
“Будапешт уч нафар Россия фуқаросини Европа Иттифоқи санкциялари рўйхатидан олиб ташлашни сўради. Бу ҳаракат Венгрия раҳбари Виктор Орбаннинг шу йил бошида Европа Иттифоқининг нефт тақиқини қандай тўхтатгани ҳақида аччиқ хотираларга эга бўлган бошқа Европа Иттифоқи давлатларини ғазаблантирди", деб ёзди Politico .
Венгрия, шунингдек, Европа Иттифоқидан инсонпарварлик ёрдами учун имтиёзларни кенгайтиришни сўради.
Июл ойида The Wall Street Journal нашри тўрт россиялик ишбилармон ЕИнинг уларга қарши санксияларини суд орқали эътироз билдиришга уринаётгани ҳақида хабар берган эди. Украинага тажовузини давом эттираётган Путинга яқинлиги айтилаётган Роман Абрамович, Пётр Авен, Алишер Усмонов ва Михаил Фридманларнинг таъкидлашича, Брюссел жорий этилган санксиялар билан "уларнинг ҳуқуқларини поймол қилмоқда".
Режиссёр Манский қидирувга берилди
Ҳужжатли филмлар режиссёри ва Артдоcфест кинофестивалининг президенти Виталий Манскийга кинорежиссёр Никита Михалков шикоят аризаси билан «туҳмат» моддаси асосида жиноий иш қўзғатилди.
Бу ишда гувоҳ сифатида қатнашаётган Ксения Собчак бу ҳақда ўз блогида ма’лум қилди. Унинг сўзларига кўра, аризачи Михалков полицияга мурожаат қилиб, Манскийнинг Ютубдаги "Осторожно: Собчак” шоусига шу йил май ойида берган интервюсидаги гапларини туҳмат деб атаган. Кўрсатувда Манский Михалков президенлик қилган Москва халқаро кинофестивалида “бюджетнинг камида 85 фоизи ўғирлангани"ни иддао қилганди.
"Фестивал раҳбари сифатида мен бу фестивал қанча туришини аниқ ҳисоблаб бера оламан. Бу эса, энг яхши ҳолатда, давлатдан тўғридан-тўғри оладиган маблағнинг 15 фоизини ташкил қилади. Мен бу масала бўйича судда ўз ишимни ҳимоя қилишга тайёрман", - деди у.
Ўзинг танқидий чиқишлари учун Россияни тарк этган ва Украинага қарши очилган урушни кескин қоралаган Манскийга икки йилгача қамоқ жазоси берилиши мумкин. Россия Ички ишлар вазирлиги Манскийни қидирувга берди. Ҳозирда Ригада яшаётган Виталий Манский Украинанинг Львов шаҳрида туғилган.
Владимир Зеленский Нью-Йорк биржасига: Мен сизни Украинага таклиф қиламан
Владимир Зеленский 6 сентябр куни Нью-Йорк фонд биржаси билан телефон орқали уланди ва молия эгаларини Россия Украинада вайрон қилган саноатни қайта тиклаш учун хусусий сармоя киритишга чақирди.
Зеленский ҳукумати Россия билан уруш давом этаётган бир пайтда, Украина иқтисодиётини тиклашга ёрдам бериш учун хорижий инвесторлар учун қиймати 400 миллиард долларлик 500 дан ортиқ лойиҳалар платформасини ишга туширди.
JP Morgan, Pfizer Inc ва бошқа АҚШ компанияларининг топ-менежерлари иштирокидаги давра суҳбатидан сўнг, Зеленский инглиз тилида Украина Россия босқинидан олти ойдан кўпроқ вақт ўтиб, ўз иқтисодини тиклаётганини айтди:
- Биз Украина ҳудудини рус армиясидан озод қиляпмиз. Биз аллақачон рус террори томонидан вайрон қилинган жойларни тиклашни бошладик ёки қўлга олдик. Биз иқтисодиётимизни тиклаяпмиз. Биз сизга ва сизнинг компанияларингизга барчамиз манфаати учун биз билан ишлаш имкониятини берамиз. Украина - бу келажакдаги ғалаба ҳақидаги ҳикоя ва сиз учун ҳозирда ғалабани биз билан баҳам кўриш учун юзлаб миллиард долларлик лойиҳаларга сармоя киритиш имконияти. Мен сизни Украинага таклиф қиламан. Украинага сармоя киритинг. Бу сизнинг ғалабангиз, кейин эса компанияларингизнинг муваффақият тарихи бўлади.
Учрашув “Биз озодмиз. Биз кучлимиз. Биз бизнес учун очиқмиз” шиори остида ўтди.
Қўшма Штатлар ва унинг Европа ва Осиёдаги иттифоқчилари аллақачон миллиардлаб долларларни Украинанинг ёрдам, қурол-яроғ ва бошқа хавфсизлик харажатларига сарфлашган. Июл ойида Швейцарияда бўлиб ўтган конференцияда илк бор эълон қилинган “Украина афзаллиги” ташаббуси ҳарбий-саноат комплекси, энергетика, фармацевтика, металлургия, ёғочсозлик ва логистика каби 10 та муҳим соҳага қаратилган.
Украина, шунингдек, НАТО иттифоқи аъзоларининг ҳарбий ёрдамидан ташқари, ўз иқтисодиётини қўллаб-қувватлаш учун ҳар ойда тахминан 5 миллиард доллар халқаро ёрдам олмоқда.
Украина Иқтисодиёт вазири Юлия Свириденко Украина иқтисодиёти келгуси йил барқарорлашиши ва 15,5 фоизга ўсиши кутилаётганини маълум қилди.
Украина жангчилари Херсонда яна бир нечта аҳоли пунктини озод қилди
Украина ҳарбийлари 4 сентябр, якшанба куни Украина қўшинлари томонидан озод қилингани хабар қилинган Херсон вилоятининг Високополье қўрғонида ўз мамлакати байроғини кўтарди.
Украина президенти Владимир Зеленский якшанба куни Украинага қарши ўтган ҳафта бошланган ҳужумда муваффақиятга эришганини қайд этиб, ўз кучларига мамлакат жанубида иккита, шарқда учинчи аҳоли пункти ва бошқа ҳудудларда ҳам бир қанча аҳоли пунктларини озод қилгани учун миннатдорчилик билдирди.
5 сентябр куни эълон қилинган видеода украиналик аскар Високопольедаги бино ташқарисида “Украинага шон-шуҳрат” ёзуви туширилган байроқ ўрнатаётганини кўриш мумкин. Ушбу видео Високополье қўрғонидаги РОВД биноси яқинидаги кўчада суратга олингани тасдиқланди.
6 сентябр куни эълон қилинган яна бир видеода эса украиналик аскарлар вайронага айланган бинолар ёнидан ўтиб, Високополье томон кетмоқда. 2014 йилнинг феврал ва март ойларида Москва бостириб кирган ва аннексия қилган Қрим ярим оролидан шимолда жойлашган Херсон вилояти ҳозирги можаронинг бошида Россия кучлари томонидан босиб олинган эди.
Форум