Қозоғистонга Z ва V свастикаси билан кирган россияликлар маҳаллийлар норозилигига учради
Россиянинг Украинага бостириб кириши тимсолига айланган Z ва V белгиларига эга автомобиллар Қозоғистон аҳолисини ғазаблантирмоқда.
Бундай автомашиналарнинг ҳайдовчилари Қозоғистонга кирганидан кейин стикерларни олиб ташлашга мажбурланмоқда ёки маҳаллийлар полиция чақиртирмоқда ва "транспорт воситаларидан фойдаланиш қоидаларини бузганликлари" учун жаримага тортилмоқда.
Қозоғистонда Z ва V белгиларини тақиқловчи расмий қонун йўқ.
Қирғизистонлик фаол Украинага ёрдам йиғмоқда
Бишкеклик нафақахўр Ондуруш Тўқтанасиров билагбоғич сотади.
У йиғилган пулни Украина армиясига инсонпарварлик ёрдами учун ўтказишини айтади.
Россия биометрик паспортларни беришни тўхтатди
Россия ТИВ Консуллик бошқармаси биометрик паспортлар учун ҳужжатларни қабул қилиш вақтинчалик тўхтатилганини маълум қилди.
“Техник сабабларга кўра 2022-йил 26-августдан электрон сақловчи (10 йил амал қилиш муддати) бўлган паспортларни бериш учун аризаларни қабул қилиш вақтинча тўхтатилди”, — дейилади бошқарма сайтида.
Бундай хабарлар, жумладан, Россиянинг Латвия, Германия ва Туркиядаги элчихоналари веб-сайтларида пайдо бўлди.
Чет элда Россия фуқаролари фақат беш йилга бериладиган паспорт олишлари мумкин бўлади. Унда биометрик чип йўқ.
Россияда Украинага бостириб кириши ортидан киритилган санкциялар туфайли русларга оддий паспорт ўрнига электрон паспорт бериш лойиҳаси тўхтатилди. Вазирлик лойиҳанинг қимматлиги ва электрон шахсий гувоҳномалар - пластмасса ва микрочиплар ишлаб чиқариш учун четдан келтириладиган материаллар етишмаслигига ишора қилди. Илгари Россия кўп чипларни Европа, Хитой ва Кореядан сотиб олган.
Буюк Британия Украинага олтита сув ости дронларини етказиб беради
Украина Мудофаа вазирлиги, гап қанақа дронлар ҳақида кетаётганини очиқламаган. Буюк Британия Қироллик денгиз флоти бундай сув ости транспорт воситаларининг бир нечта моделларига эга, шу жумладан 3000 километргача сузувчи “Манта” билан қуролланган.
Айни пайтда, Британия Қироллик денгиз флоти украиналик денгизчиларни сув остида яшовчи мина овчи дронларидан фойдаланишга ўргатишни бошлади, бу уларга Украина сувларидаги таҳдидларни бартараф этишга имкон беради деб умид қилмоқда.
12 дан ортиқ украиналик ходимлар Англия жанубидаги объектда Қироллик денгиз флотининг шўнғиш ва разведка қилишни ўрганади ва АҚШ ҳарбий-денгиз кучларининг 6-флоти томонидан уч ҳафталик тренингдан ўтади. Дронлар сув остидаги портлаш хавфини аниқлаш учун сонар технологиясидан фойдаланади.
Украиналик аскарларнинг айтишича, дронлар, айниқса, Россия денгиз блокадаси остида бир неча ой бўлган Одесса порти атрофида фойдали бўлади.
Форум