АҚШ: G20 Путин билан муносабатларини давом эттира олмайди
АҚШ мулозимларининг таъкидлашича, дунё Россия президенти Владимир Путинга аввалгидек муносабатда бўла олмайди.
Индонезия ноябрь ойида бўлиб ўтадиган G20 - "Катта йигирматалик" саммитига Путинни, шунингдек, Украина президенти Владимир Зеленскийни таклиф қилди.
Оқ уй матбуот котиби Жен Псаки, АҚШ президенти Жо Байден Путиннинг иштирокига “ўз қаршилигини очиқ билдирди”, “украиналикларнинг иштирокини олқишлайди” деб айтди. Унинг таъкидлашича, Бали оролида бўлиб ўтадиган саммитга таклифнома Украинага бостириб киришдан аввал Россияга юборилган.
АҚШ Давлат департаменти матбуот котиби Жалина Портер халқаро майдонда Россия билан "аввалгидай муносабатда бўла олмаймиз" дея баёнот берди.
У АҚШ саммитда иштирок этишни режалаштиряптими ёки йўқлигини айтмади.
Ирина Верещук: Россия украин фуқароларини ҳарбий асирларга алмаштиришга ҳаракат қилган
Россия украиналик фуқароларни Женева конвенциясига зид тарзда россиялик ҳарбий асирларга алмаштиришга ҳаракат қилган.
Бу ҳақда Украина бош вазири ўринбосари Ирина Верещук BBC билан суҳбатда маълум қилди.
Унинг сўзларига кўра, бу украиналиклар Россияга куч билан олиб кетилган ва Россия томони дастлаб уларни алмашиш учун гаровга қўйишни режалаштирган. Бироқ Украина буни рад этди ва Россиядан асирга олинган Украина фуқароларини қайтаришни талаб қилди.
"Биз мингдан ортиқ одам гаровга олинганини биламиз, улардан деярли 500 нафари аёл. Улар Курск, Брянск, Рязань, Ростов қамоқхоналари ва ҳибсхоналарида эканликларини ҳам биламиз", - деди Верещук.
Бундан ташқари, Бош вазир ўринбосарига кўра, Россия асирга олинган Украина фуқароларини озод қилишни кечиктирмоқда.
Верещукнинг сўзларига кўра, яқинда Украинага Россиядан тўққиз нафар тинч аҳоли вакиллари оғир жароҳатлар билан жўнатилган, улар орасида Россияда оёқ-қўллари ампутация қилинганлари ҳам бор. Бош вазир ўринбосарининг сўзларига кўра, уларнинг баъзиларида аниқ қийноқ белгилари бўлган.
Россиянинг Брянск вилоятида портлашлар
Брянск вилояти губернатори Александр Богомазнинг билдиришича, бугун эрталаб соат 6: 50 да Россия ҳаво ҳужумидан мудофаа кучлари осмонда Украина ҳарбий самолёти кўринган.
Унинг маълумотига кўра, аҳоли пунктига 2 та снаряд ҳам келиб тушган.
Губернатор снарядлар Украинага тегишли эканлигини айтмади, бундан ташқари, у портлашларни Россия ҳаво мудофааси иши билан аниқ боғлайди.
Портлашлар оқибатида, Богомазга кўра, "нефть терминалининг корпуси шикастланган". Жабрланганлар йўқ.
Уруш шароитида расмийларнинг талафотлар ҳақидаги маълумотини текшириш имконсиз.
Россиянинг Брянск вилоятида портлашлар
Брянск вилояти губернатори Александр Богомазнинг билдиришича, бугун эрталаб соат 6: 50 да Россия ҳаво ҳужумидан мудофаа кучлари осмонда Украина ҳарбий самолёти кўринган.
Унинг маълумотига кўра, аҳоли пунктига 2 та снаряд ҳам келиб тушган.
Губернатор снарядлар Украинага тегишли эканлигини айтмади, бундан ташқари, у портлашларни Россия ҳаво мудофааси иши билан аниқ боғлайди.
Портлашлар оқибатида, Богомазга кўра, "нефть терминалининг корпуси шикастланган". Жабрланганлар йўқ.