OzodMikrofon рукнига Андижондан қўнғироқ қилган тадбиркор ўтган йили маҳаллий ҳукумат “Эски шаҳар” бозорини бузиши оқибатида ишсиз қолиб, ҳозирда банкдан олган кредитларни тўлолмай қийин аҳволга тушиб қолганини гапирди. Маҳаллий ҳокимият вакилларидан ҳадиксирагани боис исмини очиқламаслигимизни илтимос қилган тадбиркор Андижон вилояти ҳокими Шуҳрат Абдураҳмонов бозор бузилаётган пайтда савдогарларга ёрдам кўрсатиши тўғрисида берган ваъдаларидан бирортасини бажармагани, ҳақдор банк вакилларига ёзиб берган тилхатидан тонаётганини айтади.