Қозоғистон ва АҚШ ўртасида ноёб минераллар бўйича меморандум имзоланди
6 ноябрь куни Қозоғистон ва АҚШ ўртасида ноёб минераллар бўйича меморандум имзоланди. Ҳужжатнинг имзоланиш маросими Қозоғистон раҳбари Қосим-Жомарт Тўқаев иштирокида бўлиб ўтган. Бу ҳақда Оқўрда матбуот хизмати хабар берди.
“Президент Қосим-Жомарт Тўқаев иштирокида Қозоғистон Республикаси ва Америка Қўшма Штатлари ўртасида ноёб минераллар соҳасида ҳамкорлик тўғрисидаги ўзаро англашув меморандуми имзоланди”, дейилади хабарда.
Ҳужжатга Қозоғистон Саноат ва қурилиш вазири Эрсаин Нагаспаев ҳамда АҚШ Савдо вазири Говард Латник имзо чеккан.
Ноёб минералларга қуйидагилар киради:
- Литий – электр транспорт воситалари ва аккумуляторлар учун асосий элемент;
- Кобальт – аккумуляторлар ва юқори ҳароратга чидамли қотишмалар учун ишлатилади;
- Никель – зангламайдиган пўлат ва батареялар ишлаб чиқаришда муҳим;
- Мис – электр узатиш тизимлари ва электроника учун зарур;
- Графит – батареялар ва электродларда қўлланилади;
- Нодир ер элементлари – неодим, диспрозий, иттрий ва бошқалар. Улар магнитлар, лазерлар, оптика ва ҳарбий технологиялар учун муҳим;
- Вольфрам – ҳарбий техника, кесувчи асбоблар ва саноат учун;
- Молибден – пўлат мустаҳкамлигини оширади;
- Ванадий – энергия сақлаш тизимлари ва пўлат қотишмаларида ишлатилади;
- Уран – ядро энергетикасининг асосий хомашёси.
Мирзиёев АҚШ Савдо вазири билан музокара ўтказди
Ўзбекистон Президенти Шавкат Мирзиёев Вашингтонга амалий ташрифи доирасида АҚШ Савдо вазири Ховард Лутник билан музокаралар ўтказди.
Ўзбекистон ва АҚШ ўртасидаги стратегик шерикликни янада мустаҳкамлаш, савдо ва сармоявий ҳамкорликни фаоллаштириш, иқтисодиётнинг турли тармоқларида қўшма лойиҳаларни амалга оширишга доир масалалар муҳокама қилинди.
"Кўп қиррали Ўзбекистон-Америка муносабатлари изчил ривожланиб бораётгани мамнуният билан қайд этилди. Сўнгги йилларда товар айирбошлаш ҳажми тўрт баробар ошиб, қарийб 1 миллиард долларга йетди. Ўзбекистонда 300 дан ортиқ Америка компанияси муваффақиятли фаолият юритиб, саноат, қишлоқ хўжалиги, энергетика, инновациялар соҳаларида қатор йирик ҳамкорлик лойиҳалари амалга оширилмоқда", дейилади Ўзбекистон президенти матбуот хизмати хабарида.
Музокараларда савдо алоқаларини мустаҳкамлаш, ҳудудлараро ҳамкорликнинг самарали механизмларини яратиш, Мувофиқлаштирувчи кенгаш ташкил этишдан томонлар ҳам манфаатдор экани таъкидланган.
Қишлоқ хўжалиги соҳасидаги ҳамкорлик масалаларига алоҳида эътибор қаратилган. АҚШдан соя ва пахта етказиб бериш, Американинг илғор томчилатиб суғориш технологияларини жорий этиш бўйича дастлабки шартномалар аллақачон имзоланган.
Музокаралар якунлари бўйича қўшма лойиҳаларни қўллаб-қувватлаш учун инвестиция платформасини яратиш орқали амалий ҳамкорликни фаоллаштириш бўйича келишувга эришилди.
Мирзиёев Американинг етакчи компаниялари вакиллари билан учрашди
Ўзбекистон Президенти Шавкат Мирзиёев Вашингтонга амалий ташрифи давомида Американинг етакчи компаниялари, инвестиция фондлари ва молия институтлари вакиллари билан учрашув ўтказди.
Тадбирда АҚШ Савдо вазири Ховард Лутник, АҚШ президентининг махсус ёрдамчиси Рики Гилл, Президентнинг махсус вакили Паоло Замполли, қишлоқ хўжалиги котиби ўринбосари Стивен Ваден, шунингдек, Америка-Ўзбекистон савдо палатаси раҳбарлари ҳамда йирик корпорациялар, жумладан, Америка-Ўзбекистон савдо палатаси раҳбарлари ҳамда йирик корпорациялар топ-менежерлари қатнашди.
Учрашув аввалида Ўзбекистон раҳбари сўнгги саккиз йилда АҚШ билан товар айирбошлаш ҳажми тўрт баробар ошгани, Ўзбекистонда 300 дан ортиқ Америка компанияси муваффақиятли фаолият юритаётганини таъкидлади.
Ўзбекистон Президенти Шавкат Мирзиёев Вашингтон шаҳрига амалий ташрифи доирасидаги ишбилармонлик дастури доирасида “General Motors International” компаниясининг глобал ижрочи директори Шилпан Аминни ҳам қабул қилди. Ушбу корпорация билан узоқ муддатли ҳамкорликни янада кенгайтириш масалалари кўриб чиқилди. “General Motors International” компаниясининг Ўзбекистон автомобил саноатини ривожлантириш ва диверсификация қилишдаги муҳим ўрни борлиги айтилади.
Сўнгги 5 йил ичида компания томонидан 1,6 миллион дона автомобил ишлаб чиқарилди, Ўзбекистон “Chevrolet” бренди учун АҚШдан кейинги иккинчи йирик бозорга ҳамда Марказий Осиё ва МДҲ бозорларида сотувлар бўйича етакчига айланди.
Трамп маъмурияти Марказий Осиё давлатлари билан Boeing учоқлари бўйича янги битимлар имзолаган
АҚШ президенти Доналд Трамп маъмурияти пайшанба куни Марказий Осиё давлатлари – Қозоғистон, Тожикистон ва Ўзбекистон авиакомпанияларига 37 тагача "Боинг" самолётларини сотиш бўйича янги битимлар имзоланганини эълон қилди.
Савдо вазирлиги Қозоғистоннинг "Эйр Астана" ширкати ўз паркини кўпайтириш ва модернизация қилиш учун 15 тагача "Боинг 787-9 Дримлайнер" сотиб олиш бўйича янги режалар очган.
Буюртмалар Марказий Осиё давлатлари ва Қўшма Штатларнинг беш давлати раҳбарларининг дипломатик учрашувининг 10 йиллиги муносабати билан Вашингтонда бўлиб ўтган C5+1 саммитида имзоланган.
Айни пайтда Тожикистоннинг “Сомон Эйр” миллий авиакомпанияси 14 тагача "Боинг" самолёти, шу жумладан тўртта 787 ва 10 737 МАХ самолётларини, “Ўзбекистон ҳаво йўллари” эса қўшимча саккизта 787 та самолёт сотиб олишни режалаштирмоқда.
АҚШда ишлаб чиқарилган янги "Боинг" самолётларига буюртмалар хорижий ҳукуматлар ва Трамп билан савдо битимлари ва музокараларда катта аҳамиятга эга.
"Боинг"
бу йил савдо келишувлари доирасида эълон қилинган юзлаб янги самолётларга буюртмаларни қўлга киритди.
Форум