Мирзиёев ва Марказий Осиёнинг бошқа етакчилари Трамп билан гаплашгани кириб кетишди
Ўзбекистон президенти Шавкат Мирзиёев Марказий Осиё етакчилари қатори Оқ Уйда кутиб олинди. АҚШ президенти Доналд Трамп ва Марказий Осиёнинг беш давлати етакчилари ўртасида музокаралар Марказий Осиёнинг улкан минерал ресурслари учун рақобат кучайиб бораётган бир шароитда ўтмоқда.
Мирзиёев 2026 йилда C5+1 саммитини Самарқандда ўтказишни таклиф этди
Президент Доналд Трамп Оқ уйда Марказий Осиёнинг бешта давлати раҳбарларини қабул қилди.
Трамп ва Қозоғистон, Қирғизистон, Тожикистон, Туркманистон ва Ўзбекистон раҳбарлари Вашингтон вақти билан 18.00да Оқ уйда тушликка йиғилишди.
Ўзбекистон президенти Шавкат Мирзиёев учрашув чоғида сўз олар экан минтақа етакчиларини Вашингтонга таклиф этгани учун Трампга миннатдорчилик билдирди, келаси йилда C5+1 саммитини Самарқанд шаҳрида ўтказишни таклиф қилди.
Вашингтон ҳозир Марказий Осиёда чуқур захираларга эга бўлган муҳим минераллар бўйича Хитойни четлаб ўтишнинг янги йўлларини қидирмоқда. Аммо минтақа ресурсларни янада ривожлантириш учун сармояга муҳтож.
Трамп Қозоғистоннинг Иброҳим келишувига қўшилганини тасдиқлади
АҚШ президенти Доналд Трамп Марказий аксар аҳолиси мусулмонлардан иборат Қозоғистон Иброҳим келишувига қўшилган Марказий Осиёнинг биринчи давлати бўлганини тасдиқлади.
"Бугунги кунда кўпроқ давлатлар менинг Иброҳим келишувим орқали тинчлик ва фаровонликни қабул қилиш учун саф тортмоқда", деди Трамп.
Иброҳим келишуви АҚШ президенти Доналд Трампнинг илк президентлик даврида 2020 ва 2021 йилларда Вашингтон воситачилигида тўртта мусулмон ўлкаси – Бирлашган Араб Амирликлари, Баҳрайн, Марокаш ва Судан томонидан Исроил билан дипломатик муносабатларни нормаллаштириш учун имзоланган эди.
Экспертлар фикрича, бу саъй-ҳаракатлар Россия ва Эрон каби кучларга қарши АҚШнинг минтақадаги ролини кучайтиришга қаратилган кенгроқ стратегияни ўз ичига олади.
Форум