Пахта-2016

Президент Мирзиёев Бўкага келиб кетганидан сўнг 5та туман ҳокими ойликларидан маҳрум қилинди

Пахта теримида мажбурий меҳнатга жалб этиш давом этмоқда

Қорақалпоғистоннинг Кегейли туманида ўқитувчиларни пахта теришга мажбур қилган раҳбарлар жазоланди.

ОзодТаъсир: Самарқандда талабалар пахтадан қайтарилди

15 ноябрь куни Озодлик радиоси Самарқанд вилоятидаги барча олий ўқув юртлари талабаларининг 60 кундан бери пахта даласида қолаëтганига эътибор қаратиши ортидан¸ 16 ноябрь куни эрталаб талабалар уйига қайтарилди. Озодликка хабар йўллаган талабаларнинг айтишича¸ 15 ноябрь куни кечга яқин кутилмаганда ўзларига тонгда кўрпа-тўшакни йиғиштириб¸ автобус келишига шай бўлиб туриш айтилган.

Андижон даласида пахта қолмаган бўлса ҳам коллеж ўқувчилари ўқишга қайтарилмаяпти

Андижон вилоятининг Бўз туманидаги барча коллежнинг учинчи курс ўқувчилари бир ойдан буён пахта даласида қоляпти. Озодлик суҳбатлашган ўқувчиларнинг айтишларича, далада пахта қолмаган бўлса ҳам, улар эртадан кечгача совуқдан қалтираб, чаноқларда қолган яккам-дукам пахтани теришга мажбурланяпти.

Андижонда ўқувчилар ғўзапояда қолган пахтани териб олишга мажбурланмоқда

Андижон вилоятининг Пахтаобод тумани мактаблари ўқитувчилари ва ота-оналарга кўра, туман ҳокими мактабларда ҳар бир ўқувчига бир ҳафта давомида 3-5 килограммдан пахта топиб келиш ҳақида фармойиш берган. Уларнинг маълум қилишича, ўқувчилар уйма-уй юриб, йиғиб олинган ғўзапояда қолиб кетган пахтани териб оляпти. Аммо, туман ҳокимлиги расмийси ўқувчиларга бундай топшириқ берилганини инкор қилди.

Бухорода ҳам мактаб ўқувчилари пахтага ҳайдалди

Бухоро вилоятининг Вобкент туманидаги аксар мактаб ўқувчилари пахта теримига сафарбар этилди. Ота-оналар ва ўқитувчиларнинг айтишларича, олтидан юқори бўлган синфларда дарслар таққа-тақ тўхтаган ва об-ҳаво совуқ бўлишига қарамасдан ўқувчилар пахта теришга мажбурланмоқда.

Қарши тумани ҳокими теримга масъул фаолларни дўппослаганини рад қилди

Қашқадарёнинг Қарши тумани ҳокими Асрол Бойқораев Озодлик билан суҳбатда пахта режасини бажармаган фермер хўжаликлари ва ташкилот раҳбарларини ҳақоратлаб, калтаклагани ҳақидаги иддаоларни рад қилди. Қарши тумани Бешкент шаҳрида яшовчи коллеж раҳбарларидан бири 12-13 октябрь кунлари кечаси ўтказилган селектор йиғилишида туман ҳокими оз пахта топширган фермер ва теримга кам одам чиқарган ташкилот раҳбарларини калтаклагани ҳақда Озодликка гапириб берган эди.

Қашқадарёда мактаб ўқувчилари пахта теримига чиқарилди

Қашқадарё вилоятининг Нишон туманидаги бир неча мактабнинг 5-9 синф ўқувчилари пахта теримига ҳайдалди. Бир-биридан мустақил Озодлик манбаларига кўра, ўқувчилар ҳатто ёмғир ёққан кунлари ҳам пахтага чиқарилган. Ўқувчиларнинг устозлари эса пахта мавсуми бошлангандан буён пахта даласида “жавлон” урмоқда. Вилоят ҳокимлиги ўқувчиларнинг теримга чиқарилганини инкор қиляпти.

Ўзбекистонлик фермер: пахтада қўл меҳнатини 3 йилда 30 %га камайтириш имконсиз

Ўзбекистон ҳукумати 2020 йилга бориб пахта йиғим-теримида қўл меҳнатини 30 фоизга камайтириб, ҳосилнинг 80 фоизини пахта териш машиналари ёрдамида йиғиштириб олишни режаламоқда. Ўзбек расмийларининг бу баёноти Тошкентда ўтаётган Халқаро пахта ярмаркасида янгради.

Мирзиёев айтган 2016 йил давом этмоқда, лекин пахта Damasда ташилмоқда

Пахта йиғим-терими мавсумида Ўзбекистоннинг кўплаб жойларида техника билан боғлиқ муаммолар вужудга келмоқда. Ижтимоий тармоқлар орқали Озодликка келаётган хабарлардан айрим хўжаликлар қишлоқ хўжалиги ва йўловчи транспортдан муаммолар пайдо бўлаётганини билдирса, яна бошқалари техника билан таъминланишда муаммо йўқлигини гапирмоқда.

Андижонда ҳайдовчилар пахта териш ва ҳашарчиларни ташишга мажбурланмоқда

Ўзбекистоннинг Андижон вилояти автомобил йўлларида милиция ходимлари йўлдан ўтаётган машиналарни тўхтатиб, ҳайдовчиларни пахта теришга ёки ҳашарчиларни ташишга мажбур қилмоқда. Бу ҳақда андижонлик ҳайдовчилар Озодликка маълум қилди.

Пахта терими суръати тушиб кетгани боис, қолган талабалар ҳам далага ҳайдалди

Ўтган ҳафта охирларида Ўзбекистонда об-ҳавонинг ёмонлашиши туфайли пахта теримига навбатдаги сафарбарлик бошланди. Ёмғир ёғиши ва совуқ тушиши натижасида олдин сафарбар этилган кўплаб теримчиларнинг уйларига кетиб қолиши кўпайган. Пахта даласига нафақат вилоятлардаги коллежлар, балки пойтахтдаги айрим олий ўқув юртлари ўқитувчи-талабалари чиқарилди.