тел: +420 2 2112 3387 mobile:+420 605 562 270 (шошилинч хабарлар) twitter: khurmatb skype: khurmatskype facebook:Khurmat Babadjanov
Ozodnazar eshittirishining bugungi mehmoni, chorak asrdan buyon Avstriyada qochqinlikda yashayotgan o‘zbekistonlik taniqli shoir Yodgor Obid O‘zbekiston prezidenti Shavkat Mirziyoevning yangi yil tabrigida aytgan “chet ellardagi vatandoshlarimiz bilan aloqalarni kengaytirishga yanada katta e’tibor qaratamiz, degan gapiga shunday munosabat bildirdi. “Mirziyoev aytayotgan gaplar menga Karimovning dastlabki prezidentligi davrida aytgan gaplarni esga soladi. U odamlarni o‘ziga mahliyo qilishni uddalayapti, lekin aytilayotgan gaplar amalda ko‘rinmayapti”, - dedi Yodgor Obid.
Xorazmning Urganch shahridagi ko‘p qavatli turar-joy binosi oldidan 27 yoshli ayolning jasadi topildi. Guvohlar Ozodlik bilan suhbatda ayol 1 yanvar kuni joniga qasd qilib, o‘zini shu binoning 9-qavatidan tashlaganini aytishdi. Ayol nima uchun joniga qasd qilgani ma’lum emas. Urganch shahar ichki ishlar boshqarmasi yuz bergan hodisa yuzasidan O‘zbekiston Jinoyat kodeksining 103-moddasi ("O‘z joniga suiqasd qilish holatiga olib borish") bo‘yicha jinoyat ishi qo‘zg‘atdi.
Ozodnazar эшиттиришининг бугунги меҳмони, чорак асрдан буён Австрияда қочқинликда яшаётган ўзбекистонлик таниқли шоир Ёдгор Обид Ўзбекистон президенти Шавкат Мирзиёевнинг янги йил табригида айтган “чет эллардаги ватандошларимиз билан алоқаларни кенгайтиришга янада катта эътибор қаратамиз, деган гапига шундай муносабат билдирди. “Мирзиёев айтаётган гаплар менга Каримовнинг дастлабки президентлиги даврида айтган гапларни эсга солади. У одамларни ўзига маҳлиё қилишни уддалаяпти, лекин айтилаётган гаплар амалда кўринмаяпти”, - деди Ёдгор Обид.
Хоразмнинг Урганч шаҳридаги кўп қаватли турар-жой биноси олдидан 27 ёшли аёлнинг жасади топилди. Гувоҳлар Озодлик билан суҳбатда аёл 1 январь куни жонига қасд қилиб, ўзини шу бинонинг 9-қаватидан ташлаганини айтишди. Аёл нима учун жонига қасд қилгани маълум эмас. Урганч шаҳар ички ишлар бошқармаси юз берган ҳодиса юзасидан Ўзбекистон Жиноят кодексининг 103-моддаси ("Ўз жонига суиқасд қилиш ҳолатига олиб бориш") бўйича жиноят иши қўзғатди.
Ispaniyalik xonanda Enrike Iglesiasning 28 dekabr kuni Toshkentdagi “Istiqlol” san’at saroyida bo‘lgan kontsertiga bepul chiptalar chayqovchi va o‘rtakashlar qo‘liga o‘tib, 5 million so‘mgacha sotilgani uchun Yoshlar Ittifoqi tanqidga qoldi. Ijtimoiy tarmoqlarda “Shu uyushgan yoshlarmi? Millat kelajagi shu olib-sotarlarga qoldimi?", degan tanqidlar aytilmoqda. Iglesiasning Toshkentdagi bir kunlik kontserti kelib chiqishi o‘zbekistonlik bo‘lgan rossiyalik milliarder Alisher Usmonovdan O‘zbekiston yoshlariga Yangi yil sovg‘asi ekani aytilgandi.
Испаниялик хонанда Энрике Иглесиаснинг 28 декабрь куни Тошкентдаги “Истиқлол” санъат саройида бўлган концертига бепул чипталар чайқовчи ва ўртакашлар қўлига ўтиб, 5 миллион сўмгача сотилгани учун Ёшлар Иттифоқи танқидга қолди. Ижтимоий тармоқларда “Шу уюшган ёшларми? Миллат келажаги шу олиб-сотарларга қолдими?", деган танқидлар айтилмоқда. Иглесиаснинг Тошкентдаги бир кунлик концерти келиб чиқиши ўзбекистонлик бўлган россиялик миллиардер Алишер Усмоновдан Ўзбекистон ёшларига Янги йил совғаси экани айтилганди.
Andijon viloyat, Izboskan tuman prokuraturasi Andijonda 35 yoshli ota o‘z qizini 2 yildan beri g‘ayrioddiy tarzda jinsiy zo‘rlab kelganiga oid o‘tgan haftada kelib tushgan ariza yuzasidan tergov harakatlari boshladi.
Андижон вилоят, Избоскан туман прокуратураси Андижонда 35 ёшли ота ўз қизини 2 йилдан бери ғайриоддий тарзда жинсий зўрлаб келганига оид ўтган ҳафтада келиб тушган ариза юзасидан тергов ҳаракатлари бошлади.
Farg‘ona huquq-tartibot idoralari Marg‘ilon shahridagi 1-sonli Mehribonlik uyida yetimlarga hukumat va xalqaro tashkilotlar tarafidan ajratilgan hayr-exson pullari talon-taroj qilingani, bolalar uyi tarbiyalanuvchilari jinsiy va jismoniy ekspluatatsiya qilingani yuzasidan tergov boshladi. Ozodlikka Farg‘onadagi bir necha manbadan kelgan bu xabarni viloyat huquq-tartibot organlari tasdiqladi.
Фарғона ҳуқуқ-тартибот идоралари Марғилон шаҳридаги 1-сонли Меҳрибонлик уйида етимларга ҳукумат ва халқаро ташкилотлар тарафидан ажратилган хайр-эҳсон пуллари талон-тарож қилингани, болалар уйи тарбияланувчилари жинсий ва жисмоний эксплуатация қилингани юзасидан тергов бошлади. Озодликка Фарғонадаги бир неча манбадан келган бу хабарни вилоят ҳуқуқ-тартибот органлари тасдиқлади.
O‘zbekiston Mehnat va aholini ijtimoiy muhofaza qilish vazirligi mulozimi Ozodlik bilan suhbatda egizaklariga prezident ismini qo‘ygan oilalarni siylash an’anasi o‘tmishga aylangani, yangi tug‘ilgan chaqaloqlarga ijtimoiy yordam¸ qanday ism qo‘yilishidan qat’iy nazar¸ hammaga bir xil taqsimlanishini aytdi.
Ўзбекистон Меҳнат ва аҳолини ижтимоий муҳофаза қилиш вазирлиги мулозими Озодлик билан суҳбатда эгизакларига президент исмини қўйган оилаларни сийлаш анъанаси ўтмишга айлангани, янги туғилган чақалоқларга ижтимоий ёрдам¸ қандай исм қўйилишидан қатъий назар¸ ҳаммага бир хил тақсимланишини айтди.
Хоразмнинг Гурлан туманида Мансурбек Матжонов оиласида бирваракайига туғилган уч ўғилга Шавкат, Миромон ва Мирзиё деб исм қўйилди. Автомобил ёқилғи қуйиш шохобчасида оператор бўлиб ишлаган, АЁҚШларда қисқартиришлар сабаб ҳозир ишсиз қолган 29 ёшли Мансурбек ўтган ҳафта дунёга келган эгизакларига Ўзбекистоннинг ҳозирги президенти шарафига ўғилларини шундай номлаганини айтди.
Ўзбекистонда конституциявий тузумни ағдаришга уринганликда айбланаётган журналист Бобомурод Абдуллаев 14 декабр куни уни бориб кўрган адвокати Сергей Майоровга ўзига қўйилаётган айбни қисман тан олишини айтган. Бу ҳақда Сергей Майоров 15 декабр куни Озодлик билан суҳбатда маълум қилди. Майоровга кўра, ўз мижози танасида қийноқ белгилари кўрмаган, Абдуллаевни ўзи ҳам жисмоний ва руҳий босимлардан шикоят қилмаган.
Халқаро меҳнат ташкилоти Ўзбекистонда мажбурий болалар меҳнати тугатилганини билдирди. Ташкилотнинг 12 декабр куни чиқарган ҳисоботида Ўзбекистонда ортиқ болалар меҳнатидан тизимли тарзда фойдаланилмаётгани ва ҳукумат мажбурий меҳнатни тугатиш бўйича чоралар кўраётгани таъкидланади.
Ўзбекистондаги айрим бюджет ташкилотларида ишловчилар бу йил ҳам ҳукумат нашрларига обуна бўлишга мажбурланаётганликлари ва ойликларидан обуна учун пул ушлаб қолинаётгани ҳақида Озодликка шикоят қилди. Гарчи бу амал Истеъмолчиларнинг ҳуқуқларини ҳимоя қилиш тўғрисидаги қонунга зид эса-да газета-журналларга мажбурий обуна Ўзбекистонда йилдан-йилга анъана тусини олмоқда.
Ўзбек атласи ва адрасини анъанавий тўқиш технологияси ЮНЕСКОнинг “инсоният номоддий маданий мероси" рўйхатига киритилди. Бу ҳақдаги қарор жамғарманинг Номоддий маданий меросни сақлаш бўйича ҳукуматлараро қўмитаси Жанубий Кореяда 4-9 декабр кунлари ўтказган йиғинида олинди. Жанубий Кореянинг Жежу оролида бўлиб ўтган беш кунлик йиғинда атлас ва адрас тўқиш анъанавий технологияси жаҳон маданий меросининг ажралмас қисми сифатида эътироф этилган.
Андижоннинг Булоқбоши туманида Диёрбек Йўлдошев 8 ёшли қизи Севарани бўғиб ўлдирганликда айбланиб, ҳибсга олинди. Ҳуқуқ-тартибот идораларига кўра, Йўлдошев қизини ўлдириб, зовурга ташлаган ва жиноятни 40 кун давомида яшириб келган. Воқеа тафсилотларидан хабардорларга кўра, жиноят собиқ хотинига рашк ва алимент тўламаслик мақсадида амалга оширилган.
Андижон шаҳар ҳокимининг мажлис қатнашчиларини ҳақорат қилгани ёзилган аудиофайллар ўтган ой матбуотда тарқалиши ортидан ҳокимият биносига уяли телефон ва овоз ёзиш ускуналари билан кириш тақиқлаб қўйилди. Озодликка маълум бўлишича¸ ҳозирда Андижоннинг сўконғич ҳокими прокурор назоратига олинган.
Ўзбекистон мусулмонлари идораси Ҳажга борувчиларга талабларни кучайтирди. Идоранинг 1 декабр куни эълон қилган Ҳаж ҳақидаги фатвосида талабгорлар олтита шартга жавоб бериши кераклиги айтилган. Жумладан, Ҳажга борувчилар етарли маблағга қодир, қарзга ботмаган ва маҳаллада юриш-туриши намунали бўлиши таъкидланган.
Давомини ўқинг
