тел: +420 2 2112 3387 mobile:+420 605 562 270 (шошилинч хабарлар) twitter: khurmatb skype: khurmatskype facebook:Khurmat Babadjanov
Россиянинг таниқли рок ижрочилари Халқаро Амнистия ташкилотининг ўлим жазосига қарши кампанияси доирасида Ўзбекистон ва Беларус президентларига мактуб йўллашди. Ислом Каримов ва Александр Лукашенко номига йўлланган мактубда ўлим жазосини бекор қилиш ва қамоқхоналарда махбусларга қийноқ қўллашни тўхтатиш талаб этилади.
Бундан 20 йил аввал, 1985 йилнинг 11 март куни Совет Иттифоқи аҳолиси КПСС Марказий Қўмитаси Бош котиби лавозимини Политбюронинг энг ёш намояндаларидан бўлган Михаил Горбачев эгаллагани ҳақда хабар топган эди. Бу воқеа КПССнинг Горбачевдан олдинги раҳбари Константин Черненко вафотидан бир кун ўтиб рўй берди. Горбачевнинг хокимиятга келиши, СССР тарихида қайта қуриш ва ошкоралик даврини бошлади.
Ўтган йил 11 март куни Испания пойтахти Мадридда содир этилган террор ҳужуми 191 киши ҳаётига зомин бўлган эди. Ўша мудхиш портлашлардан бир йил ўтиб, Мадрид террорчиликка қарши кураш бўйича халқаро анжуманга мезбонлик қилмоқда. "Демократия, терроризм ва хавфсизлик" номи остида ўтаётган айни анжуман 11 март Мадрид портлашларининг бир йиллигига бағишланган бўлиб, унинг ишида 50 давлатдан 200га яқин хавфсизлик соҳаси мутахассислари қатнашаётир.
Байрут марказининг Шаҳидлар майдонидаги оммавий норозилик чиқишлари душанба кечқурун Умар Карамий бошлиқ ҳукумат истеъфоси билан якун топди. "Мен бошқаришни ўзим учун шараф, деб билган ҳукумат истеъфосини эълон қиламан. Оллоҳ Ливанни ўз паноҳида асрасин" - деди Карамий ҳокимият билан хайрлашаркан. Шахидлар майдонига йиғилган оломон эса Бош вазирнинг бу қарорини шодон қарши олди.
Ҳукумат таркибидаги сўнгги ўзгаришлар Ўзбекистондаги икки палатали парламентга ўтказилган сайловлардан кейин амалга ошди. Мухолифатдаги "Эрк" демократик партияси етакчиси Муҳаммад Солиҳ ҳукуматдаги бу ўзгаришларни Ўзбекистон президентининг ўз шахсий хокимиятини мустаҳкамлаш сари қилган навбатдаги қадами деб билади. "Ўзбекистон президенти сайловларни ўзининг моделида, ўзи истаган шаклда ўтказди. Яъни ўзининг қўғирчоқ партияларини янги икки палатали деб аталган, аслида аввалгидан ҳеч фарқ қилмайдиган парламентга киритди. Бундан кейинги бўлаётган ўзгаришлар ҳаммаси президентнинг шахсий ҳокимиятини мустаҳкамлаш учун давом этяпти", - деди Муҳаммад Солиҳ.
Америка махкамаси ЮКОС активлари, жумладан "Юганскнефтегаз" ширкати сотилиши билан боғлиқ операцияларни 10 кунга тўхтатиб туришлик ҳақидаги қарорни қабул қилди. Россия Ташқи ишлар вазирлиги эса Америка маҳкамасининг бундай қарори Россияда ҳуқуқий кучга эга эмаслигини таъкидламоқда. Хўш, нега ЮКОС рахбарияти Америка маҳкакмасига мурожаат этди?
Украина Олий Маҳкамаси мамлакатда ўтказилган президентлик сайловларинининг иккинчи давраси натижаларини ноқонуний деб топганига қарамай, мухолифат ва ҳукумат ўртасидаги зиддият бархам топмаган. Бир томондан, Виктор Юшенко етакчилигидаги мухолифат кучлари президентдан Янукович бошлиқ россияпараст ҳукуматни тарқатиб юборишни ва янги Марказий сайлов комиссия таркибини тасдиқлашни талаб этаётган бўлса, бошқа томондан, президентлик муддати тугаб бораётган Леонид Кучма мухолифатни президент ваколатларини чекловчи конституциявий ўзгартишларни қабул қилишга чақирмоқда.
Душанба куни Украина Олий Маҳкамаси мамлакатда ўтказилган президентлик сайловларининг легетимлиги масаласини кўриб чиқишни бошлади. Мухолифатдан президентликка номзод Виктор Юшенко тарафдорлари сайловнинг расмий натижалари бекор этилишини ва қайта сайлов ўтказилишини талаб этишмоқда. Эслатиб ўтамиз шанба куни Украина парламенти сайлов натижаларини ноқонуний деб топиб, Марказий Сайлов Комиссиясига ишончсизлик билдирган эди. Аммо, Парламент қарори қонуний кучга эга бўлмагани боис, сайловнинг легетимлиги борасида Олий Маҳкама сўнгги сўзни айтиши керак.
Эрон Европа Иттифоқи таклифига жавобан ўз ядровий дастурини вақтинчалик тўхтатишга рози бўлди. Теҳрон ҳукумати Франция, Германия, Британия элчихоналарига махсус баённома йўллаб, мамлакатда бойитилган уран ишлаб чиқаришга қаратилган барча фаолият тури тўхтатилганини билдирди. Баённомада ядровий масалада тўлақонли халқаро шартномага эришилгунга қадар Эроннинг ушбу қарори кучда қолиши таъкидланади.
Жаҳон соғлиқни сақлаш ташкилоти сувнинг ифлосланиши ва унинг оқибатида касалликлар тарқалиши олдини олиш борасида янги тавсияларини эълон қилди. Чунки, сув ифлосланиши боис кўплаб касалликлар пайдо бўлмоқда. Ташкилот вакиллари сув сифатини яхшилаш борасида ишлаб чиқилган янги тавсиялар турли юқумли касалликларни тўхтатишига умид қилмоқда
22 сентябр - дунё бўйлаб минглаб шаҳарларда ҳавонинг ифлосланишига қарши автомобиллардан холи кун сифатида нишонланмоқда. Жаҳоннинг минглаб шаҳарларида тадбирлар бўлиб ўтмоқда. Хусусан, Испания, Франция ва Австриядан олинган хабарларга қараганда, айнан шу мамлакатлардаги ҳайдовчиларнинг аксарияти "автомобилдан ҳоли кун" акциясидан кўзланган мақсадни яхши тушуниб, бугун шахсий машиналаридан фойдаланмади.
Шимолий Осетиянинг Беслан шаҳрида уч кунлик қамал чоғида расмий маълумотларга кўра, 335 одам ҳалок бўлган. Улардан 150дан ортиғи ёш болалардир. 500дан ортиқ жабрланганлар касалхонага ётқизилди. Аммо, фожиадан уч кун ўтиб воқеаларнинг кўплаб жиҳатлари ҳали ҳам савол остида қолмоқда. Хусусан, қурбонлар сони аслида қанча? Одамларни гаровга олган қуролли гуруҳ қанча кишидан иборат бўлган ва хоказо ва хоказо саволлар?
Ироқда икки нафар франциялик журналист гаровга олиниши билан боғлиқ воқеадан сўнг Франция Президенти Жак Ширак Россияга ташрифини сешанба кунига кечиктирди. Россия Президенти Владимир Путин, Германия Канцлери Герхард Шрёдер ва Франция президенти Жак Ширкалар ўртасидаги уч томонлама саммит душанба куни Сочида очилиши кутилаётган эди. Француз журналистларини гаровга олган гуруҳ гаровдагилар озод қилиниши эвазига Франция давлат мактабларида муслима қизларга рўмол ўрашга жорий қилинган тақиқ бекор қилиниши талаб этмоқда
Ушбу хафта Европада Хавфсизлик ва Ҳамкорлик Ташкилотининг раиси Соломон Пасси ўз чиқишида ЕХҲТ Марказий Осиё ва Кавказ минтақасига эътиборни кучайтириши кераклигини таъкидлади. Айни пайтда Болгария Ташқи ишлар вазири ҳам бўлган Пасси Европада Хавфсизлик ва Ҳамкорлик Ташкилотининг муҳим анжуманларини кўроқ Марказий Осиёда ўтказиш кераклигини ҳам урғулади. Аммо, айрим минтақашунослар ЕХҲТнинг мазкур минтақда иштирокни кенгайтириши осон бўлмаслигини айтишмоқда.
Покистон расмийлари Ал-Қайда аъзолари деб гумон этилаётган 10дан ошиқ шахс қўлга олинганини ва шу тариқа бу одамлар режалаган террор ҳужумлари олди олинганини маълум қилди. Айтилишича, ҳибсга олинган шахслар Покистоннинг ҳарбий ва ҳукумат рахбарлари, шунингдек Исломободдаги АҚШ элчихонасига қарши худкуш портлашларни уюштирмоқчи бўлган. Покистон Ахборот вазири Шайх Рашид Аҳмад бу ҳақда маълум қилар экан, ҳибсга олишлар мамлакатда террорчиликка қарши олиб борилаётган кенг миқёсли ҳаракатлар доирасида амалга оширилганини билдирди.
АҚШ Президенти Жорж Буш сешанба куни Европа ва Осиёдаги Америка ҳарбий қўшинлари олиб чиқилишини ва уларнинг маълум қисми бошқа минтақаларга жойлаштирилишини эълон қилди. Европа ва Шарқий Осиёдаги бир неча йирик ҳарбий база ёпилиши ва улар ўрнига Шарқий Европа ва Марказий Осиё каби стратегик худудларда кичик базалар ташкил этилишини назарда тутувчи мазкур режа, 2006 йилдан бошлаб босқичма-босқич 10 йил ичида амалга оширилади. Оқ Уй рахбарига кўра, режадан мақсад чет давлатлардаги Америка кучларини "Ал-Қайда" каби гуруҳлар тахдидига тезкор жавоб қайтара оладиган холга келтиришдир. Аммо, бу режа борасида танқидий фикрлар ҳам йўқ эмас.
Мутахассисларнинг маълум қилишларича, Ироқ, Эрон ва Афғонистонга Африкадан келаётган чигирткалар босқини хавф солмоқда. Сўнгги маълумотларга кўра, Африканинг Сахел минтақасида чигирткалар сони мисли кўрилмаган даражада кўп тарқалган ва экинларни пайхон қилишда давом этмоқда. Ушбу зараркунандалар оқимини тўхтатиш эса бесамар бўлмоқда.
1979 йилнинг 11 августида Днепродзержинск шаҳри узра Ту-134 русумли икки учқич бир бири билан тўқнашди. Бунинг оқибатида ҳар икки учқич ичидаги барча йўловчилар ва экипаж аъзолари, шу жумладан, "Пахтакор" футбол жамоасининг 17 нафар ўйинчиси ҳалок бўлган эди. Шу пайтгача ушбу авиаҳалокат ҳақида турли фикрлар, миш-мишлар юрарди. Кимдир "Пахтакор" ўша пайтда кучли жамоа бўлгани учун бу авиаҳалокат атайлаб уюштирлди деган фикрда бўлган. Айрим тахминларга кўра эса, ўша пайтдаги СССР рахбари Леонид Брежнев учқичига йўл очишга ердан буйруқ бўлгандан кейин икки учқич тўқнаш келган. Хўш, аслидачи? Аслида, ҳалокат қандай ва нима сабабдан рўй берган? Авиаҳалокатда айбдор, деб топилган ва қамоқ жазосини ўтаб чиққан авиадиспетчерлардан бири Владимир Сумской яқинда бу борада Россияда Чиқадиган "Комсомольская Правда" газетасига маълумот берди.
Илгари хабар қилганимиздек, ўтган шанба куни Ўзбекистон Президенти Ислом Каримов Тошкентда АҚШ ва Исроил элчихоналари ҳамда Республика Бош Прокуратураси биноси олдида содир этилган ҳужумларга "Ҳизбу Таҳрир" ташкилоти алоқаси борлигини баён қилган эди. Аммо, "Ҳизбут Таҳрир" гуруҳи бу айбловни рад этди.
АҚШ Давлат Департаменти Ўзбекистонга 18 миллион долларлик молиявий ёрдамини тўхтатишга қарор қилди. Ўзбекистоннинг Президент Ислом Каримов бошчилигидаги ҳукумати мамлакатда инсон ҳуқуқлари вазиятини яхшилаш ва демократик ислоҳотларни ўтказишда илгари силжишга эришмагани бунга сабаб қилиб кўрсатилмоқда. Ушбу қарор Конгресс тасдиғидан сўнг кучга киради.
Давомини ўқинг
