Тел: +996 550528 555
Facebook: @elmurod.zhusupaliev
Қарийб икки ойлик музокаралардан кейин Қирғизистон парламентида ниҳоят ҳукмрон коалиция ташкил этилди. Катта қийинчилик билан таркиб топган ҳукмрон коалицияга Социал-демократлар, Республика ва Aта мекен фракциялари кирди.
29 ноябр куни Ўшдаги Мажримтол маҳалласида масжид имоми Фарҳод Нурматов хонадонида ўтказилган тозалаш амалиёти, Бишкекдаги спорт саройи олдида 30 ноябр куни содир этилган портлаш ортидан қирғиз расмийлари “миллий айирмачи” ва “миллатчи шовинистик” деган янги ибораларни қўллай бошладилар.
Бишкек расмийлари 30 ноябр куни Бишкекдаги Спорт саройи олдида содир бўлган портлаш учун маъсулиятни ЎИҲ ва Ислом жиҳоди иттифоқига юклашга уринмоқда. Мазкур саройда 7 апрел воқеаларига бағишланган маҳкаманинг навбатдаги мажлиси бошланиши олдидан рўй берган портлашдан тўрт киши енгил жароҳат олди.
Қирғизистон парламентида коалиция ташкил қилиш муддати 2 декабр куни якунланади. Президент коалиция ташкил қилишни Социал-демократлар партияси фракциясига топширган. Аммо мазкур партия парламентдаги қолган тўрт фракция билан ҳозиргача тил топиша олгани йўқ.
25 ноябр куни шошилинч тиббий ёрдамга муҳтож бўлган ўшлик ўзбек йигитларидан бири Россиянинг Красноярск шаҳридаги шифохонага тиббий амалиёт ўтказилиши учун жўнатилди. Бу йигитга учоқ чиптаси Озодлик радиоси тингловчилари томонидан жўнатилган эҳсон ҳисобига сотиб олинди.
Қирғизистонда Қурмонбек Бакиев ва 7 апрелда норозилик намойишини ўққа тутганликда айбланаётган 28 киши устидан суд жараёни давом этаяпти. Айни пайтда маҳкама пайтида очиқда қолдирилган судланувчилардан бир нечаси мамлакатдан қочиб кетгани айтилмоқда.
Ўш фожеасини ўрганаётган Қирғизистон мустақил комиссияси июн воқеалари юзасидан ҳукумат расмийлари кўрсатмаларини йиға бошлади. Комиссия раиси Абдуғани Эркабоевга кўра, бу Қирғизистон ҳукумати аъзоларининг Ўш фожеасига нақадар алоқадор эканликлари ва уларнинг жавобгарлиги ҳамда масъулиятини аниқлашга хизмат қилади.
Халқаро донорлар кўмагига қарамай, июн воқеалари чоғида Ўш шаҳрида ёндириб юборилган уйларни қайта тиклаш иши ҳали-ҳануз ниҳоясига етгани йўқ. Айни пайтда қиличини яланғочлаб келаётган қиш уйи куйган ўшликларнинг бир ташвишига ўн ташвиш қўшаяпти.
Қирғизистонда собиқ президент Қурмонбек Бакиев ва 2010 йилнинг 7 апрелида норозиларга қарши ўқ отишга буйруқ берган ҳамда ўқ отганликда айбланаётган 27 одамга нисбатан суд жараёни бошланди. Собиқ президент Қурмонбек Бакиев бу жараёнда сиртдан судланмоқда.
Қурбон ҳайити арафасида Қирғизистоннинг Ўш шаҳрида турли ваҳимали миш-мишлар тарқалганига қарамай, аксар ўшликлар бугун ҳайит намозини тинч-осойишта адо этганларини айтмоқдалар. Бироқ, ўшликларга кўра, икки миллат ўртасида ўзаро ишончсизлик ҳали-ҳамон сезилади.
29 октябр куни Ўш қирғинида иштирок этганликда айбланган этник ўзбекларнинг 10 нафарига нисбатан ҳукм ўқилди. Судланувчилар 13 июн куни Наримон қишлоғига борган Қорасув туман милицияси бошлиғи Одилбек Султонов ва унинг ҳайдовчиси Уран Шомурзаевни ваҳшийларча ўлдирганликда айбдор деб топилди.
Қирғизистон президенти Роза Ўтунбаеванинг эътироф этишича, мамлакатда 1 миллион 600 минг одам қашшоқликда яшамоқда. Қирғизистонда деярли ҳафта сайин нарх-наволарнинг кўтарилиб бораётгани қашшоқлар сонини янада кўпайтириши мумкин.
Қирғизистоннинг Жалолобод шаҳрида 13-14 май воқеалари айбдори сифатида қамоққа олинган Санжар Бакиевга нисбатан суд жараёни бошланди. Маълумотларга кўра, президент Бакиевнинг жияни бўлмиш Санжар Бакиев бир қатор оғир жиноятларни содир этганликда айбланмоқда.
Қирғизистон Маданият вазирлиги ва Ўш шаҳар мэрияси расмийлари Ўшдаги Алишер Навоий ҳайкали июн воқеларидан сўнг қаттиқ зарар кўрганидан бехабар эканликларини айтишмоқда. Озодлик радиосининг бу масалага аралашуви билан Навоий ҳайкали ҳукумат маблағига таъмирланадиган бўлиб турибди.
Қирғизистон Статистика қўмитаси маълумотига кўра, июн воқеасидан сўнг Ўшдан бошқа мамлакатларга чиқиб кетганлар сони 1500 киши атрофида. Бироқ Ўш шаҳар кенгаши депутатлари бу рақамни “ўта кулгули”, деб атадилар. Ўшлик депутатларга кўра, шаҳарни тарк этганлар сони ўн мингларни ташкил қилади.
Қирғизистон Марказий сайлов комиссиясига сайлов участкаларидан жўнатилган овоз бериш протоколларининг асл нусхаси ва кўчирма нусхалари ўртасида катта тафовутлар топилмоқда. Бу эса сайловнинг дастлабки натижаларини шубҳа остига қўйиши мумкин.
Ўшдаги собиқ Ўзбек гуманитар-педагогика институти июн воқеаларига қадар Ўш Давлат университети қошидаги ўзбек тили ва адабиёти факултетига айлантирилган эди. Ўш қирғинидан сўнг эса факултет мазкур университетнинг қирғиз тили ва адабиёти факултети қошидаги кафедрага айланди.
Қирғизистонда Ўш ва Жалолобод қирғинини ўрганувчи халқаро комиссия иш бошлади. Бу ҳақда комиссия раиси Киммо Килюнен 18 октябр куни Бишкекда ўтказилган матбуот анжуманида маълум қилди.
Қирғизистондаги парламент сайловида ғолиб бўлган 5 партия раҳбарларидан 4 нафари айни пайтда Москвага сафар қилди. Сайловгача ва сайловдан кейин Москвага серқатнов бўлиб қолган партия раҳбарлари ҳамда уларни қабул қилаётган Кремл расмийлари нималарни муҳокама қилдилар ва қилмоқдалар?
Қирғизистон парламентига бўлган сайловда қонунда белгиланганидай сайловчиларнинг 5 фоизи овозини ололмай, депутатлик ўринларига эриша олмаган “Бутун Қирғизистон” партияси тарафдорлари 14 октябр куни Ўш шаҳри марказий майдонига тўпландилар.
Давомини ўқинг
