Емайл: bobomatovu@rferl.org
Товламачиликда айбланаётган "аёл ўзаро интим алоқалари тасвири яширин туширилган видеоларни ижтимоий тармоқларда эълон қилиш билан бизнесменга таҳдид қилган".
Ҳар бир меҳнат муҳожири муайян вақтдан кейин Россия чегарасига бориб, миграция картасини янгилаб келиши керак. Шу тариқа у Россия ФМС доимий назоратида қолиши айтилади. Москва-Погар-Москва йўналиши бўйлаб мигрантлар изини босиб ўтган Озодлик мухбирлари оддий меҳнат муҳожирлари учун паспортига кирди-чиқди муҳрини урдириш жуда катта машаққатлар билан боғлиқлигига гувоҳ бўлишди.
Москванинг Дмитров туманида 8 қаватдан қулаб тушган икки ўзбекистонлик шахси аниқланди. 25 ва 26 ёшли меҳнат муҳожирларининг иш жойида нобуд бўлгани юзасидан Москва вилояти бўйича Тергов қўмитаси тафтиш олиб бормоқда. Айни пайтда Россияда турли вазиятларда жароҳат олаётган ва нобуд бўлаётган ўзбекистонлик ишчилар сони кўплигига қарамай бу борадаги рақамлар ошкор қилинмаяпти.
Украинадаги Донбасс телевидениеси ўзини Донбасс Халқ республикаси деб эълон қилган гуруҳ махсус хизмати ертуласида бир йил асирликда сақланган Ўзбекистон фуқароси тўғрисида репортаж эълон қилди. Ўзини Қайрат Муҳамедов деб таништирган тутқун шу йилнинг 29 октябрида украин Қуролли Кучлари томонидан бир гуруҳ ДНР жангарисига алиштирилган.
Москвада Федерал хавфсизлик хизмати (ФСБ) биноси эшигига ўт қўйган перформансчи-рассом Пётр Павленский суддан ўз ҳатти-ҳаракатларини “террорчилик” деб баҳолашини талаб қилди. Акцияси “мафкуравий нафрат” эканини тушунтиришга уринган Павленский суд қарори билан бир ойга ҳибсга олинди. Унга қўйилаётган айблов бўйича у 3 йилгача қамоқ жазосига маҳкум этилиши мумкин. Пётр Павленский ўзининг ноанъанавий сиёсий акциялари билан танилган.
Ўзбекистон фуқароси, 21 ёшли меҳнат муҳожирининг терговчиларга айтишича, у ҳужжатлари жойида бўлмагани боис назоратчи-инспектордан шу тариқа қочиб қутулмоқчи бўлган.
Сешанба куни Россияда полиция куни нишонланмоқда. 2011 йилда Россия милицияси ўз номини ўзгартириб, полицияга айланган эди. Шаклан ўзгарган бу идора ўтган йиллар давомида мазмунан ўзгара олдими? Озодлик мухбири бу савол билан Москва кўчаларида меҳмонларга мурожаат қилди.
Россия Федерал миграция хизмати 2016 йилдан бошлаб мамлакатга кириб келаётган ҳар бир муҳожирдан чегарада бармоқ изларини олиш тартибини жорий қилади. ФМС расмийлари мазкур чора Россияга кириши тақиқланганидан кейин паспортидаги исми-шарифини алмаштириб кираётган муҳожирларга қарши кўрилаётганини айтишмоқда.
5 ноябрь куни рус миллатчилари ўтказган юриш¸ кузатувчиларга кўра¸ кейинги йилларда кўрилган энг кам сонли тадбир бўлди. Унда 5000 га яқин одам қатнашиши режалангани ҳолда¸ юришга чиққан миллатчилар сони кўпи билан 600 нафарни ташкил этди. Бу галги юриш қатнашчиларининг Путин ва диктатурага қарши шиорлар ҳам кўтаргани кузатилди.
Россиянинг “Пулково” аэропорти полицияси Ўзбекистонга учаётган меҳнат муҳожирларидан меҳнат дафтарчалари ва рус тилини билиш тўғрисидаги сертификатни талаб қилмоқда. Озодликка бу ҳақда хабар қилган бир гуруҳ ўзбекистонлик полициячилар талаб қилинган ҳужжатларни тақдим эта олмаганларни рублда 5 минггача жаримага тортаётганини гапириб берди.
2 ноябр куни эрталаб Россиянинг Домодедово аэропортида Туркияга чиқиб кетаётган 24 ёшли ўзбекистонлик Раҳматуллоҳ Абдусатторов ҳибсга олинди. Траспорт прокуратураси Москва метросида пайвандчи бўлиб ишлаб келган Раҳматуллоҳ Ўзбекистон ҳуқуқ-тартибот идоралари томонидан халқаро қидирувга берилгани сабабли Россия Чегара хизмати ходимлари томонидан тўхтатилганини айтди. Муҳожирнинг ўзи эса унга қўйилган айбловларни рад этди.
Сурияда бошланиб кетган Путин ҳукуматининг ҳарбий ҳаракатлари мамлакатни “янги Афғонистон” га айлантириши мумкинлиги аҳолини чўчитмоқда. Россияликлар "бу уруш бошқа муаммоларни ҳам келтириб чиқариши мумкин, деб ҳисоблайди", демоқда ижтимоий сўров натижаларини эълон қилган “Левада” маркази социологлари.
28 октябрь тунда Тула вилоятининг Узловая шаҳридаги асосий қавми ўзбек муҳожирлари бўлган намозхона номаълум кимсалар томонидан ёқиб юборилди. Яқин кунларда масжид сифатида қайддан ўтказилиши кутилган ибодатхона имоми бинонинг ичкаридан ёқиб юборилгани ва бунинг тасодифий ёнғин эмаслигини айтмоқда.
Жорий йилнинг 3 октябрида таниқли ҳуқуқ ҳимоячиси ва жамоатчилик фаоли Махсуд Абдужабборов Самарқанд милицияси талаби билан Санкт-Петербургда қўлга олинди. Ўзбекистонлик терговчилар Мақсудни “одам савдоси”да айблаб, халқаро қидирувга бергани маълум бўлди. Маҳбуснинг яқинлари бу айбловларни рад этиб, Абдужабборов ўзининг жамоатчилик фаолияти учун тақибга учраётганини гапиришмоқда. Қарийб бир ойдан буён экстрадиция сўрови остида тергов изоляторида қолаётган ўзбек муҳожири аллақачон сиёсий бошпана сўраб, Россия ҳукуматига мурожаат қилди.
25 октябр куни Россия Федерацияси ва Украина ўртасида авиақатнов тўхтатилди. Шу йилнинг сентябрида Украина ҳукумати рус авиаширкатларига қарши жорий этган санкцияларига жавобан Москва украин учоқларининг Россияга парвозларини чеклаб қўйди. Озодлик мухбири Москва – Киев йўналиши бўйлаб учаётган сўнгги рейслардан бирига чиқиб, икки давлат фуқароларининг муносабатини ўрганди.
Россия пойтахтида нолегал мигрантларга қарши олиб борилаётган махсус амалиётлар давомида бир неча минг киши полиция бўлимларида текширувлардан ўтказилди, юзлаб муҳожир маъмурий ва ҳатто жиноий жавобгарликка тортилди. Норасмий маълумотларга кўра, полиция, ФМС, автомобил назорати ва ФСБ ходимлари иштирокидаги рейдларга Москвада аёлларга нисбатан содир этилган қатор тажовузлар сабаб бўлган.
Квартирада 5 ва 1,5 ёшдаги икки қиз ва 3 ёшли ўғил бола бўлган. Хонада ухлаб ётган болаларни кўрган Бахтиёр уларни “тарбиялашга” ўтади ва ҳаммасини уйқудан турғизиб, “физзарядка” қилдиришга уринади. Девор олдига турғизиб қўйилган болалар айбланувчининг аҳволидан қўрқиб, йиғлашга тушади.
Россиянинг Ленинград вилояти Всеволожск шаҳрида 22 ёшли ўзбекистонлик муҳожир йигитнинг юраги Федерал миграция хизмати ходимлари олиб бораётган текширув пайтида ушлаб қолди. Бу йигитнинг отаси фарзандини зудлик билан шифохонага олиб борди, аммо қутқара олмади: ярим соатдан кейин Дилшод исмли ўзбекистонлик ёш муҳожир врачлар қўлида жон берди.
Москвада “махсус амалиёт” давомида террор ҳужумини уюштиришда гумон қилиниб, ушланганлар “Исломий давлат”нинг Суриядаги лагерида махсус тайёргарликдан ўтгани айтилмоқда. Ушланган 10 киши орасида Россия ва Ўзбекистонда тақиқланган “Ҳизб-ут Таҳрир” партиясининг марказий осиёлик аъзоси борлиги аниқланган. Журналистлар махфий хизматларнинг маълумотлари тезлик билан ўзгараётгани сабабларига қизиқмоқда.
Москванинг Пресненская туманидаги квартирада қўлга олинганларнинг уч нафари суриялик, қолганлари марказий-осиёлик муҳожирлар экани айтилди. Аксилтеррор миллий қўмита ходимлари ҳибсга олинганлар тротил эквивалентида 5 килограммлик бомбани мобил телефон ёрдамида метрополитен, аэропорт ёки одамлар гавжум бошқа жойларда портлатишни режалаштирганини иддао қилмоқда.
Давомини ўқинг
