Емайл: bobomatovu@rferl.org
Россиянинг Брянск вилоят суди келиб чиқиши ўзбекистонлик Украина ватандошини Ўзбекистонга бериб юбориш тўғрисида қарор чиқарди. Озодликка маълум бўлишича, 38 ёшли шаҳрихонлик Абдуманнон Жумабоев жорий йил апрелида Санкт-Петербургда қамоқхонада ётиб чиққан, лекин уни Россия Бош прокуратураси талаби билан шаҳарнинг Фрунзе туман суди озод қилган. Ҳимоячисининг айтишича, Жумабоев Ўзбекистон хавфсизлик хизмати томонидан “диний-экстремистик ташкилотга аъзоликда” гумон қилиниб, қидирувга берилган.
Жорий йилнинг 1 чораги натижаларига кўра, Россиядан Ўзбекистонга жўнатилган пул маблағлари ҳажми ўтган 2016 йилнинг шу даврига нисбатан 50,8 фоизга ошган. Россия Марказий Банки 2017 йилнинг январидан март ойи охиригача Ўзбекистонга 570 миллион АҚШ долларига тенг маблағ жўнатилганини қайд этди.
Россия Йўл ҳаракати хавфсизлиги бошқармаси Ўзбекистонда берилган аксар ҳайдовчилик гувоҳномалари “халқаро Конценция”га тўғри келмаслигини гапирмоқда. Автомобил назорат инспекторлари Ўзбекистонда берилган гувоҳнома эгаларидан 6 ойлик қайта ўқиш курсларини битириш ва маҳаллий ҳайдовчилик ҳужжатини олишни талаб қилмоқда.
Россиядаги “Қийноқларга қарши қўмита” мурожаат қилган бир неча шахс Москва шаҳар суди биносида судланувчиларни қийноққа солиш хонаси мавжудлигини билдирган. Қўмитага тақдим этилган фотосуратда ўзбекистонлик Комрон Усмоновнинг кишанланган икки қўли девордаги халқага осиб қўйилгани тасвирга туширилган.
1 июндан 12 июлгача Россияга кириб келаётган чет эл ватандошлари Москва, Санкт-Петербург, Қозон ва Сочи шаҳарларида бир сутка давомида рўйхатдан ўтиши лозим. Акс ҳолда улар мамлакатдан чиқариб юборилади.
Россия Давлат Думаси чет элдан келиб ишлаётган ҳайдовчиларга Россиядан ташқарида берилган ҳайдовчилик гувоҳномалари билан кейинги йил ёзигача ишлашга рухсат берилишини қўллаб-қувватламади.
Москванинг Мешчанский туман суди қарори билан, террорчилик актини тайёрлашда гумонланаётган яна тўртта муҳожир ҳибсга олинди.Россия пойтахти жамоатчилик транспортида портлаш уюштиришда айбланаётганлар орасида икки нафар ўзбекистонлик ҳам бор. Санкт-Петербургдаги портлаш ортидан ФСБ Россиянинг деярли барча минтақаларида “ИШИДга алоқадор террорчи ва экстремистларни” ҳибсга олаётгани кузатувчиларни шубҳалантирмоқда.
Россия Конституциявий суди хорижлик ва ватандошлиги йўқ шахсларни полициянинг махсус муассасаларида ва депортация лагерларида асоссиз ва чекланмаган муддат ушлаб туришни ғайриқонуний деб топди. Конституциявий Суд Россия қонун чиқарувчиларидан приёмникларда бесабаб узоқ муддат ушлаб турилаётган муҳожирлар масаласида тегишли федерал қонунларга ўзгартиш киритишни талаб қилди.
Миллиардер Алишер Усмонов янги чиқишида россиялик мухолифатчи Алексей Навалний билан баҳс-мунозарага киришмаслиги ва фақат суд орқали гаплашишини билдирди. Бундан олдинроқ Навалний уни юзма-юз баҳсда иштирок этиш ва саволларига жавоб беришни талаб қилган эди.
Қурилишига 10 йилдан кўпроқ вақт ва 900 миллион доллар сарфланган Санкт-Петербургдаги марказий “Зенит-Арена” стадионида мутахассислар аммиак моддасининг рухсат этилганидан 2,5 баробар кўплигини аниқлади. Стадион эгалари бунинг учун дуч келган жойда ҳожат чиқарган меҳнат муҳожирларини айбламоқда.
Замоскворецкий туман суди полиция бўлимида ўлдирилган меҳнат муҳожири ҳаётини 200 минг рублга баҳолади. Бундан 2,5 йил олдин Солнечногорск туман полиция бўлимига зўрлашда айбланиб олиб келинган 39 яшар Фарруҳ Ўрозовнинг 13 қовурғасини синдириб ўлдирган уч полиция ходимини суд 6 ва 7 йиллик қамоққа маҳкум этган эди.
Алишер Усмонов пайшанба куни қилган видеомурожаатида мухолифат етакчиси Алексей Навалнийдан кечирим сўрашни талаб қилди. Асли ўзбекистонлик олигарх Коррупцияга қарши жамғарма (ФБК) асосчиси Навалнийни “жиноятчи”, “бесавод”, “аблаҳ” ва “омадсиз бизнесмен” деб атади.
Москва шаҳар суди Петербургдаги портлашда иштирок этганликда айбланаётган чустлик Шоҳиста Каримованинг шикоятини рад этди ва уни ҳибсда қолдирди. Суд жараёнида ўзбекистонлик муҳожир аёл жиноятга алоқаси йўқлиги ва уни “подставка” қилишганини билдирди.
“Мосгортранс” ташкилоти Россия пойтахтида автобус ҳайдаш учун ўзбекистонлик ҳайдовчилар танлаб олинаётгани ҳақидаги хабарларни рад этди. Ўзбекистон Меҳнат вазирлиги қошидаги Ташқи меҳнат миграцияси масалалари агентлигида ҳам Озодликка бундай маълумот ҳақиқатдан йироқлигини билдиришди.
Хабаровск шаҳар кенгашига уч ҳафта бурун сайланган депутат Евгений Смолькин марҳум ўзбек президенти Ислом Каримовнинг тўнғичи Гулнора Каримова тақдирига ойдинлик киритиш ва уни озод қилишни сўраб Ўзбекистоннинг Россиядаги элчихонасига ëзма мурожаат қилди.
Россиянинг Курган вилоятидаги Европейский посёлкасида уч кишини ўлдирганликда айбланаётган ўзбекистонлик Соҳибжон Мамасолиев устидан суд маҳкамаси бошланди. Суднинг биринчи кунида судланувчи Россияда террористик ташкилот сифатида тақиқланган ИШИД гуруҳига аъзо эканлигини баён қилгани тўғрисида маҳаллий ахборот воситалари хабар берди. Бироқ суд расмийси маҳаллий журналистлардан ўзбек муҳожирининг бу сўзларига урғу бериб ўтирмасликни сўраган.
2017 йилнинг 3 апрелидаги Санкт-Петербург метросидаги портлашни амалга оширганликда гумонланаётган уч нафар муҳожирга “террорчилик акти” ва “портловчи модданинг ноқонуний айирбошлаш” моддалари асосида жиноий айблов эълон қилинди.
Москвада полиция томонидан олиб қўйилган иккита бола ўзбекистонлик онасига қайтариб берилди.30 яшар Нигора М.нинг айтишича, 2 ва 4 яшар фарзанди 3 кундан кейин “Ёрдам” ташкилоти кўмагида болалар учун махсус приёмникдан олиб чиқилган. Полициячилар Озодликка болалар қонун асосида онадан тортиб олинганини гапирмоқда.
Совет аскари формасидаги бу йигит ўзбекнинг қурама уруғидан. Унинг исми Ғулом, фамилияси Норқўзиев. У Ангрен шаҳри биқинидаги қишлоқда туғилиб ўсган. Оҳангарон тоғларида улғайган Ғулом оилада кичик ўғил бўлиб, ўқишга жуда қизиққан. Мактабни тугатгач, Оҳангаронда бухгалтерлар курсини тамомлаган ва маҳаллий колхозлардан бирида ҳисобчи бўлиб ишлаган.
Россия Федерал хавфсизлик хизмати (ФСБ) Тверь вилоятида террорчилик ва ИШИДга алоқадорликда айбланаётган яна бир гуруҳ марказий осиёликни ҳибсга олди.
Давомини ўқинг
