Емайл: bobomatovu@rferl.org
4 июн куни Москва мэри Сергей Собянин истеъфога чиқишини маълум қилди. Шаҳар жамоатчилик палатаси йиғилишида у истефога кетиш сабабларини шаҳар мэри лавозимига кузда бўладиган тўғридан-тўғри сайловларда иштирок этиш нияти билан изоҳлади. Кузатувчилар Собяниннинг бу қадамини сиёсий ўйин ўлароқ баҳоламоқда.
Ўзбекистонлик таниқли рассом¸ файласуф, ёзувчи ва журналист Вячеслав Охунов асари Венеция Биенналесида муаллиф иштирокисиз намойиш этилмоқда. Европага “чиқиш визасини” ололмаган санъаткор Озодлик билан суҳбатда замонавий санъат, сиёсат, жамият, таълим-тарбия ва маънавият тўғрисидаги фикрлари билан ўртоқлашди.
2013 йил 3 июн куни Россия Конституциявий судида Ўзбекистон фуқароси Баҳодир Гадоевнинг иши юзасидан чиқарилган қарор қонунийлиги текширилди. Маҳаллий фуқаро томонидан отиб кетилган ва тасодиф туфайли тирик қолган Баҳодир суднинг қароридан норози экани, адолат истаги уни Россия Конституциявий судигача етаклаб келганини Озодликка гапириб берди.
29 май куни Москвада ўтказилган махсус рейд давомида қўлга олинган юзлаб марказий осиëлик муҳожир¸ этап қилинаëтган хавфли маҳбус каби¸ бир-бирининг елкасига қўли қўйдирилган ҳолда шаҳар кўчалари бўйлаб намойишкорона олиб ўтилди.
Россия, Қозоғистон, Қирғизистон ва Тожикистон президентлари КХШТнинг Бишкекдаги норасмий саммитида хавфсизлик масалаларидан ташқари ягона темир йўл қуриш лойиҳасини ҳам муҳокама қилди. Темир йўл қуриш ташаббуси Қирғизистон раҳбариятидан чиққани айтилмоқда.
Қарийб 2 йилдирки, қирғизистонлик Маратбек Эшонқулов Россияни тарк эта олмаяпти. Озиб кетган ва паспортидаги фотосига ўхшамай қолган бу мардикорни маҳаллий божхона ва полиция ходимлари Россияга қалбаки паспорт билан кирганликда айбламоқда. Қоғозбозлик ва лоқайдлик қурбонига айланган Маратбек келажакда адвокат бўлишга қарор қилганини Озодликка гапириб берди.
Қозоғистонлик ARTGROUP5 ижодкор ёшлар гуруҳи Санкт-Петербургда “Сўз ҳокимлиги” деб номланган инсталляциясини тақдим этди. Унда ижодкорлар тиз чўкиб турган оломон олдида диктатор каби трибунадан нутқ сўзлашни таклиф этди. Перформанс ташкилотчилари раҳбари Rush X бу ғоя орқали дунё жамоатчилигининг Марказий Осиё давлатларида ҳукмрон бўлган авторитар режимларга эътиборини қаратишни мақсад қилганини айтади.
Эстониянинг Нарва шаҳридаги ўзбеклар жамияти ўзининг 10 йиллигини нишонламоқда. Бугунги ҳикоямиз Эстонияда яшаётган асли бекободлик темирчи-уста Александр ҳақида.Асли Бекободдан бўлган 56 ёшли Александр Аниссимов 70 йиллар ўрталарида ҳарбий хизматга чақирилиб, Ленинградга келиб қолгани, бу ерда эса бир эстон гўзалини севиб қолганини гапириб берди.
Миграция оқимини назоратга олиш учун Россия МДҲ давлатлари билан фуқароларни мамлакатга таклифнома асосида киритиш тартибини жорий этиши мумкин.
Россия Федерал монополияга қарши хизмат (ФАС) Ўзбекистонда жойлашган Uzmobile ва Rubicon Wireless алоқа операторларини монополияга қарши қонунчиликни бузган ҳолда бирлашиб, Россиянинг МТС ширкатини маҳаллий бозордан қувиб чиқарганликда айблади. Хизмат расмийлари Россия Ўзбекистон алоқа операторлари айби исботланса, халқаро монополияга қарши келишувлар асосида бу ширкатларни жавобгарликка тортишни режалаштирилаётганини гапирмоқда.
Санкт-Петербургдаги Москва туман суди биносида 20 май куни бўлган маҳкама чоғида 5 қаватдан сакраган ўзбекистонлик меҳнат муҳожири ҳодиса жойида нобуд бўлди. Терговчилар у Россиядан Ўзбекистонга депортация қилиниши тўғрисида суд қарорини эшитгач, ўз жонига қасд қилганини айтмоқда.
Москва шаҳар Маданият департаменти “Москва музейлари мигрантлар учун” дастури поёнига етганини маълум қилди. Шаҳар меҳмонлари фақат Москва ҳокимлиги пул тўласагина, музейларга боришини билдиргани айтилмоқда.
Эстониянинг Нарва шаҳридаги ўзбеклар жамияти ўзининг 10 йиллигини нишонламоқда. Нарва шаҳридаги “Сўғдиёна” Ўзбеклар жамияти асосчиси ва раҳбари Ирина Фармонова-Кравцова ҳақида ҳикоя қилмоқчимиз.
Россиянинг Ставропол шаҳрида ўз юртдошини пичоқлаган Ўзбекистон фуқароси устидан бошланган тергов жараëни якунига етди. Ҳодисага овқатнинг ювуқсиз қозонда пиширилгани устида бошланган жанжал сабаб бўлгани айтилмоқда.
13 май куни Қозон яқинидаги “Новая тура” бозорида чиққан ёнғиндан жабр кўрганлар орасида ўзбек тадбиркорлари ҳам бор. Татаристон ҳукумати ëнғиндан зарар кўрганларга молиявий ëрдам беришни ваъда қилган бўлса-да¸ бу ваъданинг ўзбек савдогарларига қанчалик асқотиши мавҳумлигича қолмоқда.
14 май куни Свердловск вилоятининг Юқори Пишма шаҳарчасидаги савдо дўкони музлатгичидан иккита чақалоқ мурдаси топилди. Россия матбуотида гўдакларни шу дўкон омборхонасида ишлаган муҳожир аёллардан бири туғиб¸ ўлдиргани ҳақида тахминлар тарқамоқда.
12 май куни Москванинг Чехов туманида бўлган отишма ва оммавий муштлашув натижасида Ўзбекистоннинг 6 фуқароси жароҳатланди. Полиция маҳаллийлар ва ўзбек ишчилари ўртасидаги жанжал футбол майдонида содир бўлганини айтмоқда.
9 куни Воронежда "Ватан" жамиятининг 35 йиллиги ва фашизм устидан қозонилган ғалабанинг 68 йиллигини нишонлаётган Ўзбеклар жамияти тадбири маҳаллий полиция ходимлари томонидан тарқатиб юборилди. Полицияни тадбирда Федерал миграция хизматининг маҳаллий бўлими ходимлари, ҳокимият ва жамоатчилик вакиллари, уруш фахрийлари иштирок этаётгани ҳам тўхтата олмади.
Ўзбекистон Москвадаги Бутунроссия кўргазма маркази (ВВЦ) ҳудудида ўзига ажратилган павильондан воз кечди. “Известия” нашри хабарига кўра, Россия президенти Владимир Путин бу савдо мажмуасини 50 йилга йилига рамзий 1 рублга ижарага беришни таклиф этган.
Москва, Бишкек ва Грознийда Бостондаги портлашларда айбланаётган ака-ука Царнаевлар ҳимоясига варақалар пайдо бўлди. Бу варақаларга алоқаси йўқлигини айтаётган Царнаевлар оиласи аъзолари 11 май куни Германияда террорчиликда айбланаётган ака-укалар ҳимоясига митинг уюштирилишини айтмоқда.
Давомини ўқинг
