тел: +420 2 2112 2397 Skype: assadrskype
Email: sadriddin61@gmail.com Facebook: Sadriddin Ashurov
28 март куни ўзбек адабиётининг забардаст шоири Рауф Парфининг вафот этганига 9 йил бўлди. Туркистон бирлигини орзу қилган шоирни бугун эслар эканмиз, унинг туркий қардошлари қрим татарлари ҳақида бундан эллик йил йил олдин ёзган шеърларини ва бу ҳақдаги хотираларини ёдга оламиз.
Сурхондарёдан Қашқадарё вилоятига ўтадиган “Дарбанд” назорат- ўтказув постида Тошкентга кетаётган 18 ёшга тўлмаган ёшлар ушлаб қолиниб, ортга қайтариляпти. Расмийлар ёшларнинг коллежлардаги давоматини таъминлаш ва ёшларнинг Тошкент орқали мардикорликка кетмаслиги учун шундай чора қўлланилаётганини айтишди.
Қарийб бир йил давом этган оғир касалликдан сўнг Озодликнинг Хўжанддаги собиқ мухбири Алишер Аҳмедов 18 март куни 59 ёшида вафот этди. Алишер Аҳмедов ўн йил Озодликнинг Сўғд вилояти бўйича мухбири бўлиб ишлади. У Тожикистондаги ижтимоий-сиёсий воқеаларни, маҳаллий ўзбекларнинг ҳаётини, муаммоларини малакали журналист сифатида ёритиб келган эди.
Озодликка ҳарбий хизматга қўйилмаган ўзбекистонлик йигитдан келган бу хабарни Мудофаа вазирлигининг Қашқадарë вилояти бошқармаси расмийси тасдиқлади. Расмийга кўра¸ хориждан қайтган ёшлар бир йил мамлакат ичкарисида муқим яшаб¸ махсус текширувдан ўтгач ҳарбий хизматга чақирилиши мумкин.
Қорақалпоғистоннинг Хўжайли туманидаги Тўкеш овулида қурилган намунавий уйлар сифати жуда пастлигидан Озодликка шикоят келиб тушди. Бу уйлар қурилишида ишлаган сувоқчининг айтишича, қурилиш материаллари ўғирлангани сифатсизликнинг асосий сабабидир. Хўжайли тумани ҳокимлиги бош мутахассиси Таксибой Наримбоев бу маълумотни қисман тасдиқлади ва янги уйлар комиссия томонидан қабул қилинмаганини айтди.
Ўзбекистонлик таниқли имом Обидхон қори Назаровга қарши суиқасд уюштирилганининг икки йиллиги муносабати билан Швецияда яшайдиган бир гуруҳ муҳожир ўзбеклар 21 февраль куни мамлакат парламенти биноси қаршисида пикет уюштирди. Пикет қатнашчилари Швеция ҳукуматидан Обидхон қори қотилларини топиб, жиноий жавобгарликка тортишни тезлаштиришни талаб қилдилар.
Наманган туманидаги “Эзгу ният сари” автомобилларга газ қуйиш шохобчасида Нексия автомобилига ўрнатилган газ баллони портлаши оқибатида шохобча хизматчиси тан жароҳати олиб, касалхонага ётқизилган. Бу ҳақда Озодликнинг Намангандаги манбаси хабар берди.
Бундан бир ҳафта олдин Тошкент-Самарқанд автомагистралини қордан тозалашга жалб этилган чинозлик ўқитувчиларга янги жамоатчилик топшириғи юклатилди. Чиноз тумани ҳокими буйруғи билан мактаб ва коллеж ўқитувчилари дарахт ўтқазишга сафарбар этилди.
Тошкент шаҳар ҳокимияти халқ депутатлари Кенгашининг қарори билан ўтган ойда шахс исмлари билан аталган юздан ортиқ маҳалла ва кўча номлари ўзгартирилди. 19 февраль, чоршанба куни Тошкент вақти билан соат 21.05 да ўтказилган BahsOnline жонли мулоқотида кўчаларга шахслар исми берилишга тарафдор ва қаршиларни мунозарага таклиф этдик.
Самарқанд вилоятининг Пастдарғом туманидаги Қултон қишлоғида истиқомат қилувчи Омонқуловлар оиласи газ баллонидан сизиб чиққан газнинг портлаши оқибатида содир бўлган ёнғиндан ҳалок бўлди. 58 ёшли оила бошлиғи, унинг ўғли, келини ва икки ёш невараси таниб бўлмас даражада куйганлиги айтилади.
Бухородаги Хўжа Исмат жоме масжиди имом хатибининг 23 яшар ўғли Суҳробжон Гадоев 8 февраль куни ис газидан бўғилиб ўлди. Воқеа гувоҳларининг айтишича, масжидда тунаб қолган Суҳробжон қўлбола печкадан чиққан ис газидан заҳарланган. У билан бирга бир хонада тунаган яна икки нафар мадраса талабаси ҳаёти сақлаб қолинган.
Тошкент вилояти Чиноз туманидаги коллеж ва мактаб ўқитувчилари 13 февраль куни оммавий қор курашга сафарбар этилди. Ўқитувчиларнинг Озодликка айтишларича, бундай мажбурий ҳашар вилоят ҳокими келиши кутилган Тошкент-Самарқанд автомагистралида уюштирилган.
Айни қаҳратонда Шаҳрисабз ҳокимлиги шаҳарни ободонлаштириш мақсадида кўчаларни кенгайтиришни бошлаб юборди. Йўл четидаги аҳоли яшайдиган уйлар ва тадбиркорлик объектларига ҳаво ҳарорати кечалари -5 бўлиб турган шу кунларда бульдозер солинмоқда. Бошпанасиз қолган одамларга қариндошлариникида яшаб туриш тавсия қилинмоқда.
Жиззах вилоятининг Зафаробод шаҳарчасида уйда қаровсиз қолдирилган икки ёш бола электр печкадан чиққан ёнғин қурбони бўлди. Воқеа гувоҳларининг айтишларича, болалар ёнғиндан чиққан тутундан димиқиб ўлган. Зафарободдаги Самарқанд маҳалла фуқаролар йиғинига қарашли Самарқанд кўчасида яшаган уч яшар Шоҳжаҳон Ҳайдаров ва уч яшар Нилуфар Муҳаммадиева 25 январь куни тутун ҳидидан димиқиб ҳалок бўлган.
Қашқадарё вилояти, Жиноят ишлар бўйича Яккабоғ туман суди шу туманлик инсон ҳуқуқлари фаоли Жамолиддин Ортиқов ва унинг укасини туман прокурори устидан арз қилгани учун жаримага тортди. Ака-укалар ўтган йилнинг сентябрида жиянини пахтадан олиб қолгани учун уларнинг “Нексия” автомобилини туман прокурори тортиб олган, прокурорнинг бу ҳаракатини ғайриқонуний, деб билган ортиқовлар Ўзбекистон Бош прокуратурасига арз қилган эди.
Андижон шаҳрининг Қўшариқ даҳасидаги кўп қаватли уйда яшаган оила якшанбага ўтар кечаси кўмир исидан заҳарланиб ўлди. Бу ҳақда хабар берган Озодлик манбасига кўра, она, қизи, келини ва икки невараси печкага ёқилган кўмир исидан уйқу ичида заҳарланган. Оиланинг эркаклари эса Россияга ишлагани кетган.
Озодликка мактуб йўллаган Қўқон Давлат педагогика институти Табииёт ва география факультетининг талабаларига кўра, дарсларда умуман қатнашмаган талабалар пора бериб сессияни ёпмоқда, факультет декани эса дарсни қолдирган талабалардан пул талаб қиляпти. Факультет деканининг ўзи Озодлик билан суҳбатда талабалар иддаоларини инкор қилди.
Самарқанд вилояти Жомбой туман ҳокимлиги газ босимини кўтариш иддаоси билан ҳар бир хонадонга 152 минг сўмдан солиқ солди. Озодлик билан суҳбатда ҳокимият расмийси бу ялпи ўлпон аҳолидан газ учун қарзни ундириш мақсадида солинганини билдирди. Оддий жомбойликлар эса¸ ҳокимлик қанотида ўғирланган газ пуллари қиш совуғида газсиз ўтирган аҳолига сочилганини таъкидламоқда.
Ўзбекистоннинг қатор шаҳар ва туман деҳқон бозорларида қишлоқ хўжалиги маҳсулотларини, гарчи ўраб қўйилган бўлсада, совуқ урди. Сотувчилар Қарши деҳқон бозорида музлаб қолган тарвузларни, Косонсойда эса картошкаларни ахлатга ташлашга мажбур бўлдилар. Тўртинчи февралга келиб мамлакатда ҳаво ҳарорати бироз кўтарилди. Лекин, аксар вилоятларда мактаб, боғча, коллеж ва лицейлар ёпиқлигича қолмоқда.
Тошкент шаҳар ҳокимияти халқ депутатлари Кенгашининг қарорига биноан шахс исмлари билан аталган маҳалла ва кўча номлари ўзгартирилди. Айрим маҳалла фаоллари элга танилган ва халққа хизмати сингган шахсларнинг номи шаҳар кўчаларидан олиб ташланганига норозилик билдираяпти.
Давомини ўқинг
