тел: +420 2 2112 2397 Skype: assadrskype
Email: sadriddin61@gmail.com Facebook: Sadriddin Ashurov
Andijon shahar hokimi 43 yashar Dilmurod Rahmatullayevning kollej o‘qituvchilarini “shakal”, “tvar”, “hayvon”, “eshshak” deb haqorat qilingani haqidagi Ozodlik xabari ortidan hokimning o‘ziga xos so‘kinishlari yozilgan yana bir audiofayl radio tahririyatiga kelib tushdi. 18 noyabr kuni o‘tkazilgan majlisda hokim mahalla raislari o‘rniga majlisga kelgan ikki ayolni “shakal, kampir, harom” kabi so‘zlar bilan haqorat qilgan.
Андижон шаҳар ҳокими 43 яшар Дилмурод Раҳматуллаевнинг коллеж ўқитувчиларини “шакал”, “тварь”, “ҳайвон”, “эшшак” деб ҳақорат қилингани ҳақидаги Озодлик хабари ортидан ҳокимнинг ўзига хос сўкинишлари ёзилган яна бир аудиофайл радио таҳририятига келиб тушди. 18 ноябрь куни ўтказилган мажлисда ҳоким маҳалла раислари ўрнига мажлисга келган икки аёлни “шакал, кампир, ҳаром” каби сўзлар билан ҳақорат қилган.
Afg‘onistondagi Juzjon viloyatining Shibirg‘on shahrida IShIDning o‘zbekistonlik qo‘mondoni Sherzod Anvarov qo‘lga olindi. Bu xabarni tasdiqlagan Juzjon viloyati rasmiysiga ko‘ra, Sherzod Anvarov o‘zbekistonlik 36 nafar jangariga rahbarlik qilgan.
Афғонистондаги Жузжон вилоятининг Шибирғон шаҳрида ИШИДнинг ўзбекистонлик қўмондони Шерзод Анваров қўлга олинди. Бу хабарни тасдиқлаган Жузжон вилояти расмийсига кўра, Шерзод Анваров ўзбекистонлик 36 нафар жангарига раҳбарлик қилган.
Qarshi shahridagi Zaxokomoron mahallasining Depo ko‘chasida yashaydigan 50 yashar Lola To‘xtamurodova butun oilasi ishsiz ekanligi va "gazdan bo‘rttirib qarzdor qilingani" oqibatida og‘ir kunlarga qolganligi haqida OzodMikrofonga shikoyat qildi.
Қарши шаҳридаги Захокоморон маҳалласининг Депо кўчасида яшайдиган 50 яшар Лола Тўхтамуродова бутун оиласи ишсиз эканлиги ва "газдан бўрттириб қарздор қилингани" оқибатида оғир кунларга қолганлиги ҳақида OzodMikrofonга шикоят қилди.
Samarqand shahridan OzodMikrofonga qo‘ng‘iroq qilgan tadbirkor Dilfuza Sattorovaning arz qilishicha, u barcha hujjatlarni rasmiylashtirganiga qaramasdan besh oydan buyon Hamkorbankdan kredit ololmagani uchun, jahl ustida ularni “poraxo‘r” degan va... shundan so‘ng uning o‘g‘li ustidan jinoyat ishi ochilgan.
Самарқанд шаҳридан OzodMikrofonга қўнғироқ қилган тадбиркор Дилфуза Сатторованинг арз қилишича, у барча ҳужжатларни расмийлаштирганига қарамасдан беш ойдан буён Hamkorbankдан кредит ололмагани учун, жаҳл устида уларни “порахўр” деган ва... шундан сўнг унинг ўғли устидан жиноят иши очилган.
Xorazm viloyati Urganch shahridan qo‘ng‘iroq ilgan yolg‘iz ona Sayyora Navro‘zova prokuratura xodimlarining aholi shikoyatlariga befarqligi yuzasidan OzodMikrofonga arz qildi. Sayyoraning aytishicha, gaz idorasi xodimlari uni gazdan asossiz ravishda qarzdor qilgan va gaz quvurini kesib tashlagan. Nogiron farzandi bilan sovuq uyda qolgan Navro‘zova prokuratura xodimlari uning shikoyatini adolatli hal qilmayotganidan arz qildi.
Surxondaryo viloyati Termiz shahridagi aksariyat umumiy ovqatlanish shoxobchalarining gaz quvurlari tarmoqdan uzib tashlandi. Bu haqda Ozodlikka shikoyat qilgan tadbirkorlarning aytishicha, gaz idorasi mulozimlari bahorgacha gaz bo‘lmasligi haqida ogohlantirgan. Rasmiylar bunga Vazirlar Mahkamasi qarorini ro‘kach qilmoqda.
Хоразм вилояти Урганч шаҳридан қўнғироқ илган ёлғиз она Сайёра Наврўзова прокуратура ходимларининг аҳоли шикоятларига бефарқлиги юзасидан OzodMikrofonга арз қилди. Сайёранинг айтишича, газ идораси ходимлари уни газдан асоссиз равишда қарздор қилган ва газ қувурини кесиб ташлаган. Ногирон фарзанди билан совуқ уйда қолган Наврўзова прокуратура ходимлари унинг шикоятини адолатли ҳал қилмаётганидан арз қилди.
Сурхондарё вилояти Термиз шаҳридаги аксарият умумий овқатланиш шохобчаларининг газ қувурлари тармоқдан узиб ташланди. Бу ҳақда Озодликка шикоят қилган тадбиркорларнинг айтишича, газ идораси мулозимлари баҳоргача газ бўлмаслиги ҳақида огоҳлантирган. Расмийлар бунга Вазирлар Маҳкамаси қарорини рўкач қилмоқда.
Andijon shahar hokimi Dilmurod Rahmatullaevning taxminan bir oy avval kollej va akademik litsey direktorlarini tahqirlab, haqorat qilgani yozib olingan audiofaylni Ozodlik qo‘lga kiritdi. Auidoyozuvda Andijondan Toshkent viloyatiga poezdda paxta terimiga kam odam jo‘natgan kollejlar va litseylarning erkaku ayol direktorlarini hokim “hayvon”, “shakal”, “eshak”, “padaringga la’nat” kabi tahqirlovchi so‘zlar bilan haqorat qiladi.
Андижон шаҳар ҳокими Дилмурод Раҳматуллаевнинг тахминан бир ой аввал коллеж ва академик лицей директорларини таҳқирлаб, ҳақорат қилгани ёзиб олинган аудиофайлни Озодлик қўлга киритди. Ауидоёзувда Андижондан Тошкент вилоятига поездда пахта теримига кам одам жўнатган коллежлар ва лицейларнинг эркаку аёл директорларини ҳоким “ҳайвон”, “шакал”, “эшак”, “падарингга лаънат” каби таҳқирловчи сўзлар билан ҳақорат қилади.
Toshkent shahrining Olmazor tumanida yashaydigan ota-onaning 7,6,4 yashar qizlari zaharlanishdan vafot qildi. Qizchalar yaqinlarining aytishlaricha, qiyma kabob yeganidan so‘ng qorni og‘rigan bolalarga otasi aptekadan dori olib bergan va qizchalar shu doridan zaharlangan. Kabob pishiradigan kabobxona va ularga dori sotib olingan apteka muhrlangan va tekshiruv ishlari olib borilyapti. Shahar prokuraturasi bu voqea yuzasidan jinoyat ishi ochgan.
Тошкент шаҳрининг Олмазор туманида яшайдиган ота-онанинг 7,6,4 яшар қизлари заҳарланишдан вафот қилди. Қизчалар яқинларининг айтишларича, қийма кабоб еганидан сўнг қорни оғриган болаларга отаси аптекадан дори олиб берган ва қизчалар шу доридан заҳарланган. Кабоб пиширадиган кабобхона ва уларга дори сотиб олинган аптека муҳрланган ва текширув ишлари олиб бориляпти. Шаҳар прокуратураси бу воқеа юзасидан жиноят иши очган.
Surxondaryo viloyat, Qiziriq tuman hokimi markazdagi ikki qavatli uylar tomini shifer bilan yopish harajatini mahalliy tadbirkorlar zimmasiga yukladi. Bu haqda Ozodlikka arz qilgan tadbirkorlarning aytishicha, hokimning bu topshirig‘ini tuman soliq inspeksiyasi boshlig‘i majlisda ularga e’lon qilgan. Ishlab chiqarish yoki savdo aylanmasi ko‘lamiga qarab, ularga 500 ming so‘mdan 5 million so‘mgacha “o‘lpon” solingani aytilmoqda.
Сурхондарё вилоят, Қизириқ туман ҳокими марказдаги икки қаватли уйлар томини шифер билан ёпиш ҳаражатини маҳаллий тадбиркорлар зиммасига юклади. Бу ҳақда Озодликка арз қилган тадбиркорларнинг айтишича, ҳокимнинг бу топшириғини туман солиқ инспекцияси бошлиғи мажлисда уларга эълон қилган. Ишлаб чиқариш ёки савдо айланмаси кўламига қараб, уларга 500 минг сўмдан 5 миллион сўмгача “ўлпон” солингани айтилмоқда.
Parkent tumani hokimi Ne’matulla Abdullaev paxta masalasida 1 noyabr kuni o‘tkazgan yig‘ilishda terimga kam odam chiqargan rahbarlarni haqorat qilgani yozilgan 45 minutlik audiofayl Ozodlik tahririyatiga kelib tushdi. Hokim tashkilot va korxonalar rahbarlari, mahalla oqsoqollarini ayamay so‘kar ekan, 45 minut davomida 126 marta uyatli so‘z qo‘llagan. Ne’matulla Abdullaev Ozodlikka shunday yig‘ilish o‘tkazganini tasdiqlar ekan, mahalliy rahbarlarni so‘kmagani, faqat koyiganini aytdi.
Паркент тумани ҳокими Неъматулла Абдуллаев пахта масаласида 1 ноябрь куни ўтказган йиғилишда теримга кам одам чиқарган раҳбарларни ҳақорат қилгани ёзилган 45 минутлик аудиофайл Озодлик таҳририятига келиб тушди. Ҳоким ташкилот ва корхоналар раҳбарлари, маҳалла оқсоқолларини аямай сўкар экан, 45 минут давомида 126 марта уятли сўз қўллаган. Неъматулла Абдуллаев Озодликка шундай йиғилиш ўтказганини тасдиқлар экан, маҳаллий раҳбарларни сўкмагани, фақат койиганини айтди.
Давомини ўқинг
