тел: +420 2 2112 2397 Skype: assadrskype
Email: sadriddin61@gmail.com Facebook: Sadriddin Ashurov
Навоий вилоятидаги Конимех туманининг шифокору ҳамширалари енг шимариб металлолом йиғишга киришди. Бу ҳақда Озодликка хабар берган шифокорларнинг айтишларича, 60 килограмм металлолом топширмаган одам ўз чўнтагидан 25 минг сўм тўлашга мажбурланмоқда.
Ўзбекистонда қишнинг қаттиқ келиши қишлоқ мактаблари ўқитувчи ва ўқувчиларини танг аҳволда қолдирди. Газ таъминотидан батамом узилган мактаблар ўқувчилари совуқдан азоб чекмоқда. Баъзи туманларда, синфхоналарни иситиш учун ўқувчилар навбат билан ўтин олиб келишга мажбур бўлмоқда.
Ўтган йил 15 ноябрда ҳибсга олинган Жиззах вилояти Зомин туман собиқ ҳокими Ўскан Азимовнинг 8-синфда ўқийдиган қизи Зиёда 5 январь куни ўз жонига қасд қилди. Расман тасдиқланмаган маълумотга кўра, отаси қамалгани боис мактабда бўлган таъна ва дашномлар Зиёданинг ўзини осишига сабаб бўлган.
“GM-Ўзбекистон” қўшма корхонаси учун автомобил ўриндиқлари ишлаб чиқарадиган Андижон шаҳридаги “Ўз-Тонг Хонг Ко” қўшма корхонаси омборида 4 январдан 5 январга ўтар кечаси ёнғин рўй берган. Қўшма корхонада ишлайдиган Озодлик манбасига кўра, ярим соат ичида битта омбор ва шийпон тагида турган маҳсулотлар куйиб кул бўлган.
Oзодликнинг чоршанба, 8 январь, Тошкент вақти билан соат 21.05 да OzodSkype ва OzodSkype2 манзилларида бўлиб ўтган BahsOnline дастурида бу борада турли қарашларда бўлган тингловчилар орасида мунозара борди.
Беш йилга озодликдан маҳрум этилган Жиззах вилоятининг Ғаллаорол туманида яшовчи 75 яшар фаол Набижон Жўрабоев янги йил арафасида, 29 декабрь куни озодликка чиқди. Орадан уч кун ўтиб эса Жиззах вилояти ички ишлар бошқармасидан унинг хотини Феруза Маматова устидан жиноят иши қўзғатилгани ҳақида хабар келди.
Ўтган жума куни кечқурун Қашқадарё вилоятининг Қарши шаҳрида истиқомат қилувчи Хуршида Жамолованинг ўнлаб танишлари “Билайн” мобил алоқа компанияси ўтказган акцияда “Chevrolet Spark” автомобили ютганлиги билан уни табриклади. Бироқ, “Билайн”нинг Қарши офисига борган Хуршида Жамоловага ютуқнинг эгаси бошқа киши эканлигини айтишмоқда.
Ўзбекистон Президентининг тўнғич қизи Гулнора Каримовага тегишли эканлиги айтиладиган Швейцариянинг Женева кантони, 1223 ch Chemin de la Prévôté 7 кўчасидаги виллага 27 декабр куни кечаси соат 11да "PROTECTAS" қоровуллик ташкилоти ходимлари кириб олди.
Ўзбекистон Президентининг металлолом жамғариш ҳақидаги фармойишини бажариш масъулияти яна мактаб-коллежлар ўқувчилари зиммасига тушмоқда. Мактаб ва коллежлар раҳбарияти йиғиб беролмаган металлолом учун нақд пул тўлашга мажбур этиляпти.
Ўзбекистонда 2014 йилда беш тоифадаги жисмоний шахслар учун имтиёзлар бекор қилинади. Жумладан Иккинчи жаҳон урушида Ленинград қамали пайтида ишлаган шахслар, касбий фаолияти давомида ногирон бўлган ички ишлар ходимлари, Афғонистон уруши қатнашчилари, ўн нафардан кўп бола туққан аёллар, Чернобиль АЭСи фалокатини бартараф этишда иштирок этган жисмоний шахслар солиқ имтиёзидан маҳрум этилади.
Тошкент шаҳaр Олмазор тумани ҳокими Обид Зайниддинов чоршанба куни эрталаб Миллий хавфсизлик хизмати ходимлари томонидан ҳибсга олинди. Норасмий маълумотларга кўра, ҳоким молиявий жиноятларда айбланмоқда.
Қорақалпоғистоннинг Қўнғирот сода заводида ишлайдиган ёш мутахассислар иш ҳақининг жуда озлиги боис ишдан кетмоқчи бўлаётгани, бироқ корхона раҳбарияти уларнинг беш йил ишлаб бериш шарт эканлигини рўкач қилиб мутахассисларни вагон юклашга ҳам жалб қилаётганидан шикоят қилди. Завод маъмурияти ёш мутахассисларга нисбатан ҳеч қандай қонунбузарлик бўлмаётганини иддао қилмоқда.
Тошкентда бундан қарийб бир ой олдин ёпилган жаҳоннинг таниқли ширкатлари маҳсулоти билан савдо қилган “New Millennium”, “GEOX”, “S.Oliver”, “Antony Morato”¸ “Mango”, "Levi's", “Benetton” ва бошқа дўконлар қайта очилмоқда. Ўзбекистон Президенти Ислом Каримовнинг тўнғич қизи Гулнора Каримовага алоқадор экани айтилаётган бу дўконлар эшикларини 14 ноябрь куни Ўзбекистон Божхона қўмитаси қошидаги Контрабандага қарши кураш бошқармаси ва МХХ терговчилари муҳрлаб кетган эди.
Ободонлаштириш дастури доирасида бузилган беш хонали уйи эвазига қиймати тенг уй ололмаётган Уббаниёзовлар оиласи Нукус шаҳрида очлик эълон қилди. Олти ойдан ойдан чодирда яшаётган беш кишидан иборат оила Нукус шаҳар ҳокимлиги таклиф қилган товон пулига бузилган уйнинг ўрнини босадиган уй сотиб олиш мумкин эмаслигидан шикоят қилмоқда.
Жиззах вилоятидаги Дўстлик дон маҳсулотлари очиқ акциядорлик жамияти ишчиларининг беш ойдан буён маошсиз ишлаётгани ҳақидаги Озодлик хабаридан сўнг барча ишчилар маош билан таъминланди.
Одам савдосида айбланиб тўрт йилга озодликдан маҳрум қилинган “Эзгулик” инсон ҳуқуқлари жамиятининг Бухоро вилояти бўлими раиси, 60 яшар фермер Бобомурод Раззоқовга нисбатан қамоқда ҳам тазйиқ давом этмоқда. Раззоқов яқинларининг айтишларича, Бухоро вилояти ички ишлар бошқармаси ходимлари ғайриқонуний тарзда қамоқхонага кириб, маҳкумдан шикоят қилишни тўхтатишни талаб қилган.
Қорақалпоғистоннинг Тўрткўл тумани марказида 30 ноябрь куни 400 нафарга яқин аёл газ берилмаётганига норозилик билдириб, автомобил йўлини тўсиб қўйди. Тўрткўлдаги Озодлик манбасига кўра, бир кун аввал 30га яқин аёл туман ҳокимиятига бориб газ беришни талаб қилган. Бироқ ҳоким улар билан учрашишдан қочиб кетганидан сўнг эртаси куни улар машина баллонларини ёқиб автомобил йўлини тўсган. Маълум бўлишича, аёллар норозилигидан кейин Тўрткўл шаҳарида газ узлуксиз берилмоқда.
Қашқадарё вилоятининг аксар туманларида кўмир икки бараварга қимматлади. Қиш кириши билан кўмирнинг бир килограмми минг сўмга чиқди. Учта боғи бир тандирни аранг оқартирадиган ғўзапоянинг бир боғи эса бир ярим минг сўмга чиқиб кетди. Одамлар қиш совуғи тушар-тушмас мевали ва манзарали дарахтларни кесишга мажбур бўлмоқда.
Ўзбекистонда шу кунларда давом этаётган фуқаролар йиғини раиси (оқсоқоли) ва унинг маслаҳатчилари сайлови навбатдаги BahsOnline мавзусини танлашимизга туртки бўлди.
Наманган вилоятининг Чортоқ туманида шанбадан якшанбага ўтар кечаси 41 яшар Аваз Аминов бирданига уч кишини пичоқлади. Жароҳат олганлардан бири касалхонада жон берди. Озодлик манбалари операция пайтида касалхонада чироқ ўчгани ва шифокорлар "движок"ни улашга мажбур бўлганини хабар қилди.
Давомини ўқинг
