тел: +420 2 2112 3437 моб:+420 608 549 460
Twitter:@BarnoAnvar Facebook: Barno Anvar
Қирғизистон парламенти – Жўғўруқу Кенешга беш партия қабул қилинди. Қирғизистон Марказий Сайлов комиссияси дастлабки натижаларни деярли ўзгаришсиз қолдирди ва парламентга кириш учун белгиланган 5 фоизлик тўсиқдан аввал эълон қилинган 5 партия ўтганини маълум қилди.
Тошкент шаҳар суди россиялик журналист, “Vesti.uz” нашри муҳаррири Владимир Березовский устидан Яккасарой туман суди чиқарган "бошқа шахс"ни ҳақорат қилиш ва уни туҳмат қилиш, деган айбловни кучда қолдирди. Бундан норози Россия фуқароси энди Олий судга мурожаат қилиш ниятида.
Transparency International ташкилотининг жаҳондаги коррупцияга оид 2010 йилги ҳисоботида Ўзбекистон 178 давлат ичида энг коррупциялашган бешликка киритилди. Ҳар йилгидек коррупция ботқоғига ботган дея таърифланган Ўзбекистон билан бирга кўплаб мусулмон давлатларига ҳам ана шундай тасниф берилди.
"Эркин микрофон"нинг бугунги қаҳрамонлари ҳам ўзлар дуч келган муаммо ва ноҳақликлардан сўзлади. Милиция ходими фирибгарлик йўли билан 4000 минг доллар пулини олиб қўйганини айтаётган аёл, қариган чоғида фирибгар аёлнинг тузоғига тушганидан ҳикоя қилган онахон улар орасида.
Бишкекда парламент биноси ёнига йиғилган "Ата-Журт" партияси юзлаб тарафдори 10 октябр куни бўлиб ўтган парламент сайловида ғолиб чиққан партия етакчиси Қамчибек Ташиевга уюштирилган суиқасдга алоқадорликда айблаб, хавфсизлик хизмати раҳбари Кенешбек Душебаев истеъфосини талаб қилмоқда.
Бугунги ўзбек мусулмонлари ўзаро мулоқотда кўп қўллаётган бу каби айбловларни ишлатишга оид ҳукмга оид саволларга таниқли уламо Обид қори Назаров жавоб беради.
Озодликка қўнғироқ қилган ургутлик суҳбатдош ўзи яшаётган туманда ер адолатли тақсимланмаётгани, бошқа қишлоқларда одамларга ер берилаётган бир пайтда ўз қишлоғида одамлар парча ерга зор бўлиб ўтирганидан шикоят қилди.
Қозоғистоннинг Олмаота шаҳрида ўзбекистонлик яна икки қочқин ҳибсга олинди. Бири қочқинлик мақомини олган Умид Ўринбоев, иккинчиси бошпана изловчи сифатида рўйхатга олинган Фазлиддин Умаровлар айни пайтда Олмаота Ички ишлар бошқармасида сақланмоқда. Улардан бири товламачиликда айбланмоқда.
Ўзбекистон ҳуқуқ ҳимоячилари алянси раҳбари VI Халқаро пахта ярмаркаси бораётган “Ўзэкспормарказ” биноси олдида 10 дақиқалик пикет ўтказди. Елена Урлаева Ўзбекистонда пахта етиштиришда болалар меҳнатидан мажбуран фойдаланишга чек қўйилишини талаб қилди.
"Эркин микрофон"нинг иштирокчиларидан бири Ўзбекистон ҳукумати диндорлар танобини тортиб турмаганда Ўзбекистонда ҳам худди Тожикистоннинг Рашт водийсидаги каби воқеалар бўлиши мумкинлигини айтиб, президент Каримов ва унинг ҳукуматига тасаннолар айтди.
“Ислом ва мусулмонлар” дастурининг бу сонида яқинда интернетда пайдо бўлган видеофилм ҳақида бўлади. Бу филмда 15 йил муқаддам Тошкент аэропортида ғойиб бўлган Абдували қори Мирзаевга нисбатан ҳуқуқ-тартибот идоралари таъқиб-тазйиқлари ҳақида гап боради.
"Эркин микрофон"га қўнғироқ қиладиган тингловчиларимиз ҳикояларига кўникма хосил қилиб бўлганмиз. Лекин чоршанба куни Тошкентдан қўнғироқ қилган Фарида опанинг ҳикояси Ўзбекистон ҳуқуқ-тартибот идоралари бедодликларининг чеки йўқлигига яна бир мисол бўлди.
Варшава марказида ЕХҲТ анжумани ўтказилаётган бино олдида 5 октябр куни хориждаги ўзбек фаоллари Қозоғистондан Ўзбекистонга экстрадиция қилинишидан хавотир билдирилаётган ўзбекистонлик 29 қочқин ҳимоясига пикет уюштирди. Пикет пайтида, номаълум шахслар уни бузишга ҳаракат қилди.
"Эркин микрофонга" қўнғироқ қилган тингловчи ва муштарийларимиз бугун ўзбек медицинаси муаммоларидан тортиб, Ўзбекистоннинг қўшни давлатлари билан муносабатларидаги муаммолар уларнинг шахсий турмушига таъсир қилаётганига оид муаммолардан гапиришди.
Тошкент шаҳридаги мактаб мутасаддиларидан бирининг сўзларига кўра, бу ҳақда Тошкент шаҳар ҳокимиятидан кўрсатма берилган. Муслима қизларнинг ота-оналари мактаблар остонасига қўйилган милиционерлар қизларидан мактаб ҳудудудига 20 метр қолганда рўмолни буткул ечиш талаб қилинаётганини айтмоқда.
Сешанба куни "Эркин микрофон"га қўнғироқ қилган суҳбатдошларимизнинг баъзилари Озодликни воқеаларни бир тарафлама ёритаётганликда танқид қилди. Ўш воқеаларида қирғизлар ҳам азият чекканини айтган ва ўзга юртда мардикорлик қилиб, Ўзбекистонни ҳадеб ёмонлаверманг, деган мухлисларимиз фикрларини ўқинг.
Навоийдаги қамоқхонадан жасади келган маҳбуснинг онаси тошкентлик Насиба Алимхўжаева билан суҳбатни ҳафта бошида эътиборингизга ҳавола қилган эдик. Ўзбекистонда қамоқхонадан маййит чиқиши тез-тез учрайдиган ҳодисага айланиб қолган ва Насиба опа каби бошига кулфат тушганлар такрор-такрор тилга оладиган саволларга жавоб топишга уриндик.
Диний айбловлар билан 6 йилга қамалган журналист Хайрулла Ҳамидовнинг онаси ўғлининг авф этилшига юз фоиз ишонишини айтмоқда. Муқаддас Ҳамидовага кўра, Хайрулла Ўзбекистон президенти номига авф этишни сўраб ёзган мактубига “авф этилсин, аммо, якуний қарорни қамоқхона маъмурияти қабул қилсин”, мазмунидаги жавоб келган.
37 ёшли Шавкат Алимхўжаевнинг жасади Навоий қамоқхонасида 22 июл куни Тошкентдаги яқинларига олиб келинди. Ўлим ҳақидаги гувоҳномада марҳумнинг организми умумий қонсизланиш туфайли вафот этгани айтилган. Лекин раҳматлик Шавкатжоннинг онаси Озодлик билан суҳбатда ўғли қийноқлар қурбони бўлганини гапириб берди.
Ўзбекистон қамоқхоналаридаги минглаб диндорларни қонли чиғириқдан ўтказаётган сиёсат, ўзбекистонлик кузатувчилар фикрича, президент Каримовнинг диндор "авторитет"лар — Тоҳир Йўлдош ва Абдували қори Мирзаевдан қўрқуви устига қурилган эди. Бугун ҳар икки шахс майдонда йўқ. Аммо сўнгги йигирма йил ичида шиддати ўсиб кетган жазо машинасини тўхтатиш имконсиз кўринади.
Давомини ўқинг
