Путин Украина билан ғалла келишувини узайтирмоқчи эмас
Россия президенти Владимир Путин ҳарбий ҳаракатлар давом этилишига ишора қилди. У пайшанба куни Украинага янги қуроллар етказиб берилиши жанг майдонида ҳеч нарсани ўзгартирмаслигини, балки у ердаги можарони янада кучайтиради, деди.
Украинага бостириб киришнинг асосий сабаби "денацификация ва демилитаризация" ҳамда "Донбассдаги русларни ҳимоя қилиш" эканини айтиб келган Россия президенти Украинага бостириб киришнинг бошка бир баҳонасини ҳам овоза қилди.
"Украинанинг НАТОга аъзолигига келсак, биз бу ҳақда бир неча бор гапирганмиз: бу Россия хавфсизлигига таҳдид туғдириши аниқ. Ва "махсус операция" сабабларидан бири Украинанинг НАТОга қўшилиш таҳдидидир. Ишончим комилки, бу Бу Украинанинг ўзи хавфсизлигини яхшиламайди, умуман олганда, бу дунёни янада заифлаштиради ва халқаро майдонда қўшимча кескинликка олиб келади”, деди Россия президенти.
Путин Ғарб талабларини бажармас экан, Россия келаси душанба куни муддати тугайдиган Украина билан Қора денгиз бўйича келишувни узайтирмаслигини билдирди. Телевидение орқали журналистлар билан суҳбатда Путин “Агар улар бизга берилган ваъдаларни бажарсин. Шундагина биз дарҳол келишувга қайтамиз" деди.
Путин Ғарб санкицяларига учраган Россельхозбанкка SWIFT тўлов тизимидан фойдаланишга рухсат бериш шартлардан бири эканини қўшимча қилиб, Москва Россия қишлоқ хўжалиги экспортига тўсқинлик қилаётган юк ташиш ва суғуртага қўйилган чекловларни ҳам бекор қилишни талаб қилишини таъкидлади.
Туркия ва БМТ ўтган ёзда глобал озиқ-овқат инқирозини юмшатиш бўйича музокаралар олиб боришди, шунингдек, Россия билан озиқ-овқат ва ўғитларни Украинадан етказиб беришни осонлаштириш бўйича алоҳида келишувга эришганди.
Бироқ, Москва Россия озиқ-овқат ва ўғитларни етказиб беришни осонлаштириш бўйича БМТ ва Россия ўртасидаги алоҳида меморандум ҳали ҳам жиддий тўсиқларга дуч келаётганидан шикоят қилиб келади.
Жо Байден: НАТО ҳудудининг ҳар бир қаричини ҳимоя қилишга ваъда берамиз!
Жо Байден Финляндия президенти Саули Нинисто билан бўлиб ўтган қўшма матбуот анжуманида НАТО ҳудудининг ҳар бир қаричини ҳимоя қилишга ваъда берди.
Биз НАТО ҳудудининг ҳар бир қаричини, шу жумладан Финляндияни ҳам ҳимоя қиламиз. “Уруш икки сабабга кўра йиллар давом этиши мумкин деб ўйламайман. Биринчидан Россия ўз ресурслари ва имкониятлари билан урушни абадий давом эттира олмайди. Иккинчи сабаб, охир-оқибат вазият тақозо этиб Путиннинг ўзи бу урушни давом эттириш иқтисодий ва сиёсий жиҳатдан Россия манфаатига тўғри келмайди деган қарорга келади. Аммо бу қандай содир бўлишини олдиндан айта олмайман. Умид қиламанки Украина қарши ҳужумда сезиларли муваффақият қозониб, музокаралар йўли билан келишувга эришганини кўрасиз", деди АҚШ президенти
Европанинг хавфсизлиги АҚШ хавфсизлиги ва тинчлиги учун зарурдир, дея қўшимча қилди Байден. Финляндия раҳбари Финляндияда НАТО ҳарбий базасини барпо этиш бўйича музокараларга очиқ эканини айтди.
Байден Вилнюсдаги саммитдан сўнг, Финляндия, Швеция, Дания, Исландия ва Норвегия раҳбарлари билан учрашиш учун Хелcинкига келди.
Путин атрофидаги энг ашаддий пропагандачилар Россияни тарк этишга ҳаракат қилмоқда
Енгил атлетика бўйича икки карра Олимпия чемпиони ва Путиннинг ашаддий тарафдори Елена Исинбаева Испанияга кўчиб ўтди.
Испаниянинг El Digital Surу нашри журналистларига кўра, у Тенерифеда “ҳашаматли мажмуа”да яшайди, бироқ “кўзга кўринмас ҳаёт кечиради”.
2020 йилда у Россия Конституциясига ўзгартиришлар киритиш, яъни Путиннинг шартларини тиклаш бўйича ишчи гуруҳ аъзоси бўлган ва аввалроқ 2012 йилги президент сайловларида Путиннинг ишончли вакили бўлган, хоккейчи Овечкин томонидан яратилган "Путин жамоаси" ҳаракатига қўшилган.
Киевдаги "Ватан" ёдгорлиги "декоммунизация" қилинади
Украина Давлат архитектура ва шаҳарсозлик инспекцияси жамоат объектларини декоммунизация қилиш тўғрисидаги қонун доирасида қўлида қалқонда тасвирланган Совет гербини алмаштиришга расмий рухсат берди. Киевдаги энг машҳур ёдгорликлардан бири бўлган "Она Ватан" фигурасининг қўлидаги Совет гербини Украина герби - Тризуб билан алмаштиришга қарор қилинди.
“Ватан” ҳайкали Киевда 1981 йилда ўрнатилган. У Европадаги энг баланд монументал ҳайкал ҳисобланади ва дунёда бешинчи ҳисобланади. Ёдгорликнинг баландлиги 102 метрни ташкил қилади.