АҚШ, Германия, Франция ва Британия раҳбарлари вазиятни муҳокама қилди
АҚШ президенти Жо Байден Франция, Германия ва Буюк Британия раҳбарлари билан Россиядаги вазиятни муҳокама қилди.
“Президент Байден Франция президенти Эммануэль Макрон, Германия канцлери Олаф Шольц ва Буюк Британия Бош вазири Риши Сунак билан гаплашди. Лидерлар Россидаги вазиятни муҳокама қилди. Шунингдек, улар Украинани қўллаб қувватлашини яна бир бор таъкидлашди”, дейилади Оқ Уй баёнотида.
Лукашенко Пригожинни қайтаришга кўндирганини айтмоқда
Беларус президенти маъмурияти “Вагнер” раҳбарини қўшинларни ортга қайтаришга Алекандр Лукашенко кўндирганини айтмоқда.
Президент маъмурияти баёнотида айтилишича, бугун эрталаб Россия президенти Лукашенко билан гаплашган ва Беларус раҳбари, Путиннинг маъқуллови билан Пригожинга таклифни билдирган. Кремль матбуот котиби Песковнинг маълум қилишича, “Вагнер” гуруҳи энди Беларусга жойлашади. Аммо, у ерда нима қилади - Песков бу ҳақда маълумот бермади.
Ҳозирча, бу баёнотга “Вагнер” ёки унинг раҳбари Пригожин муносабат билдирмади.
Путин Эрдўғон билан гаплашди
Кремлнинг маълум қилишича, Туркия президенти Эрдуғон ташаббус билан икки президент ўртасида телефон орқали мулоқот бўлган.
Баёнотга кўра, Россия президенти мамлакатда қуролли исёндаги кейинги вазиятни Туркия президенти билан муҳокама қилган.
“Туркия президенти Россия раҳбарияти кўрган чораларни тўлиқ қувватлашини билдирди”, дейилади Кремль баёнотида.
Пригожин қўшинларини ортга қайтарди
“Улар “Вагнер” ХҲШни тарқатиб юбормоқчи бўлишди. Биз 23 июнь куни “Адолат марши”ни бошлаган эди. Бир суткада биз Москвага 200 км қолган ҳудудгача етиб келдим. Бу паллагача жангчиларимизнинг бир томчи қони тўкилмади. Ҳозир энди қон тўкилиши мумкин бўлган паллага етиб келдик. Рус аскари қони тўкилишига жавобгарлик ҳиссини тушунган ҳолда колонналаримизни ортга қайтармиз ва режага мувофиқ, жанг майдонига қайтамиз”, деди Пригожин.
Ушбу видеода Пригожиннинг Ростов Дондаги штаб-квартирани тарк этаётгани акс этган.