Линклар

Шошилинч хабар
02 феврал 2023, Тошкент вақти: 12:53
Москвада қор кураётган ўзбек мигрантлари.

Москвада мигрантлар ўзбек, тожик ва қирғиз тилларида рус армиясига қўшилишга тарғиб қилинди. Уруш хроникаси

Урушнинг 292-куни

Аннексия қилинган Мелитопол шаҳрида содир бўлган портлашлар ва ёнғинлар натижасида 200 га яқин россиялик аскар ҳалок бўлди ва яраланди, дея хабар беради Мелитопол мери Иван Федоров.

Россия томонидан аннексия қилинган Қримдаги ҳарбий казармаларда ёнғин чиқди.

Рус террорчилари бир кечанинг ўзида Одесса вилоятига 15 та камикадзе дронлар билан ҳужум уюштирди.

Россия, Украина ва Беларус ҳуқуқ фаоллари Тинчлик учун Нобел мукофоти билан тақдирланди

Европа Кенгаши Украинага 2023-йил учун 18 миллиард евро миқдоридаги ёрдам пакетини келишиб олди.

Британия ташқи ишлар вазири: Украина бўйича тинчлик музокараларидан Россия қайта қуролланиб олиш учун имконият сифатида фойдаланишига йўл қўйиб бўлмайди

The Insider ўтказган журналистик суриштурувда Кремлга алоқадор ва Россия Мудофаа вазирлигидан пудратларни олувчи рус миллиардерлари Искандар Маҳмудов ва Анедрей Бокарев шахсан ҳамда воситачилар ёрдамида Латвияда бизнес қилаётгани аниқланди.

АҚШда нашр этиладиган нуфузли Politico журнали Россия президенти Владимир Путинни “йилнинг омадсиз одами” деб эълон қилди.

6 декабр куни кечқурун рус армияси Херсон, Кривой Рог ва Краматорск инфратузилмасига зарба берди, бир киши ҳалок бўлди ва ярадорлар бор.

АҚШ Украинани Россия ҳудудига зарба беришга ундамайди ва бунга йўл қўймайди ҳам. Бу ҳақида АҚШ давлат котиби Энтони Блинкен баёнот берди.

АҚШ Украинага етказиб бераётган HIMARS ракета тизимларини Россиядаги нишонларга қарши ишлатилмаслиги учун яширинча ўзгартирди.

17:10 30.11.2022

Харковда Россиянинг уруш жиноятларига далил тўпланмоқда

Украиналик терговчилар Россия содир этган уруш жиноятларига далил сифатида Харков шаҳрида минглаб ракета снарядлари бўлаклари, бомба парчаларини йиғмоқда.

"Россия бу қуроллардан тинч аҳоли турар-жойлари, фуқаролик инфратузилмаси, шифохоналар, кўп қаватли уйлар, ноҳарбий бўлган хусусий ва давлат корхоналарига ҳужум қилишда фойдаланган", деди Харков прокуратураси матбуот котиби Дмитро Чубенко.

Россия кучлари бир неча ой давомида Украинанинг иккинчи йирик шаҳри бўлмиш Харковни артиллерия ва ракеталардан ўққа тутиб келади. Халқаро қонунларни очиқдан-очиқ бузилиши дея таърифланган ҳужумларда кўплаб тинч аҳоли ҳалок бўлди, шифохоналар, мактаблар ва уйлар вайрон бўлди.

Чубенконинг билдиришича, тўпланган ракета ва снаряд парчалари Халқаро жиноий суд экспертлари ва терговчилари томонидан текширилмоқда.

16:48 30.11.2022

Зеленский: Душман Харковга киришга уринмоқда

Владимир Зеленский фронтда вазият оғирлигича қолаётганини, Россия кучлари Донбасс ва Харков йўналишида олдинга силжишга уринаётганини билдирди:

"Фронт чизиғида вазият оғир. Катта йўқотишларга қарамай, душман ҳали ҳам Донецк ва Луганск вилоятларида олға силжишга ҳамда Харков вилоятига киришга уринмоқда. Душман жанубда қандайдир ўзгариш қилишни режалаштирмоқда".

Украинанинг шарқий Донбасс вилоятини ўз ичига олувчи Луганск ва Донецк вилоятларида бир неча ойдирки шиддатли жанглар давом этмоқда.

12:59 29.11.2022

Новая Каховка ва Изюмда Россия ўғирлаб кетган украинларнинг жасадлари топилди

Россия босиб олган Новая Каховка яқинидаги ўрмондан Россия ҳарбийлари бир неча кун олдин ўғирлаб кетган еванглия черкови руҳонийси Анатолий Прокопчук ва унинг ўғли Александрнинг жасади топилди. Бу ҳақда журналистик суриштирувлар маркази ҳалок бўлганларнинг дўстларига таянган ҳолда хабар берди.

Хабарда айтилишича, Анатолий ва Александр Прокопчукларни 22 ноябрь куни Россия ҳарбийлари Райское қишлоғига олиб кетган. Ҳарбийлар бунинг учун Анатолийнинг автомашинасидан фойдаланган. Ҳарбийлар улардан нима талаб қилгани номаълум.Анатолий Прокопчук етти фарзанднинг отаси эди. У билан бирга ўлдирилган ўғли Анатолий 19 ёшда бўлган.

12:21 29.11.2022

Изюмда Россия ўғирлаб кетган болалар ёзувчисининг жасади топилди

Адабиёт бўйича қатор мукофотларнинг лауреати бўлган 50 ёшли ёзувчи ва шоир Владимир Вакуленконинг жасади Изюмдаги умумий қабристондан топилди. У март ойида Россия ҳарбийлари томонидан ўғирлаб кетилган эди. Бу ҳақда"Суспільне" хабар берди.

Хабардла айтилишича, Россия ҳарбийлари Харьков вилоятининг Изюм шаҳри яқинида ўлдирилган украиналикларни умумий қабристонга кўмган. Вакуленконинг жасади 319-сонли қабрдан топилган.

Бу ерга жами 400 киши дафн этилгани аниқланди. Ўлдирилганларни кўмиш билан маҳаллий дафн хизмати шуғулланган. Журналистлар дафн хизматининг қайдлар дафтаридаги 319-рақамда ёзувчига оид шахсий маълумотлдар берилганини ва унинг фотосуратини топганлар. Ўтказилган ДНК анализи жасад ёзувчиники эканини тасдиқлади.

Вакуленко Харьков вилоятининг Изюм туманидаги Капитоловка қишлоғида март ойида йўқолиб қолган эди. Кейинроқ уни Россия ҳарбийлари ўғирлаб кетгани аниқланган.

Владимир Вакуленко украин фаоли, болалар ёзувчиси ва шоири. 13 та китобнинг муаллифи. Унинг икки ўғил фарзанди бор эди. Кичик ўғли ногирон бўлган ва ёзувчи уни парваришлар билан ёлғиз ўзи шуғулланган.

Давомини ўқинг

XS
SM
MD
LG