Шойгу: 300 минг заҳирачи сафарбар қилинади
“Уч юз минг заҳирадаги аскар сафарбар қилинади”, деди Россия мудофаа вазири Сергей Шойгу.
Унга кўра, чақирув бир марталик акция доирасида амалга оширилмайди.
Чоршанба кунидан бошлаб қисман сафарбарлик ҳақида аввалроқ Россия президенти Владимир Путин эълон қилган эди.
Шойгу захирадаги 300 минг аскар мобилизация қилинишини билдирди
Россия Мудофаа вазири Сергей Шойгу мобилизация доирасида захирадаги 300 минг аскар армияга чақирилишини билдирди. Қисман мобилизация тўғрисидаги фармонни президент Путин 21 сентябрь куни имзолади.
Сергей Шойгу бир неча ой ичида биринчи марта Украинадаги урушда ҳалок бўлган рус аскарлари сонини очиқлади. Унга кўра, февраль ойи охиридан то шу кунгача Украинада 5937 рус ҳарбийси ҳалок бўлган. Бу рақам ғарб давлатлари разведкаси берган маълумотлардан ва урушдаги талафотларни ўрганган мустақил тадқиқотчилар айтган рақамлардан ҳам озроқдир.
Воқеанинг ривожланиш жараёнини Озодлик билан бирга кузатинг.
Телеграм каналимиз: https://t.me/bugunuz
Youtube: https://www.youtube.com/c/ozodlikradiosi
Россия президенти Владимир Путин мамлакатда қисман ҳарбий сафарбарлик эълон қилинишини билдирди
Бу ҳақда у 21 сентябрь куни эрталаб россияликларга мурожаатида маълум қилди.
"Ватанимиз ҳимояси ва ҳудудий бутунлиги йўлида қисман мобилизация зарур деб ҳисоблайман", деди Путин.
Путиннинг сўзларига кўра, мобилизация фақат захирадагилар ва ҳарбий хизмат ўтаганларга тааллуқли. Ҳарбийга юборилишидан аввал улар қўшимча тайёргарликдан ўтади.
Мобилизация чоралари бугун, 21 сентябрдан бошланади.
Воқеанинг ривожланиш жараёнини Озодлик билан бирга кузатинг.
Телеграм каналимиз: https://t.me/bugunuz
Youtube: https://www.youtube.com/c/ozodlikradiosi
Ғарб давлатлари Москванинг Украинада референдум ўтказиш режасини қораламоқда
Ғарбдаги қатор давлатлар лидерлари Москва Украинанинг босиб олинган ҳудудларида референдум ўтказишга ҳаракат қилаётганини қоралади.
АҚШ президентининг миллий хавфсизлик бўйича маслаҳатчиси Жейк Салливан Вашингтон бу референдумларни қоралашини билдирди. Германия канцлери Олаф Шольц ва Франция президенти Эммануэл Макрон референдумларни “сохта” деб атади.
“Бу жуда тушунарли ҳолат, бу сохта референдумларни қабул қилиб бўлмайди ва уларнинг ўтказилиши халқаро ҳуқуқ меъёрларига зид келади”,-деди БМТ Бош Ассамблеясида иштирок этиш учун Нью-Йоркка келган Олаф Шольц.
НАТО бош котиби Йенс Столтенберг “бу референдумлар ҳеч қандай легитим кучга эга эмас ва Россиянинг Украинага нисбатан олиб бораётган агрессив урушининг характерини ўзгартира олмайди”, - деб фикр билдирди.
Канада ва Европа Иттифоқи ҳам референдумлар ўтказилишини кескин танқид қилди. Расмий Киев мазкур референдумларни тан олмаслигини билдирди.
Украина шарқидаги ўзини ДХР ва ЛХР деб номлаб олган тан олинмаган айирмачи ҳудудларда ва Херсон вилоятининг босиб олинган ҳудудларида Россияга қўшилиш бўйича 23-27 сентябрь кунлари референдумлар ўтказилиши кутилмоқда.