Швеция шимолидаги Остершунд (Östersund) шаҳрида ўзбекистонлик таниқли имом Обид қори Назаров жонига қасд қилишда айбланаётган шахс устидан маҳкаманинг сўнгги куни прокурор айбланувчи Юрий Жуковскийга бир умрлик қамоқ жазосини сўради. Унинг ишонишича, Юрий Жуковский суиқасад амалига Обид Назаровнинг фаолияти сабаб бўлган. Жуковский суд бошидан буён унга қўйилган айбни тан олмасдан келаётир. Бироқ у судда ҳамма нарсани очиқча гапира олмаслигини эътироф этди. 37 яшар Жуковский шу йилнинг 25 августда Россиядан Швецияга экстрадиция қилинган.
Суд залида журналистлар, ҳакам, авдокат ва прокурордан ташқари яна 20дан одам жам бўлган.
Обид қорининг ўғли Довуд Назаров кўрсатма бера бошлади.
Довуднинг айтишича, унинг отаси 2012 йилнинг 22 февралидан 9 мартига қадар Умеадаги госпиталда даволанган. Кейин Остершунддаги госпиталда 19 июнга қадар даволанган.
Довуд ҳужумга қадар дадаси соғлом бўлганини айтади.
