Назаров адвокати бугун эрталаб кўрсатилган паспорт сурати ҳақида Довуд Назаровдан сўрамоқда.
Довуд отасига суиқасддан кейин яна бир неча қотилликлар содир этилганини айтади. Улардан бири Туркияда 2014 йилда юз берган. Ўшанда асли ўзбекистонлик имом, Абдуллоҳ Бухорий, Истанбулда отиб кетилганди. Кўп ўтмай Туркия полицияси бир неча кишини ҳибсга олди. Туркия полициясига кўра, улардан бири қотилликни содир этганини тан олган.
Истанбулдаги қотилликдан бир оз аввал Россиядан бир неча киши Туркияга келган. Улар, Довуд Назаровнинг айтишича, Туркияда яшаган муҳожиротдаги бир неча шахсни ўлдиришни муҳокама қилганлар.
Полиция Абдуллоҳ Бухорий ўлимига алоқадорликда бир неча кишини ҳибсга олиши ортидан, улар ёнидан ўлдирилган ёки ўлдириши керак бўлган шахслар рўйхати чиққан. Ҳибсга олинганлар Юрий Жуковскийнинг Москвадаги дўсти, Умид Аминов (Тигран Каплан) топшириғи билан келганликларини айтганлар, дейди Довуд Назаров..