Жуковский Остершундда бўлганини эътироф этди. У шаҳар бўйлаб кўп пиёда ва машинада юрганини айтди. Жуковский шунингдек Стромшундга борганини айтди.
"Мен ҳамма жойда бўлдим," деди у.
Прокурор: Ҳамма жойда бўлдим, дейишингиз озгина бўрттириш эмасми? Сиз телефонингизни фақат Остершунд ва Стромшундда фойдалангансиз.
Жуковский: Шундай бўлиши мумкин.
Савол: Стромшундга боришингиздан мақсадингиз нима эди? Вазифани бажаришми?
Жуковский: Мен шунчаки атрофда кездим. Стромшунддан узоқроққа бордим.
Прокурор яна телефон рўйхатига қайтди. Унинг қўлида Жуковский телефон суҳбатлари рўйхати. Прокурорга кўра, 15 ва 16 февраль кунлари Остершундда Ўзбекистон ва Россияга қўнғироқ қилингани қайд этилган. Жуковский кимга ва нимага телефон қилганини эслай олмаслигини айтди. Ўғлига телефон қилмагани, у пайтда ўғли ёш бўлганини илова қилди...