Прокурор нима учун Жуковский Назаровни ўта яқин масофадан туриб, бор йўғи бир марта олганини айтди. Жуковский жавобан, фотокамерасидан суратни узоқ масофадан туриб олганини айтади. Унга кўра, фотокамерасида масофани яқинлаштирувчи мослама бўлган.
Прокурор: Сиз кирага олган машинангизни топшириб, Вольво русумдаги машинани кирага олгансиз. Сизда шундай орзу бўлганини айтасиз. Шундайми?
Жуковский: Ҳа, мен кирага олинган машиналар сифатини қиёслаб кўрмоқчи эдим.
Прокурорнинг таъкидлашича, Жуковский тергов пайтида Назаров суратларини ўз қўли билан Москвага олиб боришни истаганини айтган. Аммо кейинчалик, у тасвирни Остершунддаги кафедан ҳам юборганини илова қилган.
Прокурор: Сиз тасвирни юборгач, жавоб олдингизми?
Жуковский: Эсимда йўқ.
Жуковский Швецияда кўчиб ўтиш орзусида бўлганини айтади. У унда учта йўл бўлганини илова қилади: хусусий виза олиш, бизнес визаси олиш ёки Швециядан бошпана сўраш. Учинчи вариант мен учун эмасди, илова қилади у.